Cinema News
பேன் இந்திய திரைப்படம்.. எஸ் டி ஆர் கொடுத்த கால்ஷீட்… டி ராஜேந்தரின் புதிய அவதாரம்..
Published on
கடந்த சில ஆண்டுகளாக பேன் இந்திய திரைப்படங்களின் வரவு அதிகமாகிக்கொண்டே வருகிறது. இந்திய சினிமாவில் இதற்கு முன் பேன் இந்திய திரைப்படங்கள் பல வெளிவந்திருந்தாலும், இப்போது எங்கு திரும்பினாலும் பேன் இந்திய திரைப்படங்கள் வரிசைக்கட்டி நிற்கின்றன.
சிலர் “பேன் இந்தியா இல்லையென்றாலும் பரவாயில்லை, பேன் தென்னிந்தியா போதும்” என்று தமிழ், தெலுங்கு, மலையாளம், கன்னடம் ஆகிய தென்னிந்திய மொழிகளில் மட்டுமே கூட வெளியிடுகிறார்கள். சமீபத்தில் வெளிவந்த “சீதா ராமம்” திரைப்படம் இதற்கு நல்ல உதாரணம்.
சில நாட்களுக்கு முன்பு கூட “பிரம்மாஸ்த்ரா” என்ற பேன் இந்திய திரைப்படம் வெளிவந்தது. அதே போல் வருகிற 30 ஆம் தேதி “பொன்னியின் செல்வன்” திரைப்படம் பேன் இந்திய திரைப்படமாக வெளிவரவுள்ளது.
இப்படி போய்க்கொண்டிருக்கும் டிரெண்டிற்குள் தற்போது டி ராஜேந்தரும் நுழையவுள்ளாராம். ஆம்! சில மாதங்களுக்கு முன் உடல்நிலை சரியில்லாத காரணத்தால் அமேரிக்காவில் மருத்துவமனையில் அனுமதிக்கப்பட்டிருந்த டி ராஜேந்திரன் தற்போது உடல் நலம் தேறியுள்ளார்.
இந்த நிலையில் தான் ஒரு பேன் இந்திய திரைப்படத்தை இயக்கவுள்ளாராம் டி ஆர். சில மாதங்களுக்கு முன்பே தனது பேன் இந்திய திரைப்படத்திற்கான திட்டத்தை தீட்டியிருந்தாராம். அந்த தருணத்தில் தான் உடல்நிலை சரியில்லாமல் போயிருக்கிறது.
தற்போது உடல்நிலை தேறியுள்ளதால் மீண்டும் அத்திரைப்படத்திற்கான பணிகளை தொடங்க உள்ளாராம். தனக்கு சொந்தமான ஸ்டூடியோவில் ஒரு பெரிய செட் ஒன்றை உருவாக்கவுள்ளாராம்.
அதே போல் தனது மகன் சிலம்பரசனிடமும் சில காட்சிகளில் நடிக்க கால்ஷீட் கேட்டுள்ளாராம். அவரும் ஓகே என்று தலையாட்டி இருக்கிறார்.
1980களில் “ஒரு தலை ராகம்”, “உயிருள்ளவரை உஷா”, “தங்கைக்கோர் கீதம்”, “மைதிலி என்னை காதலி” போன்ற பல வெற்றித் திரைப்படங்களை நடித்து இயக்கியவர் டி ராஜேந்தர். இவர் இறுதியாக இயக்கிய திரைப்படம் “வீராசாமி”. அதன் பின் அவர் பல திரைப்படங்களில் நடித்து வந்தார். ரைமிங் வசனங்களுக்கு பெயர் போனவர் டி ஆர். இந்த நிலையில் தான் பேன் இந்திய திரைப்படம் ஒன்றை இயக்கவுள்ளாராம். இத்திரைப்படமும் டி ஆர் பாணியில் அமையுமா என்பதை பொறுத்திருந்துதான் பார்க்கவேண்டும்.
தொடர்ச்சியாக திரைப்படங்களில் நடிக்கவில்லை என்றாலும் தனக்கென ஒரு ரசிகர் கூட்டத்தை வைத்திருப்பவர்தான் நடிகர் சிம்பு. அப்பாவால் சினிமாவில் உயர்ந்து தனக்கென ஒரு...
Vijay vs Ajith: தமிழ் சினிமாவில் முன்னணி நடிகர்களான அஜித் மற்றும் விஜய் இருவருக்குமே எப்போதும் போட்டா போட்டி இருக்கும். ஒருவர்...
ஷங்கரின் இயக்கத்தில் கமல்ஹாசன், மனிஷா கொய்ராலா, ஊர்மிளா, கவுண்டமணி என பலரும் நடித்து 1996ம் வருடம் வெளியான திரைப்படம் இந்தியன். லஞ்சம்...
Kamalhassan: தமிழ் சினிமாவில் தற்போது இள நடிகர்களை விட முன்னணி நடிகர்களாக இருக்கும் அனுபவம் வாய்ந்த ரஜினிகாந்த் மற்றும் கமல்ஹாசன் செம...
Rajinikanth: சூப்பர் ஸ்டார் ரஜினிகாந்த் திரைப்படத்தில் நடிக்க இருந்ததாக தகவல் பரவிய நிலையில் அந்தப் படத்தில் நடிகருக்கு வாய்ப்பு கிடைக்காமல் போக...