Cinema News
சிம்புவிடம் கதை சொன்னதால் கடுப்பான தனுஷ்?… வெற்றிமாறனை எப்படியெல்லாம் டார்ச்சர் செய்தார் தெரியுமா?
Published on
வெற்றிமாறன் முதன்முதலில் இயக்கிய திரைப்படம் தனுஷ் நடித்த “பொல்லாதவன்”. இத்திரைப்படத்தின் வெற்றியை தொடர்ந்து மீண்டும் தனுஷை வைத்து “ஆடுகளம்” திரைப்படத்தை இயக்கினார். இத்திரைப்படம் மிகப்பெரிய வெற்றியை தனுஷுக்கு பெற்றுத்தந்தது. மேலும் இத்திரைப்படம் 6 தேசிய விருதுகளை பெற்று இந்தியாவையே திரும்பி பார்க்க வைத்தது.
வட சென்னை 2
இதனை தொடர்ந்து வெற்றிமாறனுக்கும் தனுஷுக்கும் நல்ல நெருக்கம் உருவானது. வெற்றிமாறன் இயக்கிய “விசாரணை” திரைப்படத்தை தனுஷ்தான் தயாரித்தார். அதன் பின் வெற்றிமாறன் “வடச்சென்னை” திரைப்படத்தை இயக்கினார். “வட சென்னை” திரைப்படம் முதல் பாகம் மட்டுமே வெளிவந்த நிலையில் ரசிகர்கள் மிகுந்த ஆவலோடு இரண்டாம் பாகத்திற்காக காத்துக்கொண்டிருக்கின்றனர். சில நாட்களுக்கு முன்பு கூட “வட சென்னை 2” எப்போது வரும் என பலரும் கேள்வி எழுப்பி வந்தனர்.
இந்த நிலையில் “வட சென்னை” திரைப்படத்தின் படப்பிடிப்பின்போது வெற்றிமாறனை தனுஷ் டார்ச்சர் செய்ததாக ஒரு தகவல் தற்போது வெளிவந்துள்ளது.
சிம்புவுக்கு சொன்ன கதை
அதாவது “வட சென்னை” திரைப்படத்திற்கு முதலில் தனுஷ் ஒப்பந்தம் செய்யப்பட்டாலும் கால்ஷீட் நாட்களை தரவில்லையாம். ஆதலால் திரைப்படத்தின் படப்பிடிப்பு தள்ளிப்போய்க்கொண்டே இருந்ததாம்.
ஆதலால் வெற்றிமாறன் இப்போதைக்கு சிம்புவை வைத்து படம் இயக்கலாம் என முடிவு செய்து சிம்புவிடம் ஒரு கதையை கூறினாராம். இந்த விஷயம் தனுஷிற்கு தெரிய வந்திருக்கிறது.
இதன் பின் சில நாட்களிலேயே தனுஷ் கால்ஷீட் நாட்களை தந்திருக்கிறார். அதன் பின் சிம்புவை வைத்து படம் இயக்குவதை கைவிட்டுவிட்டு “வட சென்னை” படப்பிடிப்பை தொடங்கினார் வெற்றிமாறன். ஆனால் தனுஷ் படப்பிடிப்புக்கு சரியாக வராமல் போங்கு காட்டி வந்தாராம். ஒரு நாள் காலை 11 மணி ஆகியும் தனுஷ் படப்பிடிப்பிற்கு வரவில்லையாம்.
வெற்றிமாறனை காண்டாக்கிய தனுஷ்
திடீரென தனுஷ் வெற்றிமாறனுக்கு தொடர்புகொண்டு, “வெற்றி, நான் ஒரு பாடல் எழுதியிருக்கிறேன். எப்படி இருக்கிறது என்று கூறுங்கள்” என கூறினாராம். இதனை கேட்டதும் கடுப்பாகிவிட்டாராம் வெற்றிமாறன்.
“சார் இங்க ஷூட்டிங் வச்சிருக்கோம். நீங்க என்னன்னா ஷூட்டிங் வராம இருக்குறீங்களே?” என்று கேட்க, அதற்கு தனுஷ், “ஷூட்டிங் கிடக்குது. நாளைக்கு ஷூட்டிங் வச்சிக்குவோம்” என கூறினாராம். இவ்வாறு அடிக்கடி வெற்றிமாறனை காண்டாக்குவாராம் தனுஷ்.
இதையும் படிங்க: வெற்றிமாறனை கட்டம் கட்டி பழிவாங்கிய பிரபல நடிகர்… இருவருக்கும் இப்படி ஒரு வெறுப்பு இருக்கா? என்னப்பா சொல்றீங்க?
கமல் படம் என்றாலே கிசுகிசு தான். அதிலும் உதட்டு முத்தம் எப்போது வரும்? உண்டா, இல்லையா என்றே தெரியாது. திடீர்னு அரங்கேறி...
தமிழ் சினிமாவில் பெரிய இயக்குனர்களின் வரிசையில் இடம் பிடித்திருப்பவர் இயக்குனர் அட்லி. இயக்குனர் ஷங்கரின் உதவியாளரான இவர் ராஜா ராணி படம்...
இயக்குனர் ஸ்ரீதர் என்றால் தமிழ்ப்பட உலகில் தவிர்க்க முடியாத இயக்குனர். அவரது படங்கள் பெரும்பாலும் சூப்பர்ஹிட் தான். ஒவ்வொன்றும் ஒவ்வொரு ரகமாக...
வைகாசி பொறந்தாச்சு என்ற முதல் படத்திலேயே மாபெரும் ஹிட்டைக் கொடுத்தவர் இயக்குனர் ராதா பாரதி. இவர் தனது திரையுலக சுவாரசியங்களை பிரபல...
சூர்யா நடிப்பில் எதற்கும் துணிந்தவன் படம் வெளியாகி 2 வருடங்கள் ஆகிவிட்டது. இன்னமும் அவரின் அடுத்த படம் வெளியாகவில்லை. கங்குவா படம்...