பர்ஃபாமன்ஸ்லாம் பண்ண முடியாது!. கலைஞர் 100வது விழாவுக்கு எஸ்கேப் ஆகும் நடிகர்கள்…

Kalaignar 100: திரையுலகில் நடிகர் சங்கம், தயாரிப்பாளர் சங்கம், இயக்குனர் சங்கம், பெப்சி என முக்கிய சங்கங்கள் இருக்கிறது. ஆனால், எல்லாவற்றுக்கும் இடையே நல்ல ஒற்றுமையும், உறவும் இருக்கிறதா என்றால் இல்லை என்றுதான் சொல்ல வேண்டும். ஒன்றின் கட்டளைக்கு ஒன்று கட்டுப்படாது. அதனால்தான் இப்போதுவரை நடிகர் சங்கத்தையே கட்டி முடிக்காமல் இருக்கிறார்கள்.

விஷால் தயாரிப்பாளர் சங்க தலைவரான போது அவருக்கு பல வகைகளிலும் குடைச்சல் கொடுத்தனர். அவருக்கு போட்டியாக பாக்கியராஜை இறக்கி தேர்தலையும் சந்தித்தனர். ஆனால், இப்போது வரை வாக்குகள் எண்ணப்பட்டு முடிவு அறிவிக்கப்படவில்லை. ஒருபக்கம், மறைந்த முதல்வர் கலைஞர் கருணாநிதிக்கு நூற்றாண்டு விழா நாளை (6.01.2024) சென்னை கிண்டி ரேஸ் கோர்ஸ் மைதானத்தில் நடைபெறவுள்ளது.

இதையும் படிங்க: சர்ப்பரைஸ் மேல சர்ப்பரைஸ்!.. விடாமுயற்சி படத்தில் ரெண்டு அர்ஜூன்!. அட என்னப்பா சொல்றீங்க!…

இந்த விழாவில் முதல்வர் ஸ்டாலின், உதயநிதி ஸ்டாலின், சில அமைச்சர்கள் மற்றும் திரையுலகை சேர்ந்த பலரும் கலந்து கொள்ளவிருக்கிறார்கள். இதில் கலைஞர் கருணாநிதி பற்றிய ஆவண படங்கள், கலைஞரை பற்றிய நாடகங்கள் என பல நிகழ்ச்சிகள் நடைபெறவுள்ளது.

மேலும், சண்டை காட்சி நடிகர்களின் நிகழ்ச்சி உள்ளிட்ட பல நிகழ்ச்சிகளை நடத்தவுள்ளனர். இந்த விழாவில் ரஜினி, கமல் ஆகியோர் கலந்துகொள்ளவிருக்கிறார்கள். விஜய் வருவாரா என்பது தெரியவில்லை. ஆனால், அஜித் கண்டிப்பாக வரமாட்டார். ஏனெனில், அவர் விடாமுயற்சி படத்திற்காக அசர் பைசான் நாட்டுக்கு கிளம்பிவிட்டார்.

இதையும் படிங்க: விஜயகாந்த் மறைவுக்கு வடிவேலு ரியாக்‌ஷன் என்ன தெரியுமா? ஷாக் கொடுத்த நண்பர்

ஒருபக்கம், சில நடிகர்களை நடனமாடுவதற்காக அழைத்துள்ளனர். ஆனால், என்னால் முடியாது என கைவிரித்துவிட்டார்களாம். அதற்கு 2 காரணங்கள் சொல்லப்படுகிறது. இதுபோன்ற விழாக்களில் நடனமாடினால் ரசிகர்களின் மனதில் தங்களுக்கான இமேஜ் குறைந்துவிடும் என நினைக்கிறார்களாம். மற்றொன்று, ஒரு முழுப்பாடலுக்கு நடன அசைவுகளை மனதில் வைத்து சரியாக ஆடுவது என்பது சிலருக்கு மட்டுமே வரும். சொதப்பிவிட்டால் அசிங்கமாகிவிடும் என்பதாலும் பல நடிகர்கள் இதற்கு ‘நோ’ சொல்லிவிட்டதாக கூறப்படுகிறது.

பாலிவுட் நடிகரக்ளான ஷாருக்கான், சல்மான்கான் போன்றவர்களே சில விழாக்களில் கலந்து கொண்டு நடமாடுகிறார்கள். ஆனால், தமிழ் சினிமா நடிகர்களோ இப்படி நினைக்கிறார்கள். எப்படியோ கிடைக்கும் நடிகர்களை வைத்து கலைஞர் நூற்றாண்டு விழாவை சரியாக நடத்த தயாரிப்பாளர் மற்றும் இயக்குனர் சங்கமும் திட்டமிட்டுள்ளது.

இதையும் படிங்க: என்னமோ செய்யப்போறாங்க!. துபாயில் பரிதாபங்கள் கோபி – சுதாகருடன் சிவகார்த்திகேயன்!. வைரல் வீடியோ..