ரஜினிகாந்துடன் நேரடியாக மோதிய 25 பாக்யராஜ் படங்கள்… ஜெயித்தது யாரு தெரியுமா?

சூப்பர்ஸ்டார் ரஜினிகாந்த் படங்களுடன் 25 முறை நேரடியாக பாக்யராஜ் படங்கள் மோதியுள்ளன. ஜெயித்தது யாருன்னு பார்க்கலாமா…

நினைத்தாலே இனிக்கும் – புதிய வார்ப்புகள்

1979 தமிழ்ப்புத்தாண்டு அன்று ரஜினிக்கு நினைத்தாலே இனிக்கும் படமும், பாக்யராஜிக்கு புதிய வார்ப்புகள் படமும் வெளியானது. இதில் ரஜினி, கமல் நடித்த படம் தான் சூப்பர்ஹிட். புதிய வார்ப்புகள் படமும் ஹிட். 22 நாள்களில் எடுக்கப்பட்ட படம் இது. 1979 செப்டம்பரில் பாக்யராஜ் நடித்த கன்னிப்பருவத்திலே படமும், ரஜினியின் ஆறிலிருந்து அறுபது வரை படமும் ரிலீஸானது. இவற்றில் ரஜினி படம் தான் ஹிட்.

அன்னை ஓர் ஆலயம் – சுவர் இல்லாத சித்திரங்கள்

1979 அக்டோபரில் ரஜினிக்கு அன்னை ஓர் ஆலயம் படமும், பாக்யராஜிக்கு சுவர் இல்லாத சித்திரங்கள் படமும் ரிலீஸ். இரு படங்களுமே சூப்பர்ஹிட். 1980 ஜூனில் ரஜினிக்கு அன்புக்கு நான் அடிமை படமும், பாக்யராஜிக்கு பாமா ருக்மணி படமும் ரிலீஸ். இதுல ரஜினி படம் தான் ஹிட்.

காளி – ஒரு கை ஓசை

1980 ஜூலையில் ரஜினிக்கு காளி படமும், பாக்யராஜிக்கு ஒரு கை ஓசை படமும் ரிலீஸ். இதுல பாக்யராஜ் படம் தான் ஹிட். 1980 தீபாவளிக்கு ரஜினிக்கு பொல்லாதவன் படமும், பாக்யராஜிக்கு குமரிப்பெண்ணின் உள்ளத்திலே படமும் ரிலீஸ். இதுல ரஜினி படம் தான் சூப்பர்ஹிட். ஆரம்பத்தில் ஆக்ஷன் ஹீரோவாக மாற்றிய படங்களில் இதுவும் ஒன்று.

1981 ஜனவரியில் ரஜினிக்கு தீ படமும், பாக்யராஜிக்கு மௌன கீதங்கள் படமும் ரிலீஸ். பாக்யராஜ் படம் வெள்ளி விழா கொண்டாடியது. அவர் தான் வின்னர். 1981 மார்ச்சில் பாக்யராஜிக்கு இன்று போய் நாளை வா படமும், ரஜினிக்கு கழுகு படமும் ரிலீஸ். இதுலயும் பாக்யராஜ் தான் வின்னர்.

1981 மே மாதம் ரஜினிக்கு தில்லு முல்லு படமும், பாக்யராஜிக்கு விடியும் வரை காத்திரு படமும் ரிலீஸ். இதுல ரெண்டுமே ஜெயித்தாலும் ரஜினி படம் தான் ஒரு படி மேல். அதனால் அவர் தான் வின்னர். 1981 தீபாவளிக்கு பாக்யராஜிக்கு அந்த 7 நாள்கள் படமும், ரஜினிக்கு ராணுவ வீரன் படமும் ரிலீஸ். இதுல பாக்யராஜ் தான் வின்னர். அவர் படம் வெள்ளிவிழா கொண்டாடியது.

 ரங்கா – தூறல் நின்னு போச்சு 

TNP- Ranga

1982 தமிழ் புத்தாண்டுக்கு ரஜினியின் ரங்கா படமும், பாக்யராஜின் தூறல் நின்னு போச்சு படமும் ரிலீஸ். இதுல பாக்யராஜ் தான் வின்னர். 300 நாள்களைக் கடந்து ஓடி மாபெரும் வெற்றி பெற்றது அவரது படம்.

1982 ஆகஸ்டில் ரஜினிக்கு எங்கேயோ கேட்ட குரல் படமும், பாக்யராஜிக்கு பொய் சாட்சி படமும் ரிலீஸ். இதுல ரஜினி தான் வின்னர். 1982 அக்டோபரில் ரஜினிக்கு மூன்று முகம் படமும், பாக்யராஜிக்கு டார்லிங் டார்லிங் டார்லிங் படமும் ரிலீஸ். இதுல ரஜினி தான் வின்னர். 1983 ஜூலையில் பாக்யராஜிக்கு முந்தானை முடிச்சு படமும், ரஜினிக்கு அடுத்த வாரிசு படமும் ரிலீஸ். இதுல பாக்யராஜ் படம் வெள்ளி விழா கொண்டாடி மாபெரும் வெற்றி பெற்றது.

 நல்லவனுக்கு நல்லவன் – தாவணிக் கனவுகள்

1984 செப்டம்பரில் ரஜினிக்கு நல்லவனுக்கு நல்லவன் படமும், பாக்யராஜிக்கு தாவணிக் கனவுகள் படமும் ரிலீஸ். இதுல இரண்டு படமும் ஹிட். 1985 தீபாவளிக்கு ரஜினியின் படிக்காதவன் படமும், பாக்யராஜிக்கு சின்னவீடு படமும் ரிலீஸ். இதுல ரஜினி படம் தான் ஒரு படி அதிகமான வெற்றி. 1988 ஆகஸ்டில் பாக்யராஜிக்கு இது நம்ம ஆளு படமும், ரஜினிக்க தர்மத்தின் தலைவன் படமும் ரிலீஸ். இதுல பாக்யராஜ் படம் தான் ஒரு படி அதிகமான வெற்றி.

1989 ஏப்ரலில் ரஜினிக்கு சிவா படமும், பாக்யராஜிக்கு என் ரத்தத்தின் ரத்தமே படமும் ரிலீஸ். இதுல ரெண்டுமே பிளாப். 1989 அக்டோபரில் ரஜினிக்கு மாப்பிள்ளை படமும், பாக்யராஜிக்கு ஆராரோ ஆரிராரோ படமும் ரிலீஸ். இதுல ரஜினி தான் வின்னர். 1991 அக்டோபரில் ரஜினிக்கு நாட்டுக்கு ஒரு நல்லவன் படமும், பாக்யராஜிக்கு ருத்ரா படமும் ரிலீஸ். இதுல பாக்யராஜ் தான் வின்னர்.

இதையும் படிங்க… கரண் மார்க்கெட்டை இழந்தது ஏன்னு தெரியுமா? பின்னணியில் இத்தனை விஷயங்களா?

1992 பொங்கலுக்கு ரஜினியின் மன்னன் படமும், பாக்யராஜின் சுந்தர காண்டம் படமும் ரிலீஸ். இதுல ரெண்டுமே ஹிட். 1992 ஜூன்ல ரஜினிக்கு அண்ணாமலை படமும், பாக்யராஜிக்கு அம்மா வந்தாச்சு படமும் ரிலீஸ். இதுல வெள்ளிவிழா கொண்டாடிய ரஜினி தான் வின்னர். 1992 தீபாவளிக்கு ரஜினியின் பாண்டியன் படமும், பாக்யராஜிக்க ராசுக்குட்டி படமும் ரிலீஸ். இதுல பாக்யராஜ் தான் வின்னர்.

பாட்ஷா – ஒரு ஊர்ல ஒரு ராஜகுமாரி 

1995 பொங்கலுக்கு ரஜினியின் பாட்ஷா படமும், பாக்யராஜிக்கு ஒரு ஊர்ல ஒரு ராஜகுமாரி படமும் ரிலீஸ். இதுல ரஜினி தான் வின்னர். 2023ல் ரஜினிக்கு ஜெய்லர் படமும், பாக்யராஜிக்கு 3.6.9 படமும் ரிலீஸ். இதுல ரஜினி தான் வின்னர்.