Vettaiyan: த.செ ஞானவேல் இயக்கத்தில் ரஜினிகாந்த் நடிப்பில் வெளியான வேட்டையன் திரைப்படத்தின் வசூல் மிகப்பெரிய அளவில் அடிவாங்கி இருப்பதாக வெளியாகி இருக்கும் தகவல் ரசிகர்களுக்கு அதிர்ச்சியை ஏற்படுத்தி இருக்கிறது.
ஜெயிலர் திரைப்படத்தின் வசூல் மிகப்பெரிய அளவில் உயர்ந்தது. அப்படம் கொடுத்த எனர்ஜி ரஜினிகாந்தை தொடர்ச்சியாக திரைப்படங்களை ஒப்புக்கொள்ள வைத்துள்ளது. அதன்படி அவருடைய சினிமா கேரியர் இன்னும் பரபரப்பாக நடந்து கொண்டு வருகிறது.
த.செ.ஞானவேல் இயக்கத்தில் வேட்டையன், லோகேஷ் கனகராஜ் இயக்கத்தில் கூலி, இன்னும் சில இயக்குனர்களுடன் ரஜினிகாந்த் தரப்பு பேசிக் கொண்டிருப்பதாகவும் தகவல்கள் வெளியாகி இருக்கிறது. இந்நிலையில் வேட்டையன் திரைப்படம் அக்டோபர் 10ஆம் தேதி திரைக்கு வந்தது.
ரஜினிகாந்த் நடிப்பு பாராட்டுகளைப் பெற்று இருந்தாலும் படம் அவருடைய ரசிகர்களை பெரிய அளவில் கவரவில்லை. இதனால் அடுத்தடுத்த நாட்களில் வேட்டையன் திரைப்படத்தின் வசூல் அதள பாதாளத்திற்கு சென்றது. தமிழ்நாட்டில் 12 நாட்களை கடந்தும் இப்படத்தின் வசூல் 99.6 கோடி ரூபாயாக உள்ளது.
இந்திய மொத்தமாக 137.27 கோடி ரூபாயும் வசூல் செய்துள்ளது. பொதுவாக ரஜினிகாந்தின் திரைப்படங்கள் ஒரு வாரத்திற்குள்ளேயே பல நூறு கோடிகள் தாண்டும். ஆனால் வேட்டையன் இதில் தவறவிட்டிருக்கிறது. இதே வேளையில் ரஜினிகாந்திற்கு போட்டியாக நினைக்கப்படும் விஜயின் கோட் 500 கோடியை நெருங்கிவிட்டது.
ஆனால் அப்படத்தின் போட்டியாக எதிர்பார்க்கப்பட்ட வேட்டையன் கொஞ்சம் கூட ஈடுகொடுக்க முடியாமல் தவறவிட்டு இருக்கிறது. இப்படமும் லால் சலாம் போல லைகா நிறுவனத்துக்கு மிகப்பெரிய தோல்வியாகவே அமைந்துள்ளதும் குறிப்பிடத்தக்கது.
