Vijay: லாரில அடிபட்டு செத்துருவேன்னு சொன்ன சீமான்!… ஆனா எங்க தளபதி செஞ்சதை பாருங்கப்பா?!…

தமிழக வெற்றிக்கழகத்தின் தலைவர் நடிகர் விஜய் நாம் தமிழர் கட்சியின் தலைவர் சீமானுக்கு பிறந்தநாள் வாழ்த்துக்களை தெரிவித்து இருக்கின்றார்.

தமிழ் சினிமாவில் டாப் நடிகர்களில் ஒருவராக இருப்பவர் நடிகர் விஜய். ஒரு படத்திற்கு 250 கோடி வரை சம்பளம் வாங்கிக் கொண்டிருக்கின்றார். இதையெல்லாம் விட்டுவிட்டு தமிழக வெற்றி கழகம் என்கின்ற புதிய கட்சியை தொடங்கி அரசியலில் இறங்கி இருக்கின்றார் நடிகர் விஜய். இந்த வருடம் பிப்ரவரி மாதம் தனது கட்சி தொடர்பான அறிவிப்பை வெளியிட்ட நடிகர் விஜய் அதோடு நிறுத்தி விடாமல் கட்சியின் கொடி, பாடல், கொள்கை,முதல் மாநாடு என அனைத்தையும் சிறப்பாக செய்து முடித்து இருக்கின்றார்.

இதையும் படிங்க: SK: தனுஷ் சாருக்கு ரொம்ப நன்றி!… அமரன் வெற்றி நிகழ்ச்சியில் புகழ்ந்த SK… இத நம்பலாமா?!…

நடிகர் விஜயின் அரசியல் வருகை பலருக்குமே ஆச்சரியத்தை ஏற்படுத்தி இருந்தது. கட்சி ஆரம்பித்த புதிதில் பலரும் ஆதரவு தெரிவித்து வந்த நிலையில் நடிகர் விஜய் நடத்திய முதல் மாநாட்டிற்கு பிறகு பல விமர்சனங்களை சந்திக்க நேர்ந்தது, ஏனென்றால் நடிகர் விஜய் தனது முதல் மாநாட்டில் பல கட்சிகளை எதிர்த்து பேசியிருந்தார்.

அதிலும் ஆளும் கட்சியான திமுக கட்சியை நேரடியாக தாக்கி பேசியிருந்தது மிகப்பெரிய அதிர்ச்சியை ஏற்படுத்தி இருந்தது. இதனால் தமிழகத்தில் திமுக தொண்டர்கள் மற்றும் அமைச்சர்கள் பலரும் விஜயின் பேச்சுக்கு எதிர்ப்பு தெரிவித்து வந்தார்கள். இவர்களை எல்லாம் தாண்டி நாம் தமிழர் கட்சியின் தலைவரான சீமான் நடிகர் விஜயை தாறுமாறாக பேசியிருந்தார்.

முதல் மாநாட்டிற்கு முன் என் தம்பி விஜய் அவர் என்னையே எதிர்த்து பேசினாலும் எனக்கு அது பெரிதல்ல என்று வசனம் பேசிய சீமான் நடிகர் விஜயின் முதல் மாநாட்டிற்கு பிறகு அவரையும் அவரின் கொள்கையையும் தாறுமாறாக பேசியிருந்தார். ரோட்டிற்கு அந்த பக்கம் நில், இல்லை என்றால் ரோட்டிற்கு இந்த பக்கம் நில், நடுவில் நின்றால் லாரி எழுத்து செத்துப் போவாய், கூமுட்டை, தற்குறி என்றெல்லாம் பேசியது நடிகர் விஜயின் ரசிகர்கள் மற்றும் தமிழக வெற்றிக்கழகத்தின் தொண்டர்களுக்கு மிகப்பெரிய அதிர்ச்சியை கொடுத்திருந்தது.

இதனால் சமூக வலைதள பக்கங்களில் சீமானை விஜய் ரசிகர்கள் கண்டபடி திட்டி வந்தார்கள். ஆனால் நடிகர் விஜய் சீமான் மற்றும் மற்ற தலைவர்களுக்கு எதிராக எதுவும் பேசக்கூடாது கண்ணியமாக நடந்து கொள்ள வேண்டும் என்று தொண்டர்களுக்கு வேண்டுகோள் விடுத்திருந்தார். இந்நிலையில் இன்று நாம் தமிழர் கட்சியின் தலைவர் சீமான் அவர்களுக்கு பிறந்தநாள்.

இதையும் படிங்க: Amaran: அமரன் 8வது நாளில் இந்தியாவில் மட்டும் வசூல் இத்தனை கோடியா?

காலை முதலே பல அரசியல் பிரபலங்கள் மற்றும் சினிமா துறையினர் வாழ்த்துக்களை தெரிவித்து வரும் நிலையில் யாரும் எதிர்பாராத வகையில் தமிழக வெற்றி கழகத்தின் தலைவர் நடிகர் விஜய் தனது சமூக வலைதள பக்கத்தில் நாம் தமிழர் கட்சியின் தலைமை ஒருங்கிணைப்பாளர் சகோதரர் திரு சீமான் அவர்களுக்கு இனிய பிறந்தநாள் நல்வாழ்த்துக்கள் தெரிவித்துக் கொள்கின்றேன் என்று பகிர்ந்து இருக்கின்றார்.

நாம் தமிழர் கட்சியின் தலைமை ஒருங்கிணைப்பாளர் சகோதரர் திரு.சீமான் அவர்களுக்கு இனிய பிறந்தநாள் நல்வாழ்த்துகளைத் தெரிவித்துக்கொள்கிறேன்.

— TVK Vijay (@tvkvijayhq) November 8, 2024

இந்த பதிவு தற்போது சமூக வலைதள பக்கங்களில் வைரலாகி வருகின்றது. இதை பார்த்த ரசிகர்கள் பலரும் ‘தீயை நீ பகிர்ந்தாலும், ரெண்டாய் வாழும் இவனும், அந்த தீ போல தான்.. நீ சிங்கம் தான்!..’ என்று கருத்துக்களை பதிவு செய்து வருகிறார்கள்.