Don vs Dragon: டான் vs டிராகன்…! எல்லாமே ஒரே மாதிரி இருக்கே?!… அப்ப படத்தோட கதையும் இதுதானா!…

டான் திரைப்படத்தின் போஸ்டர்களும், பிரதீப் ரங்கநாதன் நடிப்பில் உருவாகி வரும் டிராகன் திரைப்படத்தின் போஸ்டர்களும் ஒரே போல் இருப்பதாக ரசிகர்கள் கூறி வருகிறார்கள்.

பிரதீப் ரங்கநாதன்: தமிழ் சினிமாவில் ஜெயம் ரவி நடிப்பில் வெளியான கோமாளி என்ற திரைப்படத்தை இயக்கி மிகப்பெரிய வெற்றியை கொடுத்தவர் பிரதீப் ரங்கநாதன். அந்த திரைப்படத்தை தொடர்ந்து தனது இரண்டாவது திரைப்படத்தை தானே இயக்கி ஹீரோவாகவும் நடித்திருந்தார். அந்த திரைப்படம் தான் லவ் டுடே. இது  மிகப்பெரிய ஹிட்டு படமாக அமைந்தது.

அடுத்தடுத்த படங்கள்: லவ் டுடே திரைப்படத்தில் ஹீரோவாக நடித்து அசத்திய பிரதீப் ரங்கநாதனுக்கு அடுத்தடுத்து திரைப்படங்களில் நடிப்பதற்கு வாய்ப்பு வந்தது. அந்த வகையில் தற்போது விக்னேஷ் சிவன் இயக்கத்தில் லவ் இன்சூரன்ஸ் கம்பெனி என்கிற திரைப்படத்தில் நடித்து வருகின்றார். அதைத் தொடர்ந்து ஓ மை கடவுளே என்ற திரைப்படத்தை இயக்கி பிரபலமான அஸ்வந்த் மாரிமுத்து இயக்கத்தில் டிராகன் என்கின்ற திரைப்படத்தில் நடித்து வருகின்றார்.

டிராகன் திரைப்படம்: அஸ்வந்த் மாரிமுத்து இயக்கத்தில் ஏஜிஎஸ் நிறுவனம் தயாரிக்கும் இந்த திரைப்படத்திற்கு டிராகன் என்று பெயர் வைக்கப்பட்டுள்ளது. இந்த படத்திற்கு லியோன் ஜேம்ஸ் இசையமைக்கின்றார். தொடர்ந்து இப்படத்தின் போஸ்டர்கள் வெளியாகி வருகின்றது. கடந்த சில தினங்களுக்கு முன்பு பிரதீப் ரங்கநாதன் பேருந்து மேல் அமர்ந்து இருப்பது போன்று  வொர்ஸ்ட் ஸ்டூடண்ட் என்று எழுதப்பட்டிருந்தது. இந்த போஸ்டர்கள் வெளியாகி ரசிகர்களிடையே கவனத்தை ஈர்த்தது.

இதையும் படிங்க: Lyca: பெரிய நடிகர்களின் ஆதரவை இழக்கும் லைக்கா!.. இப்படியே போனா இழுத்து மூட வேண்டியதுதான்!..

டான் திரைப்படம்: சிபி சக்கரவர்த்தி இயக்கத்தில் சிவகார்த்திகேயன் நடிப்பில் உருவான திரைப்படம் டான். இந்த திரைப்படம் கல்லூரி கதையை மையமாக வைத்து எடுக்கப்பட்டிருந்தது. அதிலும் சிவகார்த்திகேயனை ஒரு மோசமான மாணவனாக தான் காட்டியிருப்பார்கள். இந்த திரைப்படம் திரையரங்களில் வெளியாகி மிகப்பெரிய வரவேற்பை பெற்றிருந்தது.

டான் vs டிராகன்: டான் திரைப்படத்தின் போஸ்டர்களும் டிராகன் திரைப்படத்தின் போஸ்டர்களும் ஏறத்தாழ ஒரே போல் இருப்பதாக ரசிகர்கள் சமூக வலைதள பக்கங்களில் கூறி வருகிறார்கள். சிவகார்த்திகேயன் டான் திரைப்படத்தில் மோசமான மாணவனாக காட்டப்பட்டு இருப்பார். அதேபோல் டிராகன் திரைப்படத்திலும் பிரதிப் ரங்கநாதன் காட்டப்பட்டு இருக்கின்றார்.

மேலும் டான் திரைப்படத்தில் எஸ் ஜே சூர்யா ப்ரொபஷராக நடித்திருப்பார். அதேபோல் டிராகன் திரைப்படத்தில் மிஷ்கின் ப்ரொபஷராக நடிக்க இருப்பதாக தகவல் வெளியானது. டான் திரைப்படத்தில் சிவகார்த்திகேயன் படிப்பில் கவனம் செலுத்தாமல் பிரியங்கா மோகன் காதலிப்பதில் கவனம் செலுத்தி வருவார்.

இதையும் படிங்க: Kamal : சின்ன புள்ளத்தனமா இருக்கே?!… கமல் குறித்து யாருக்கும் தெரியாத சீக்ரெட் பகிர்ந்த ஸ்ருதிஹாசன்!..

ட்ராகன் திரைப்படத்தில் பிரதீப் ரங்கநாதன் நடிகை அனுபாமாவுடன் ரொமான்ஸ் செய்வது போன்ற போஸ்டர்கள் வெளியாகி இருந்தன. இதையெல்லாம் ஒற்றுமைப்படுத்தி இருக்கும் ரசிகர்கள் இரண்டு திரைப்படத்தின் கதையும் ஒரே போல இருக்கின்றதே என்று கூறி வருகிறார்கள்.