பெரிய ஸ்டார்களுக்கு அவ்வளவுதான் ஞானமா?!… சொம்பு தூக்கிங்க அடக்கி வாசிங்க… பொளந்து தள்ளிய பிரபலம்!..

கங்குவா படத்துடன் சேர்த்து பெரிய பெரிய நடிகர்களையும் ஒரே போடாய் போட்டு இருக்கின்றார் ப்ளூ சட்டை மாறன்.

சூர்யா நடிப்பில் நேற்று வெளியான கங்குவா திரைப்படம் மிகப்பெரிய ஏமாற்றத்தை கொடுத்திருக்கின்றது. இயக்குனர் சிறுத்தை சிவா இயக்கத்தில் உருவாகி இருந்த இந்த திரைப்படத்தை ஸ்டூடியோ கிரீன் நிறுவனம் சார்பாக ஞானவேல் ராஜா தயாரித்திருந்தார். நேற்று காலை வெளியானது தொடங்கி ரசிகர்கள் இந்த திரைப்படத்திற்கு நெகட்டிவ் விமர்சனங்களை கொடுத்து வருகிறார்கள்.

கடந்த இரண்டு வருடங்களாக எடுக்கப்பட்ட இந்த திரைப்படத்திற்கு ஓவர் ஹைப் இருந்தது. அதற்கு காரணம் படக்குழுவினர் கொடுத்த பில்டப் தான். சும்மா இருந்திருந்தால் ரசிகர்கள் அமைதியாக இருந்திருப்பார்கள். ஆனால் படக்குழு கொடுத்த பில்டப் ரசிகர்களிடையே மிகப்பெரிய நம்பிக்கையை உருவாக்கியிருந்தது. படத்தை பார்த்த ரசிகர்கள் திரும்ப வரும்போது பெரும் அதிருப்தியுடன் திரும்புகிறார்கள்.

இதையும் படிங்க: Biggboss Tamil: சீசீ… பிக்பாஸில் ஆனந்தி போட்ட ’அந்த’ சப்தம்… இதுவே பசங்க பண்ணா என்ன ஆகிருக்கும்?

சூர்யாவின் கெரியரிலேயே இந்த திரைப்படம் பிளாக்பஸ்டர் ஹிட்டாக இருக்கும் என்று கூறப்பட்டு வந்தது. ஆனால் சூர்யா கொடுத்த பில்டபுக்கு கங்குவா படம் வொர்த் இல்லை என்று ரசிகர்கள் கூறி வருகிறார்கள். மேடைக்கு மேடை படம் குறித்து சூர்யா ஆகா ஓகோ என்று பேசியிருந்தார். ஆனால் பேச்சு மட்டுமே தவிர படத்தில் ஒன்றுமே இல்லை என்று ரசிகர்கள் கூறி வருகிறார்கள்.

அதிலும் நேற்று படம் வெளியானது முதலே சினிமா விமர்சகர்கள் முதல் ரசிகர்கள் வரை இந்த திரைப்படம் தொடர்பான நெகட்டிவ் விமர்சனங்களை முன்வைத்து வருகிறார்கள். அதில் ஒரு படி மேலே சென்று ப்ளூ சட்டை மாறன் தொடர்ந்து கேப்பே விடாமல் கழுவி ஊற்றிக் கொண்டிருக்கின்றார். அந்த வகையில் தற்போது அவர் வெளியிட்டு இருக்கும் பதிவு அனைவரையும் உற்று நோக்க வைத்துள்ளது.

அந்த பதிவில் அவர் தெரிவித்திருந்ததாவது: ‘பெரிய ஸ்டார்களின் உழைப்பு என்ற தலைப்புடன் தொடங்குகின்றது.. கமல், விக்ரம், சூர்யாவை இயக்குனர் சங்கர், ரஞ்சித், சிறுத்தை சிவா வைத்து செய்து விட்டாங்க. பல மணி நேரம் மேக்கப், சிக்ஸ் பேக், உழைப்பு எல்லாம் வீணா போச்சு என்று உருகுபவர்களின் கவனத்திற்கு.. பெரிய ஸ்டார்களின் படங்கள் ஜெயித்தால் அதற்கு காரணம் அவர்கள் தான் என்று கூறுகிறார்கள்.

அதுவே படம் தோல்வி அடைந்தால் பழியை தூக்கி இயக்குனர் மேல் போடுவது என்ன நியாயம்? தன் படத்தின் தயாரிப்பாளர், இயக்குனர், முக்கிய டெக்னீசியன்கள் தொடங்கி முக்கிய கேரக்டர்கள் என அனைத்தையுமே ஓகே செய்வதே இந்த நடிகர்கள்தான். கதையில் தலையிட்டு குழப்பி டிசைனில் மாற்றுவது, எடிட்டிங் போன்ற போஸ்ட் production பட ப்ரொமோஷன்கள் என இவர்கள் தலையிடாத ஏரியாவே கிடையாது.

ப்ரோமோஷனில் கூட படத்தைப் பற்றி பேசுவதை காட்டிலும் ஹீரோ புராணம் தான் அதிகமாக இருக்கின்றது. நீண்ட நேர மேக்கப், சிக்ஸ் பேக் வைத்தால் தான் பல கோடி சம்பளம், கேரவன், ஸ்டார் ஹோட்டல் உணவு என பல வசதிகள் கிடைக்கின்றது. சிக்ஸ் பேக் வைத்த எந்த ஹீரோவும் ஷூட்டிங்கில் பசியால் வாடி வதங்குவதில்லை. அவர்களுக்கு தேவையான எல்லா டயட் உணவும் தயாரிப்பாளர் செலவில் வழங்கப்படுகின்றது.

உண்மையாகவே மிக பிரம்மாண்ட நேர்த்தியான படம் எடுத்த ஹாலிவுட் இயக்குனர்கள், ஹீரோக்கள் கூட மேடைக்கு மேடை நாங்கள் கஷ்டப்பட்டு உழைத்தோம், கலைத்தோம் என்று மூக்கு சிந்தியதில்லை. இங்கு மட்டும்தான் இதெல்லாம்.. படத்தில் பல கேவலமான காட்சிகளை முன்பே வைத்துவிட்டு தேவையில்லாத சீன்கள் மற்றும் காது கிழியும் இசையை குறைக்கவும், நீக்கவும் சொல்லத் தெரியாத அளவுக்கு தான் பெரிய நடிகர்களின் ஞானம் உள்ளதா?

இதையும் படிங்க: மாமனாரும் மருமகனும் அடிக்கடி போனில் நலம் விசாரிப்பு! கூடிய சீக்கிரம் படத்திலயும் பாக்கப் போறீங்க

ஒவ்வொரு மனிதனும் தான் உழைத்த பணத்தில் டிக்கெட் , தின்பண்டம், பார்க்கிங் என்று 300 முதல் 1000 வரை செலவு செய்து மொக்கை படத்தை பார்த்து கோபத்தில் வெளியில் வருகின்றான். பணம் மட்டுமல்ல பாதி நாளும் வீணாகப் போகின்றது. ஹீரோக்கள் எல்லாம் வாழைப்பழத்தை உரித்து வாயில் வைத்தாலும் திங்கத் தெரியாத அப்பாவிகள் கிடையாது. படத்தின் தோல்விக்கு முக்காவாசி பொறுப்பு அவர்களை தான் சேரும். இவர்களுக்கு எல்லை மீறி முதுகு சொரியும் சொம்பு தூக்கிகள் அடக்கி வாசிப்பது நல்லது ‘ என்று பதிவிட்டு இருந்தார். இந்த பதிவானது தற்போது வைரலாகி வருகின்றது.