நான் ஒன்னு நினைச்சேன்!. ஆனா வேற ஒன்னு இருந்தது!. விடுதலை 2 பற்றி பேசும் இளையராஜா!…

Viduthalai 2: விடுதலை 2 படத்தை இயக்கி முடித்திருக்கிறார் வெற்றிமாறன். இந்த படம் வருகிற டிசம்பர் 20ம் தேதி வெளியாகவுள்ளது. இந்த படத்தில் விஜய் சேதுபதி, சூரி ஆகியோர் முக்கிய வேடத்தில் நடித்திருக்கிறார்கள். இந்த படத்தின் முதல் பாகம் 2023ம் வருடம் மார்ச் மாதம் வெளியானது.

காமெடி நடிகராக இருந்த சூரியை இந்த படத்தின் மூலம் கதையின் நாயகனாக மாற்றினார் வெற்றி மாறன். முதல் பாகத்தில் சூரிக்கே அதிக காட்சிகள் இருந்தது. வாத்தியார் என அழைக்கப்படும் விஜய் சேதுபதியை தேடி கண்டுபிடிக்கும் மிஷனில் சூரி வேலை செய்வது போல் காட்சிகள் இடம் பெற்றிருந்தது.

இதையும் படிங்க: சூர்யாவுக்குள் இருக்கும் அரசியல் ஆசை… அதனால தான் ஃபேன்ஸ்கிட்ட அப்படி சொன்னாரா?

படத்தின் இறுதிக் காட்சியில் விஜய் சேதுபதியை போலீசார் பிடித்துவிடுவது போல காட்சி அமைக்கப்பட்டிருந்தது. இப்போது வெளியாகவுள்ள இரண்டாம் பாகத்தில் விஜய் சேதுபதியின் பின்னணி, அவருக்கு ஏற்பட்ட காதல், அரசுக்கு எதிராக அவர் ஏன் மாறினார் என்பவற்றை வெற்றிமாறன் காட்சிப்படுத்தி இருக்கிறார்.

இந்த படத்தின் இசை மற்றும் டிரெய்லர் வெளியீட்டு விழா நேற்று சென்னையில் நடைபெற்றது. இந்த விழாவில் இளையராஜா, வெற்றிமாறன், விஜய் சேதுபதி, சூரி உள்ளிட்ட பலரும் கலந்து கொண்டனர். இந்த படத்தில் இளையராஜா இசையமைத்த விதம் பற்றி பல தகவல்களை வெற்றிமாறன் பகிர்ந்து கொண்டார்.

#image_title

இந்த மேடையில் சூரியை ‘நீ எத்தனை படத்துல ஹீரோவா நடிச்சிக்கிட்டு இருக்க?.. உன்ன ஹீரோவா மாத்தியதே வெற்றிமாறன்தான்.. உன் பேர சொன்னா கை தட்டல் வரும்னு பார்த்தேன்.. கைத்தட்ட ஆளுங்கள நீ கூட்டிட்டு வரலயா?’ என கலாய்த்தார் இளையராஜா. அதன்பின் வெற்றிமாறன் பற்றி அவர் பேசியதாவது:

விடுதலை முதல் பாகத்தை பார்த்துவிட்டு 2ம் பாகம் ஒரு ரூட்டில் போகும் என நினைத்தேன். ஆனால், வெற்றிமாறன் வேறோரு ரூட்டில் போயிருக்கிறார். படத்தில் ராஜிவ் மேனன், சேத்தன் எல்லாருமே சிறப்பாக நடித்திருக்கிறார்கள். அதேசமயம், நான் எந்த காட்சிகளை எல்லாம் பாராட்டினேனோ அது எல்லாவற்றையும் வெற்றிமாறன் தூக்கிவிட்டார். அவர்தான் படத்தின் இயக்குனர். அவர் என்ன காட்ட வேண்டும் என விரும்புகிறாரோ அதைத்தான் நாம் பார்க்க வேண்டும்’ என பேசினார்.

இதையும் படிங்க: Pushpa2: அது ஐட்டம் சாங் இல்ல… பின்னால் பெத்த காரணம் இருக்கு.. புஷ்பா2 குறித்து ஸ்ரீலீலா!..