ரஜினி பிறந்தநாளுக்கு டபுள் ட்ரீட்!.. வரப்போகும் ஜெயிலர் 2 ப்ரோமோ!.. அதுல ஒரு ஸ்பெஷலும் இருக்கு?!..

ரஜினியின் பிறந்தநாளை முன்னிட்டு ஜெயிலர் 2 திரைப்படத்தின் ப்ரோமோ வெளியாக இருப்பதாக கூறப்படுகிறது.

தமிழ் சினிமாவில் சூப்பர் ஸ்டார் என்ற பட்டத்துடன் வலம் வருபவர் நடிகர் ரஜினிகாந்த். 70 வயதை தாண்டிய நிலையிலும் தற்போது வரை இளம் ஹீரோக்களுக்கு டப் கொடுத்து படங்களில் பிஸியாக நடித்து வருகின்றார். இவர் நடிப்பில் கடைசியாக வெளியான திரைப்படம் வேட்டையன். ஜெய் பீம் பட இயக்குனர் ஞானவேல் இயக்கத்தில் உருவான இந்த திரைப்படம் ரசிகர்களிடையே கலவையான விமர்சனங்களை பெற்றிருந்தது.

இதையும் படிங்க: புஷ்பா 2 சென்னை நிகழ்ச்சியில் பொங்கி எழுந்த தேவி ஸ்ரீ!.. எதுக்கு அப்படி பேசினாரு?!.. தயாரிப்பாளர் விளக்கம்..!

இந்த திரைப்படம் எதிர்பார்த்த அளவுக்கு வெற்றியை கொடுக்காத காரணத்தால் அடுத்த திரைப்படம் நிச்சயம் வெற்றி படமாக இருக்க வேண்டும் என்பதற்காக தீவிரமாக வேலை பார்த்து வருகின்றார் நடிகர் ரஜினிகாந்த். தற்போது லோகேஷ் கனகராஜ் இயக்கத்தில் கூலி என்கின்ற திரைப்படத்தில் நடித்து வருகின்றார். இந்த திரைப்படம் அடுத்த வருடம் மே மாதம் வெளியாகும் என்று எதிர்பார்க்கப்படுகின்றது.

லோகேஷ் கனகராஜ் மற்றும் ரஜினி கூட்டணி என்பதால் இப்படத்திற்கு ஏகப்பட்ட எதிர்பார்ப்பு எழுந்திருக்கின்றது. அது மட்டுமில்லாமல் இப்படத்தில் மிகப்பெரிய நட்சத்திர பட்டாளமே நடித்து வருகிறார்கள். இதனை தொடர்ந்து நடிகர் ரஜினிகாந்த் நெல்சன் இயக்கத்தில் ஜெயிலர் 2 என்ற திரைப்படத்தில் நடிக்க இருக்கின்றார்.

jailer 2

கடந்த 2023 ஆம் ஆண்டு வெளியாகி மிகப்பெரிய வரவேற்பை பெற்ற திரைப்படம் ஜெயிலர். இந்த திரைப்படம் ரஜினிகாந்த் அவர்களுக்கு மிகப்பெரிய கம்பேக்-காக இருந்தது. மேலும் இப்படத்தில் அனிருத் இசையில் உருவாகி இருந்த ஹுக்கும், காவாலா உள்ளிட்ட பாடல்கள் பட்டித்தொட்டி எல்லாம் பிரபலமாகியது. இந்நிலையில் இப்படத்தின் 2-வது பாகம் குறித்த தகவல் தற்போது வெளியாகி இருக்கின்றது.

ஏற்கனவே கூலி திரைப்படத்தின் படப்பிடிப்பு முடிந்தவுடன் நடிகர் ரஜினிகாந்த் ஜெயிலர் 2 திரைப்படத்தில் நடிக்க இருக்கின்றார் என்கின்ற தகவல் வெளியாகி வந்த நிலையில் தற்போது அது உறுதியாக இருக்கின்றது. நடிகர் ரஜினிகாந்த் அவர்களை வைத்து லுக் டேஸ்ட் சமீபத்தில் நடைபெற்று முடிந்ததாகவும், முதல் பாகத்தை தயாரித்த சன் பிக்சர் நிறுவனம் தான் இந்த திரைப்படத்தையும் தயாரிக்க இருப்பதாக கூறப்படுகின்றது.

இதையும் படிங்க: அடேங்கப்பா!.. காமெடி கிங் பிரம்மானந்தம் செய்த சாதனை!.. கின்னஸ் புத்தகத்தில் இடம்பெற்ற பெருமை!..

ரஜினியின் பிறந்தநாளை முன்னிட்டு இப்படத்தின் ப்ரோமோ வெளியாகும் எனவும், இந்த ப்ரோமோவில் ஒரு ஸ்பெஷல் ஆக்டர் காட்சியளிப்பார் எனவும் கூறப்படுகின்றது. ஏற்கனவே  ஜெயிலர் திரைப்படத்தில் கன்னட சூப்பர் ஸ்டார் சிவராஜ்குமார் சிறப்பு கதாபாத்திரத்தில் நடித்திருந்தார். அதேபோல் ஜெயிலர் 2 திரைப்படத்திலும் ஒரு முன்னணி நடிகர் சிறப்பு கதாபாத்திரத்தில் நடிப்பார் என்று எதிர்பார்க்கப்படுகின்றது.