Actress Anjali: இயக்குனர் ராம் இயக்கிய கற்றது தமிழ் திரைப்படம் மூலம் தமிழ் சினிமாவில் நடிக்க துவங்கியவர் அஞ்சலி. இவர் ஆந்திராவை சேர்ந்தவர். ஆனாலும் தமிழ் நன்றாக பேசுவார் என்பதால் அவருக்கு தமிழில் தொடர்ந்து வாய்ப்புகள் கிடைத்து வந்தது. கற்றது தமிழ் படத்திற்கு பின் பல படங்களிலும் நடித்தார்.
வசந்தபாலன் இயக்கிய அங்காடித்தெரு படத்தில் இவருக்கு நல்ல வேடம் கிடைத்தது. இந்த படம் ரசிகர்களை கவர்ந்து ஹிட்டும் அடித்தது. ராம் இயக்கிய தரமணி, பேரன்பு போன்ற படங்களில் நடித்தார். விஜய் சேதுபதிக்கு ஜோடியாக சிந்துபாத் படத்தில் நடித்தார். ஜெய்யுடன் எங்கேயும் எப்போதும், பலூன் உள்ளிட்ட சில படங்களில் நடித்தார்.
அப்போது அவர்கள் இருவருக்கும் இடையே காதல் மலர்ந்ததாகவும் சொல்லப்பட்டது. ஆனால், ஒரு கட்டத்தில் அது பிரேக்கப் ஆகிவிட்டது. சொந்த மாநிலம் ஆந்திரா என்பதால் பல தெலுங்கு படங்களிலும் அஞ்சலி நடித்திருக்கிறார். இன்னும் சொல்லப்போனால் தமிழை விட அதிக தெலுங்கு படங்களில் நடித்திருக்கிறார்.
ஷங்கரின் இயக்கத்தில் ராம் சரண் ஹீரோவாக நடித்து பொங்கலுக்கு வெளியான கேம் சேஞ்சர் படத்திலும் ஒரு முக்கிய வேடத்தில் நடித்திருந்தார். ஆனால், இந்த திரைப்படம் எதிர்பார்த்த வெற்றியை பெறவில்லை. அதேநேரம், விஷாலுக்கு ஜோடியாக 12 வருடங்களுக்கு முன்பு அஞ்சலி நடித்த மதகஜராஜா திரைப்படம் இந்த பொங்கலுக்கு வெளியாகி 50 கோடி வசூலை தாண்டிவிட்டது.
இது அஞ்சலிக்கு மகிழ்ச்சியை கொடுத்திருக்கிறது. அந்த மகிழ்ச்சியோடு தன்னை புரமோட் செய்து கொள்ள அழகை விதவிதமாக காண்பித்து புகைப்படங்களை வெளியிட்டு வருகிறார். அந்தவகையில், அஞ்சலி பகிர்ந்துள்ள புதிய புகைப்படங்கள் ரசிகர்களிடம் லைக்குகளை பெற்று வருகிறது.
