Cinema News
அட்டகாசமான தமிழ்பெயர்கள்.. டீசரில் அசத்திய ‘தலைவன் தலைவி’.. ஒன்னு மட்டும் லீக் ஆயிருக்கு
விஜய் சேதுபதி நடிப்பில் அடுத்து வெளியாக காத்துக் கொண்டிருக்கும் திரைப்படம் தலைவன் தலைவி. இந்த படத்தை இயக்குனர் பாண்டிராஜ் இயக்கியிருக்கிறார். படத்தில் விஜய் சேதுபதிக்கு ஜோடியாக நித்யா மேனன் நடித்திருக்கிறார். முற்றிலும் கிராமத்து பின்னணியில் இந்த படம் படமாக்கப்பட்டு இருக்கிறது. படத்தின் முதல் சிங்கிள் வெளியாகி ரசிகர்களிடம் நல்ல ஒரு வரவேற்பை பெற்றிருக்கிறது.
இந்த நிலையில் படத்தின் டீசர் இன்று வெளியாகி இருக்கிறது. படம் ஜூலை 25ஆம் தேதி ரிலீஸ் ஆகும் என படக்குழு அதிகாரப்பூர்வமாக அந்த டீசரிலேயே அறிவித்திருக்கிறார்கள். அந்த டீசரில் படத்தில் நடித்த நடிகர்கள் அவர்களுடைய கதாபாத்திரங்களின் பெயர்கள் என வரிசைப்படுத்தி இருக்கின்றனர். இந்தப் படத்தின் டைட்டிலை பொறுத்த வரைக்கும் முற்றிலுமாக ஒரு தூய தமிழில் தான் தலைப்பு வைத்திருக்கிறது.
அதைப்போல அந்தப் படத்தில் நடித்துள்ள நடிகர் நடிகைகளின் கதாபாத்திரங்களின் பெயர்களும் தூய தமிழில்தான் பெயர் வைக்கப்பட்டிருக்கிறது. இதுவரை வேறு எந்த படத்திலும் இப்படி வைத்ததில்லை என்பதும் குறிப்பிடத்தக்கது. படத்தில் விஜய் சேதுபதியின் கதாபாத்திரத்தின் பெயர் ஆகாச வீரன், நித்யா மேனன் கதாபாத்திரத்தின் பெயர் பேரரசி, யோகி பாபு கதாபாத்திரத்தின் பெயர் சித்திரை ,சரவணன் கதாபாத்திரத்தின் பெயர் செம்பையா.
ஆர்கே சுரேஷ் கதாபாத்திரத்தின் பெயர் பொற்செல்வன், காளி வெங்கட் கதாபாத்திரத்தின் பெயர் அமரசிகாமணி, மைனாவின் கதாபாத்திரத்தின் பெயர் நயினாவதி, தீபா கதாபாத்திரத்தின் பெயர் பொட்டு, ரோஷினி ஹரிப்ரியன் கதாபாத்திரத்தின் பெயர் ராகவர்த்தினி என ஒட்டுமொத்த கதாபாத்திரங்களின் பெயர்களும் தமிழிலேயே வைக்கப்பட்டிருக்கிறது.
படத்தில் விஜய் சேதுபதி ஹோட்டல் வைத்து நடத்திக் கொண்டிருக்கும் ஒரு கேரக்டராக நடித்திருக்கிறார். அந்த ஹோட்டலின் பெயர் ராகவர்த்தினி ஹோட்டல் என அந்த டீசரில் சொல்லப்பட்டிருக்கிறது. உடனே இந்த டீசரை பார்த்த ரசிகர்கள் இந்த டீசரிலிருந்து ஒன்னு மட்டும் தெரியுது. இதில் ரோஷினி ஹரிப்ரியன் விஜய் சேதுபதிக்கு தங்கையாக நடித்திருக்கிறார் என்று. ஏனெனில் அவருடைய கதாபாத்திரத்தின் பெயர் தான் ராகவர்த்தினி. அதனால் அவரது தங்கையை சுற்றி அமையும் ஒரு கதையாக இந்த படம் இருக்கலாம் என தெரிகிறது.
