குபேரா டிரைலர் இருக்கட்டும்… தனுஷுக்கு காத்திருக்கும் பெரிய சிக்கல்… தப்பிப்பாரா?

Kuberaa Trailer: தனுஷ் நடிப்பில் உருவாகி வரும் குபேரா படத்தின் டிரைலர் இன்று வெளியாக இருக்கும் நிலையில் படத்தின் இன்னொரு அப்டேட் கசிந்து ரசிகர்களுக்கு அதிர்ச்சியை ஏற்படுத்தி இருக்கிறது.

தெலுங்கு இயக்குனர் சேகர் கம்முலு இயக்கத்தில் உருவாகி வரும் திரைப்படம் குபேரா. தனுஷுடன் நாகர்ஜூனா, ராஷ்மிகா மந்தனா உள்ளிட்டோர் நடித்திருக்கின்றனர். நாட்டின் பெரிய பணக்காரருக்கும், மிகப்பெரிய ஏழைக்கும் நடக்கும் கதை தான் குபேரா.

இந்தப் படம் 130 கோடி ரூபாய் பொருட்செலவில் தயாரிக்கப்பட்டு இருக்கிறது. தனுஷுக்கு மட்டும் 30 கோடி ரூபாயும், மிக முக்கிய கேரக்டரில் நடிக்கும் நாகர்ஜுனாவுக்கு 14 கோடி ரூபாயும் சம்பளம் வழங்கப்பட்டதாக சொல்லப்படுகிறது

குபேரா தமிழுடன் கூட தெலுங்கு, ஹிந்தி, மலையாளம், கன்னடம் ஆகிய மொழிகளில் உருவாக்கப்பட்டு வருவதால் இப்படம் பேன் இந்தியா படமாக்கப்பட இருக்கிறது. முதலில் ஏப்ரல் மாதம் வெளியாக திட்டமிட்டு இருந்த நிலையில், போஸ்ட்‑புரொடக்‌ஷன் காரணமாக நீடிக்கப்பட்டு, ஜூன் 20, 2025க்கு வெளியிடப்பட இருக்கிறது.

இப்படத்தில் தனுஷ் மற்றும் நாகர்ஜூனா இணைந்து நடிக்க இருப்பதால் ரசிகர்களிடம் பெரிய அளவில் எதிர்பார்ப்பு உருவாகி இருக்கிறது. இந்நிலையில் இந்த படம் சமீபத்தில் தணிக்கைக்குழுவுக்கு அனுப்பப்பட்டு, அங்கிருந்து யுஏ சான்றிதழுடன் 193 நிமிடங்கள் அதாவது 3 மணி 13 நிமிடங்கள் என்ற நீளத்துடன் வெளியீட்டு அனுமதி பெற்றுள்ளது.

தொடர்ந்து எடிட்டிங்கில் இதன் நீளத்தினை 181 நிமிடம் அதாவது 3 மணி நேரம் ஒரு நிமிடமாக குறைத்துள்ளனர். இப்போது அதனைத் தொடர்ந்து ரசிகர்கள், “இவ்ளோ நேரம் இருக்குதா இப்படம்?” என்பதையும், “நீளமான படம் சமாளிக்க முடியுமா?” என்பதையும் கேள்வியாக எழுப்பி வருகின்றனர்.

இந்த ரன் டைம் பற்றி சொல்ல வேண்டுமானால், தமிழ் சினிமாவில் இது மிக நீளமான படங்களில் ஒன்றாக இருக்கப்போகிறது. முக்கியமாக, இந்த நீளம் குறித்து சமூக வலைதளங்களில் ரசிகர்கள் கலாய்த்து வந்தாலும், சிலர் இப்படத்தின் மீது அதிக எதிர்பார்ப்பு வைத்துள்ளனர்.

“நல்ல கதை இருந்தா runtime பிரச்சனை இல்லை” என கூறுகிறார்கள். படம் நிறைய முக்கியமான சமூக விஷயங்களை கையாளும் என்பதால், அந்தப் விஷயத்தை சரியாக சொல்லவே இந்த ரன் டைம் தேவைப்படுகிறதாக தயாரிப்பாளர்கள் தெரிவித்துள்ளனர்.