Actor Jiiva: தமிழ் சினிமாவில் பல இயக்குனர்களை அறிமுகம் செய்து ஹிட் கொடுத்த பெருமைக்கு சொந்தக்காரர் ஆர்.பி.சவுத்ரி. இவரின் மகன்தான் ஜீவா. சினிமாவில் நடிகராக வேண்டும் என ஆசைப்பட்டார். துவக்கத்தில் இவருக்கு சரியான படங்கள் அமையவில்லை. அப்போதுதான் அமீர் இயக்கத்தில் ராம் படத்தில் நடித்தார்.
அந்த படத்தில் சிறப்பான நடிப்பை வெளிப்படுத்தி பாராட்டை பெற்றார். அதன்பின் பல படங்களிலும் நடித்தார். கே.வி.ஆனந்த் இயக்கத்தில் நடித்த கோ, ராஜேஷ் இயக்கத்தில் நடித்த சிவா மனசுல சக்தி போன்ற படங்கள் இவருக்கு ஹிட் படங்களாக அமைந்தது. பல ஹிட் படங்களை கொடுத்த ஜீவாவுக்கு கடந்த பல வருடங்களாக ஹிட் படங்கள் அமையவில்லை.
அவரும் தொடர்ந்து பல படங்களிலும் நடித்து பார்த்தார். ஆனால், ஒன்றும் ஹிட் அடிக்கவில்லை. சுந்தர் சி இயக்கத்தில் நடித்த காபி வித் காதல் படம் கூட பெரிய வெற்றியை பெறவில்லை. இவரின் நடிப்பில் அகஸ்தியா என்கிற படமும் சில மாதங்களுக்கு முன்பு வெளியானது. ஆனால், பெரிதாக ஓடவில்லை. ஆனால், ஜீவா நடித்த பிளாக் படம் பல வருடங்களுக்கு பின் அவருக்கு ஹிட் படமாக அமைந்தது.
டைம் டூப்பில் சிக்கிக் கொள்வது போல அப்படத்தின் கதை, திரைக்கதை அமைக்கப்பட்டிருந்தது. இந்நிலையில், பிளாக் பட இயக்குனர் கேஜி பாலசுப்பிரமணி இயக்கத்தில் ஜீவா மீண்டும் ஒரு புதிய படத்தில் நடிக்கவுள்ளார். இந்த படத்தின் பூஜை இன்று நடைபெறவிருக்கிறது. இந்த படத்தை துபாய் தொழிலதிபர் கண்ணன் ரவி தயாரிக்கவுள்ளார். இந்த படத்தில் யாரெல்லாம் நடிக்கப்போகிறார்கள் என்கிற அறிவிப்பு விரைவில் வெளியாகவுள்ளது.
