Cinema News
புது படங்களையும் போட்டு பொளந்த கேப்டன் பிரபாகரன்!.. 8 நாளில் இவ்வளவு கோடி வசூலா?…
Captain Prabakaran: விஜயகாந்தின் நூறாவது படமாக உருவான படம்தான் கேப்டன் பிரபாகரன். இந்த படத்தை விஜயகாந்தின் நண்பர் இப்ராஹிம் ராவுத்தர் தயாரித்திருந்தார். ஆர்.கே.செல்வமணி இயக்கி இருந்தார். இப்படம் 1991 ஆம் வருடம் வெளியானது. தமிழ் சினிமாவில் ஒரு ஹாலிவுட் பட ரேஞ்சுக்கு இப்படம் உருவாக்கப்பட்டிருந்தது. எனவே இப்படம் பார்வையாளர்களுக்கு பிரமிப்பை ஏற்படுத்தியது. எனவே இப்படம் தமிழகத்தின் பல தியேட்டர்களில் 100 நாட்களுக்கும், பல தியேட்டர்களில் 250 நாட்களுக்கு மேலும் கோடி சாதனை படைத்தது.
வழக்கமாக தமிழ் சினிமாக்களில் ஐந்து முதல் ஆறு பாடல்கள் இருக்கு. ஆனால் இந்த படத்தில் இரண்டு பாடல்கள் மட்டுமே. ஆனால் திரைக்கதை ரசிகர்களை கட்டிப் போட்டது. இந்த படத்தில்தான் மன்சூர் அலிகான் வில்லனாக அறிமுகமானார். அவர் வசனம் பேசிய ஸ்டைலும் ரசிகர்களை மிகவும் கவர்ந்தது. மேலும் இந்த படத்தில் லியாகத் அலிகான் எழுதிய அசத்தலான வசனங்கள் ரசிகர்களிடம் கைதட்டலை பெற்றது. விஜயகாந்த் அதை தனது ஸ்டைலில் பேசி ரசிகர்களை கவர்ந்திருந்தார்.
இந்நிலையில்தான் 34 வருடங்களுக்கு பிறகு கடந்த 22 ஆம் தேதி இப்படம் தமிழகத்தில் நூற்றுக்கும் மேற்பட்ட திரையரங்குகளில் ரீ-ரிலீஸ் செய்யப்பட்டது. படம் வெளியாகி 8 நாட்கள் ஆன நிலையில் கேப்டன் பிரபாகரன் கிட்டத்தட்ட 15 கோடி வரை வசூல் செய்து அசத்தியிருக்கிறது. இதில் ஆச்சரியம் என்னவெனில் கடந்த 5 நாட்களில் ரஜினியின் கூலி படம் 6 கோடி வசூல் செய்த நிலையில் கேப்டன் பிரபாகரனோ 12 கோடி வசூல் செய்திருக்கிறது.
அதுமட்டுமல்ல இந்த வாரம் சொட்ட சொட்ட நனையுது, குற்றம் புதிது, பேய்க்கதை, கடுக்காய் உள்ளிட்ட 7 புதிய திரைப்படங்கள் நேற்று வெளியானது. ஆனால் எந்த படமும் ரசிகர்களிடம் வரவேற்பை பெறவில்லை. ஆனால் கேப்டன் பிரபாகரன் கடந்த 5 நாட்களாகவே தினமும் 2 கோடி அளவுக்கு வசூல் செய்து வருகிறது.
