ரகுமான், பாவனா நடிப்பில் உருவாகியுள்ள அனோமி ரிலீஸ் தேதி அறிவிக்கப்பட்டது.
80களில் முன்னணி நட்சத்திரமாக இருந்தவர் நடிகர் ரகுமான். இவரது நிலவே, மலரே, புது புது அர்த்தங்கள் உள்ளிட்ட பல படங்கள் சூப்பர் ஹிட் ஆகியுள்ளன. 80களில் பெண் ரசிகைகள் அதிகம் இருந்த நடிகர்களில் ரகுமானும் ஒருவர். கடந்த சில ஆண்டுகளுக்கு முன் இவர் நடித்த துருவங்கள் 16 அட்டகாசமான வெற்றியை பெற்றது.
இந்த நிலையில் ரகுமான் நடிகை பாவனாவுடன் இணைந்து நடிக்கும் படம் அனோமி. யாஸ் மாரத் ஏன்ற அறிமுக இயக்குனர் இயக்கத்தில் உருவாகியுள்ள இந்த படம் ஒரு க்ரைம் சைக்காலஜிக்கல் த்ரில்லர் வகையை சார்ந்த கதை கொண்ட படமாகும். ஒரு சைக்கோ கொலைகாரனைப் பிடிப்பதற்காக காவல்துறையினர் மேற்கொள்ளும் தீவிர தேடுதல் வேட்டையே இப்படத்தின் மையக்கரு.
சமீபத்தில் வெளியான இப்படத்தின் டீஸர் நல்ல படத்தின் மீதான எதிர்பார்ப்பை அதிகரித்தது. இந்த நிலையில் அனோமி வருகிற பிப்.6ம் தேதி வெளியாகிறது. அனோமி நடிகை பாவனாவின் 90வது படமாகும். அதுமட்டுமல்லாமல் இபப்டத்தினை இணை தயாரிப்பாளராகவும் பாவனா தயாரித்துள்ளார் என்பது குறிப்பிடத்தக்கது.
