Cinema News
Idlikadai Movie: ஆடியன்ஸ் பல்ஸ புடிச்சு பார்த்திருக்காருப்பா.. ‘இட்லி கடை’ படத்திற்கு ஏன் இவ்ளோ ஹைப்?
Idlikadai Movie:
தனுஷ் நடிப்பில் அனைவரும் அடுத்து எதிர்பார்த்துக் கொண்டிருக்கும் திரைப்படம் இட்லி கடை. அக்டோபர் ஒன்றாம் தேதி இந்த படம் வெளியாக இருக்கின்றது. சென்சார் போர்டு இந்த படத்திற்கு யூ சான்றிதழை வழங்கி இருக்கிறது. படத்தின் டிரைலர் வெளியாகி ரசிகர்களிடம் மிகுந்த வரவேற்பை பெற்றிருக்கிறது. இட்லி கடை திரைப்படத்தின் டிரைலர் வெளியீட்டு விழாவில் தனுஷ் பல விஷயங்களை பகிர்ந்து இருந்தார்.
.
தமிழ் சினிமாவில் ஒரு நம்பிக்கை மிகு நட்சத்திரமாக திகழ்ந்து வருபவர் நடிகர் தனுஷ். தன்னுடைய நடிப்பில் யதார்த்தத்தை வெளிப்படுத்தக்கூடியவர். காமெடியனாகவும் ஆக்சன் ஹீரோவாகவும் ரொமான்டிக் ஹீரோவாகவும் என எல்லா வகையிலும் தனது அபார நடிப்பை வெளிப்படுத்தி இருக்கிறார். படங்களில் அவருக்கு கொடுக்கப்படும் கதாபாத்திரங்களில் கச்சிதமாக பொருந்தக்கூடியவர் தனுஷ்.
எல்லா மொழிகளிலும் கலக்கும் தனுஷ்:
ஒரு பிறவி கலைஞன் என்றே அவரை குறிப்பிடலாம். நடிகராக மட்டுமில்லாமல் பாடகராக பாடல் ஆசிரியராக தயாரிப்பாளராக இயக்குனராக என பல முகங்கள் அவருக்கு உண்டு. தமிழ் மட்டுமல்ல ஹிந்தி ,தெலுங்கு, ஹாலிவுட் என எல்லா மொழி திரைப்படங்களிலும் நடித்து அவருக்கு என ஒரு தனி முத்திரையை பதித்துக் கொண்டார் தனுஷ். அவரை உலகறிய செய்த பாடலாக ஒய் திஸ் கொலவெறி பாடல் அமைந்தது. அந்த பாடல் மூலமாகத்தான் உலகளவில் இருக்கும் ரசிகர்களிடம் கவனத்தை ஈர்த்தார்.
அது மட்டுமல்ல ஹாலிவுட் திரைப்படமான தி கிரே மேன் படத்தில் நடித்தும் ஒரு சர்வதேச அங்கீகாரத்தை பெற்றுக் கொண்டார் தனுஷ். பல புகழுக்கு சொந்தக்காரரான தனுஷ் பார்ப்பதற்கு எப்பொழுதுமே ஒரு சிம்பிள் மேனாகவே இருப்பார். அதனாலயே ரசிகர்கள் அவரை அதிக அளவில் விரும்பி வருகின்றனர் .அவருடைய எளிமையான வாழ்க்கை முறை ஒரு தன்னிகரற்ற இடத்தை ரசிகர்களிடம் உருவாக்கி இருக்கிறது.
மன்றங்கள் மூலம் ரசிகர்களை சந்திப்பது:
சமீபகாலமாக எல்லா ஊர்களில் இருக்கும் தன்னுடைய ரசிகர் மன்றங்கள் மூலமாக ரசிகர்களை சந்தித்து அவர்களுக்கு தேவையான சில உதவிகளையும் செய்து வருகிறார். ரசிகர்களுடன் புகைப்படம் எடுத்துக் கொள்வது அவர்களுக்கு தேவையான ஆடைகள் குழந்தைகளுக்கு தேவையான பொருள்கள் என வழங்கி ஒரு மனிதநேயம் கொண்ட மனிதராக தன்னை நிரூபித்து வருகிறார் தனுஷ்.
இந்த நிலையில் எந்த ஒரு படத்திற்கும் இல்லாத வகையில் அவருடைய இட்லி கடை படத்திற்கு பெரிய அளவில் ஹைப் உருவாகி இருக்கிறது. இதுவரை அவர் மூன்று படங்களை இயக்கியிருக்கிறார். இட்லி கடை திரைப்படம் அவர் இயக்கும் 4வது படமாகும். அவர் இயக்கிய அந்த மூன்று படங்களுமே வெவ்வேறு விதமான கதைகளைத்துடன் அமைந்தவை. டார்கெட் ஆடியன்ஸ் என அந்த ஆடியன்ஸ்களை மட்டுமே அந்த படம் சென்றடைந்திருக்கும் .
பவர் பாண்டி படத்தை பொருத்தவரைக்கும் அது ஒரு ஃபீல் குட் திரைப்படமாக அமைந்தது. ராயன் திரைப்படம் ஒரு மாஸ் ஆக்சன் திரைப்படமாக அமைந்தது, NEEK திரைப்படம் தற்கால காதலை வெளிப்படுத்தும் ஒரு படமாக அமைந்தது. அந்த வகையில் இட்லி கடை திரைப்படமும் இந்த மூன்று திரைப்படங்களை விட ஒரு வித்தியாசமான படமாக இருக்கும் என்று எதிர்பார்க்கப்படுகிறது. அதுமட்டுமல்ல இந்த படத்தில் ஒரு வலுவான எமோஷன் இருக்கும் என்றும் ஒரு ஃபேமிலி பொழுது போக்கு திரைப்படம் என்றும் இந்த படத்தில் தனுஷ் வித்தியாசமான கெட்டப்பில் இருப்பதால் மற்ற படங்களை விட இந்த படத்திற்கு அதிக அளவு எதிர்பார்ப்பு இருப்பதாக சமூக வலைதளங்களில் செய்திகள் வெளியாகி வருகின்றன.
