Vijay Tv: சன் டிவியில் இருந்து விஜய் டிவிக்கு கைமாறும் டாப் ஹிட் சீரியல்… இது என்ன புது கதையா இருக்கு?

Vijay Tv: பொதுவாக சினிமாக்கூட ஒரு டிவியில் பல முறை ஒளிபரப்பட்டாலும் கூட இன்னொரு தொலைக்காட்சிக்கு கொடுக்க மாட்டார்கள். அந்த டிஜிட்டல் உரிமையை கடைசி வரை குறிப்பிட்ட தொலைக்காட்சியே வைத்திருக்கும். ஆனால் தற்போது நிலைமை மாறி வருகிறது. 

தமிழ் சின்னத்திரையில் எப்போதுமே போட்டிக்கு ஆள் இல்லாமல் கெத்தாக வலம் வருவது சன் டிவிதான். அந்த தொலைக்காட்சியில் ஒளிபரப்பும் சீரியலுக்கு எக்கசக்க ரசிகர்கள் உண்டு. அந்த வகையில் ஏகப்பட்ட சீரியல்களை தொடர்ந்து களமிறக்குவார்கள். 

ஆனால் கடந்த சில ஆண்டுகளாகவே தமிழ் சீரியல்களில் புதிய அத்தியாயம் எடுத்து வருகிறது விஜய் டிவி. சன் டிவிக்கு போட்டியாக தொடர்ந்து வித்தியாசமான கதைகளை அறிமுகப்படுத்தி வருகிறது. அந்த வகையில் சிறகடிக்க ஆசை, அய்யனார் துணை, மகாநதி என சீரியல்கள் தற்போது இளசுகளிடம் பிரபலமாகி வருகிறது. 

இந்நிலையில் விஜய் தொலைக்காட்சி போட்டியான சன் டிவியின் நாகினி தொடரை கைப்பற்றி இருக்கிறது. சன் டிவியில் ஒளிபரப்பாகி பரபரப்பாக ஓடி வந்த நாகினி சீரியலின் 7வது சீசனை கைவசம் பற்றி நாகின் என்ற பெயரில் விஜய் தொலைக்காட்சி இன்று முதல் மாலை 6 மணிக்கு ஒளிபரப்பு செய்கிறது. 

இதற்கு முன் இந்த ஸ்லாட்டில் ஒளிபரப்பாகி வந்த மகளே என் மருமகளே சரியான டிஆர்பி ரேட்டிங் இல்லாத காரணத்தில் கடந்த வெள்ளிக்கிழமையுடன் மூடுவிழா கொண்டாடி இருக்கின்றனர். ஆனால் சன்டிவியில் ப்ரைம் டைமில் ஒளிபரப்பாகும் நாகின் விஜய் டிவிக்கு டிஆர்பியை பெற்று தருமா என்பதை பொறுத்திருந்து தான் பார்க்க வேண்டும்.