மீண்டும் தளபதி ஜோடி- ரஜினியுடன் இணையும் ஷோபனா

சூப்பர் ஸ்டார் ரஜினிகாந்த் தற்போது தனது 172-வது படமான நெல்சன் திலீப்குமாரின் ‘ஜெயிலர் 2’ படத்தில் இறுதிகட்ட படப்பிடிப்பில் தீவிரமாக உள்ளார். இந்தப் படத்தின் படப்பிடிப்பு இந்த மாதத்தோடு நிறைவடைய உள்ள நிலையில், அடுத்தபடமான தலைவர் 173படப்பிடிப்பு தயராகி வருகின்றனர் படகுழுவினர்.

கமல்ஹாசனின் ‘ராஜ் கமல் ஃபிலிம்ஸ் இன்டர்நேஷனல்’ மற்றும் ரெட் ஜெயண்ட் மூவிஸ் இணைந்து தயாரிக்கும் இந்த பிரம்மாண்ட படத்தை சிவகார்த்திகேயன் நடித்த டான் வெற்றிபட இயக்குனர் சிபி சக்ரவர்த்தி இயக்குகிறார். ஆரம்பத்தில் இப்படத்தை சுந்தர்.சி இயக்குவதாக அறிவிக்கப்பட்டு பின்பு அவர் விலகிகொண்டது குறிப்பிடத்தக்கது.

சமீபத்தில் இப்படம் குறித்து பேசிய ரஜினிகாந்த் இது முழுக்க முழுக்க ஒரு கமர்ஷியல் என்டர்டெய்னராக இருக்கும் எனத் தெரிவித்துள்ளார். இப்படத்திற்கும் ரஜினியின் ஆஸ்தான இசையமைப்பாளராக மாறிய அனிருத் இசையமைக்கிறார்.

இந்த நிலையில் தலைவர் 173 படத்தில் முக்கிய வேடத்தில் நடிகை ஷோபனா நடிக்க உள்ளதாக கூறப்படுகிறது. தளபதி படத்துக்கு பின் இவர்கள் இப்படத்தில் இணைகிறார்கள். மற்றும் பிரியங்கா மோகனும் இப்படத்தில் நடிகிறார் என்பது குறிப்பிடத்தக்கது.