பாலிவுட்டில் ரன்வீர் சிங், மாதவன் அக்ஷய் கண்ணா, சாரா அர்ஜுன் உள்ளிட்ட பலரும் நடித்து கடந்த வருடம் டிசம்பர் மாதம் வெளியான துரந்தர் திரைப்படம் உலகம் முழுவதும் 1350 கோடிக்கு மேல் வசூல் செய்து சூப்பர் ஹிட் அடித்தது. இந்த படத்தை ஆதித்யா தார் என்பவர் இயக்கியிருந்தார்.
தற்போது இந்த படத்தில் இரண்டாம் பாகம் துரந்தர் தி ரிவென்ச் என்கிற பெயரில் மார்ச் 19ம் தேதி வெளியானது. முதல் பாகம் சூப்பர் ஹிட் என்பதால் இரண்டாவது பாகத்திற்கும் ரசிகர்களிடம் உலகமெங்கும் பெரிய எதிர்பார்ப்பு இருந்தது.. அதே நேரம் 19ம் தேதி இந்த படம் தமிழ் வெளியாகவில்லை. இதனால் ரசிகரக்ள் ஏமாற்றமடைந்தனர். ஆனாலும், அடுத்தநாள் துரந்த 2ம்பாகம் தமிழில் வெளியானது.
துரந்தர் 2 படம் முதல் நாளே உலகம் முழுவதும் 230 கோடி வசூல் செய்ததாக சொல்லப்பட்டது. தற்போது படம் வெளியாகி 3 நாட்களில் இப்படம் உலகம் முழுதும் 500 கோடி வசூலை தாண்டி விட்டதாக சொல்லப்படுகிறது. இந்த திரைப்படத்தை இயக்குனர் ஷங்கர், ராஜமௌலி, அல்லு அர்ஜுன், விஜய தேவரகொண்டா உள்ளிட்ட பல திரைப்பட பிரபங்கள் பாராட்டு கருத்து தெரிவித்திருக்கின்றனர்.
