குஷ்பு சுந்தரின் ஆவ்னி மூவிஸ் தயாரிப்பில் ஹிப் ஹாப் ஆதி தமிழா இயக்கி நடித்து வரும் மீசையை முறுக்கு 2 படத்தின் செகண்ட் சிங்கிள் பாடலான “பப்பாளி பழமே” பாடல் நாளை மாலை 5.15 மணிக்கு வெளியாகும் என்கிற அறிவிப்பை சற்றுமுன் ஹிப் ஹாப் ஆதி தனது சமூக வலைதள பக்கத்தில் வெளியிட்டுள்ளார்.
ஹிப் ஹாப் ஆதி இசையமைப்பாளராக சுந்தர். சி இயக்கத்தில் வெளியான ஆம்பள படத்தில் அறிமுகமானார். அரண்மனை சீரிஸ் படங்களுக்கும் அவர் இசையமைத்தார். மீசையை முறுக்கு படத்தின் மூலம் இயக்குநராகவும் ஹீரோவாகவும் மாறினார்.
ஆனால், அந்த படத்திற்கு பிறகு அவர் நடித்த படங்கள் பெரிதாக வெற்றிப் படங்களாக மாற தவித்து வந்த நிலையில், மீண்டும் தன்னை நிலை நிறுத்த வேண்டும் என்கிற அழுத்தம் காரணமாக மீசையை முறுக்கு 2ம் பாகத்தை கையில் எடுத்துள்ளார்.
ஏற்கனவே அந்த படத்தில் இருந்து வெளியான அவ ஆரா 10/10 பாடலில் கேத்திகா ஷர்மா போட்ட டான்ஸை பார்த்து ஒட்டுமொத்த ரசிகர்களும் மயங்கி ரீல்ஸ் போட்டு வருகின்றனர். இந்நிலையில், அடுத்த பாடலின் டைட்டிலே பப்பாளி பழமே என வைக்கப்பட்டுள்ள நிலையில், நாளை எத்தனை பேர் ஜூஸ் போடப்போறாங்கன்னு தெரியவில்லை.
இந்த சம்மருக்கே மீசையை முறுக்கு 2 மற்றும் புருஷன் உள்ளிட்ட படங்கள் வெளியாகும் என அறிவிக்கப்பட்டுள்ள நிலையில், இன்னமும் ரிலீஸ் தேதி இறுதி செய்யப்படவில்லை. கண்டிப்பாக மே மாதம் வெளியாகும் என தெரிகிறது.
