கொரோனா நோயாளிகளே இல்லாத நாடு – மீண்டும் இயல்பு நிலை!

நியுசிலாந்து நாட்டில் கொரோனாவால் பாதித்த அனைத்து மக்களுமே குணமாகியுள்ளதாக செய்திகள் வெளியாகியுள்ளன.

கொரோனா பாதிப்பில் ஆரம்பம் முதலே நியுசிலாந்து சிறப்பாக செயல்பட்டு வருகிறது. அங்கு கொரோனா பரவுவதற்கு இதமான தட்பவெப்ப நிலை இருந்தாலும் பாதிப்பு எண்ணிக்கைக் குறைவாகவே இருந்தது. இதற்கு அந்த நாட்டின் மக்கள் தொகை குறைவு என்பதும் ஒரு காரணம்.

அங்கு இதுவரை 1500 பேருக்கு மேல் கொரோனாவால் பாதிக்கப்பட்டனர். அதில் 22 பேர் மரணமடைய, மற்ற அனைவரும் குணமாகியுள்ளனர். இதன் மூலம் கொரோனா இல்லாத நாடாக நியுசிலாந்து மாறியுள்ளது. இதையடுத்து அரசு, வணிக வளாகங்கள், திரையரங்குகள், விளையாட்டு மைதானங்கள் உள்ளிட்டவை இன்று முதல் செயல்படும் என அறிவிக்கப்பட்டுள்ளது.