என்னை கிண்டல் செய்பவர்களுக்கு என் பாடல்களே பதில்! ஹிப் ஹாப் ஆதி விளக்கம்!

நடிகரும் இசையமைப்பாளருமான ஹிப் ஹாப் ஆதியின் பாடல்கள் ஒரே விதமாக இருப்பதாக சொல்லி இணையத்தில் கேலி வீடியோக்கள் வெளியாகியுள்ளன.

கிளப்புல மப்புல மற்றும் வாடி புள்ள வாடி ஆகிய ஆல்பங்களின் மூலம் தமிழ் இசை ரசிகர்களுக்கு அறிமுகமானவர் ஹிப் ஹாப் ஆதி. அதன் பின் தமிழ் சினிமாவில் பாடலாசியராகவும், இசையமைப்பாளராகவும் அறிமுகமான அவர் இப்போது கதாநாயகனாகவும் மாறியுள்ளார். ஆனாலும் தொடர்ந்து படங்களுக்கு இசையமைத்து வருகிறார்.

இந்நிலையில் ’நான் ஒரு ஏலியன்’ என்ற ஆல்பத்தை யுடியூப் தளத்தில் ஆகஸ்ட் 15 ஆம் தேதி வெளியிட இருக்கிறார். அதற்கான ப்ரோமா பாடலும் வெளியாகி வரவேற்பைப் பெற்றுள்ளது. அது சம்மந்தமாக அவர் அளித்த பேட்டியில் உங்கள் பாடல்கள் இணையத்தில் கேலி செய்யப்படுகின்றனவே எனக் கேட்கப்பட்டது. அதற்கு பதிலளித்த ஆதி ‘என்னைப் பற்றிய கேலிகளுக்கு எனது சமீபத்திய பாடல்களே பதில். சுஷாந்த் சிங்கின் தற்கொலை பற்றி வருத்தமாகப் பதிவிட்டு, அடுத்த நிமிடம் ஒருவரைக் கிண்டல் செய்யும் நபர்களும் இருக்கின்றனர். ’ எனக் கூறியுள்ளார்.