பிரபல தெலுங்கு நடிகரின் அடுத்த படத்தில் வரலட்சுமி!

விஜய், தனுஷ், விஷால் உள்பட தமிழில் பெரிய நடிகர்களின் படத்தில் நடித்த நடிகை வரலட்சுமி தற்போது ஒரே நேரத்தில் 6 படங்களில் நடித்து வருகிறார் என்பது குறிப்பிடத்தக்கது. இந்த நிலையில் பிரபல தெலுங்கு நடிகர் அல்லரி நரேஷ் நடிக்கும் அடுத்த படத்தில் நடிக்க வரலட்சுமி ஒப்பந்தம் செய்யப்பட்டுள்ளார் 

அல்லரி என்ற தெலுங்கு படத்தில் அறிமுகமான நரேஷ் என்ற நடிகர் தமிழில் குறும்பு என்ற ஒரே ஒரு படத்தில் மட்டும் நடித்து உள்ளார் என்பதும் இந்த படம் அல்லரி படத்தின் தமிழ் ரீமேக் என்பது குறிப்பிடத்தக்கது 

அல்லரி நரேஷ் நடிக்கவிருக்கும் 57 வது படமாக உருவாக இருக்கும் இந்த படத்தை விஜய் கனகமெடல என்பவர் இயக்க உள்ளார். இந்த படத்தின் பூஜை மற்றும் படப்பிடிப்பு வரும் 20ஆம் தேதி முதல் தொடங்க இருப்பதாகவும் இந்த படத்தில் கதையுடன் கூடிய ஒரு முக்கிய கேரக்டரில் வரலட்சுமி நடிக்கவிருப்பதாகவும் படக்குழுவினர் தெரிவித்துள்ளனர்

இந்த படம் குறித்து தனது டுவிட்டர் பக்கத்தில் வெளியிட்டுள்ள வரலட்சுமி’அல்லரி நரேஷ் படத்தில் நடிக்க ஒப்பந்தமாகி உள்ளேன். இந்த படம் எனக்கு 3வது தெலுங்கு படம். இந்த படக்குழுவினருடன் நான் இணைவதில் மிகுந்த மகிழ்ச்சி அடைகிறேன் என்று கூறியுள்ளார் இந்தப்படம் வரலட்சுமிக்கு தெலுங்கு திரையுலகில் பெரிய மார்க்கெட்டை பெற்றுத் தரும் என்று எதிர்பார்க்கப்படுகிறது

Super happy to be doing my 3rd telugu film with this amazing team.. On this 20th of 2020…. a new beginning…let’s do this! @SV2Ent @allarinaresh @Vijaykanakamed2 @SatishVegesna @ChotaKPrasad @brahmakadali @RajeshDanda_ @UrsVamsiShekar pic.twitter.com/gdpX7gHrwu

— varalaxmi sarathkumar (@varusarath) January 18, 2020