Ajith: என்னது!… அடுத்த வருஷம் பொங்கலுக்கு இரண்டுமே இல்லையா?!… ஏமாற்றத்தில் அஜித் ஃபேன்ஸ்..!

அஜித் நடிப்பில் உருவாகி வரும் விடாமுயற்சி மற்றும் குட் பேட் அக்லி இரண்டு படங்களுமே அடுத்த வருட பொங்கலுக்கு வெளியாகவில்லை என்று பிரபல நடிகர் தெரிவித்து இருக்கின்றார்.

நடிகர் அஜித்: தமிழ் சினிமாவில் மிகப் பிரபலமான நடிகராக இருந்து வருபவர் நடிகர் அஜித்.
இவர் நடிப்பில் கடைசியாக வெளியான திரைப்படம் துணிவு. இந்த திரைப்படம் வெளியாகி கிட்டத்தட்ட இரண்டு ஆண்டுகளான நிலையில் தற்போது வரை அஜித்தின் எந்த திரைப்படங்களும் திரையரங்குகளில் வெளியாகவில்லை. இது ரசிகர்களுக்கு மிகப்பெரிய ஏமாற்றத்தை கொடுத்தது.

விடாமுயற்சி: துணிவு திரைப்படத்திற்கு பிறகு நடிகர் அஜித் கமிட்டான திரைப்படம் விடாமுயற்சி. மகிழ்திருமேனி இயக்கத்தில் உருவாகி வரும் இந்த திரைப்படம் ஆரம்பித்தது முதலே பல்வேறு சிக்கல்களை எதிர்கொண்டது. அஜர்பைஜானில் படத்தின் படப்பிடிப்பு எடுக்கப்பட்டு வந்த நிலையில் காலசூழ்நிலை மாற்றம் காரணமாக தொடர்ந்து படப்பிடிப்பு தாமதமாகி வந்தது. மேலும் படத்தின் தாமதத்திற்கு இயக்குனரின் மெத்தனப்போக்கு தான் காரணம் என்று பலரும் கூறி வந்தார்கள்.

இதையும் படிங்க: Nepoleon: ஆறு மாதம் கழித்து தனுஷுக்கு ‘மீண்டும்’ திருமணம்?

குட் பேட் அக்லி: விடாமுயற்சி திரைப்படத்தில் நடித்துக் கொண்டிருந்தபோதே நடிகர் அஜித் ஆதிக் ரவிச்சந்திரன் இயக்கத்தில் குட் பேட் அக்லி திரைப்படத்தில் நடிப்பதற்கு கமிட்டாகி விட்டார் நடிகர் அஜித். பொதுவாக ஒரு திரைப்படத்தில் நடித்துக் கொண்டிருக்கும் போது மற்றொரு திரைப்படத்தை கமிட் செய்யமாட்டார் நடிகர் அஜித்.

ஆனால் விடாமுயற்சி படத்தில் நடித்துக் கொண்டிருக்கும் போதே குட் பேட் அக்லி திரைப்படத்தின் அறிவிப்பும் வெளியாகி ரசிகர்களை மகிழ்ச்சிப்படுத்தியது. விடாமுயற்சி திரைப்படம் போல் இல்லாமல் குட் பேட் அக்லி திரைப்படம் மிக வேகமாக எடுக்கப்பட்டு வந்தது. முதல் ஷெட்யூல், இரண்டாவது ஷெட்யூல் என படப்பிடிப்பு வேகம் எடுக்க தற்போது இறுதி கட்டத்தை படம் நெருங்கி இருப்பதாக கூறப்படுகின்றது.

பொங்கல் ரிலீஸ்: ஆதிக் ரவிச்சந்திரன் இயக்கத்தில் உருவாகி வரும் குட் பேட் அக்லி திரைப்படம் வரும் பொங்கலுக்கு வெளியாகும் என்று படக்குழுவினர் அறிவித்திருந்தார்கள். ஆனால் விடாமுயற்சி திரைப்படம் இன்னும் ரிலீஸ் ஆகாமல் இருப்பதால் அந்த திரைப்படம் தான் பொங்கலுக்கு வெளியாக இருக்கின்றது என்றும், இதனால் குட் பேட் அக்லி திரைப்படம் மே 1-ம் தேதிக்கு வெளியாகும் என்றும் சினிமா வட்டாரங்களில் தெரிவித்து வந்தார்கள்.

சித்ரா லட்சுமணன் பேட்டி: தற்போது விடாமுயற்சி திரைப்படமும் குட் பேட் அக்லி திரைப்படமும் பொங்கலுக்கு ரிலீசாக போவதில்லை என்று பிரபல நடிகரும் பத்திரிகையாளருமான சித்ரா லட்சுமணன் தனது பேட்டியில் தெரிவித்து இருக்கின்றார். அதில் அவர் கூறியிருந்ததாவது ‘இந்த மாதம் 28 தேதி வரை நடிகர் அஜித் குட் பேட் அக்லி படத்தின் படப்பிடிப்பில் கலந்து கொள்கின்றார்.

அதற்கு பிறகு தான் சென்னை வருகின்றார். பின்னர் டிசம்பர் இரண்டாம் தேதி விடாமுயற்சி படத்தின் படப்பிடிப்பில் கலந்து கொள்கின்றார். இந்த இரண்டு திரைப்படத்தின் படப்பிடிப்பும் எப்படி பார்த்தாலும் டிசம்பர் மாதம் கடைசியில் முடிவடைந்து விடும். இப்படி உள்ள சூழ்நிலையில் இரண்டு படங்களும் பொங்கலுக்கு ரிலீசாவது என்பது சந்தேகம்தான்.

இதையும் படிங்க: Don vs Dragon: டான் vs டிராகன்…! எல்லாமே ஒரே மாதிரி இருக்கே?!… அப்ப படத்தோட கதையும் இதுதானா!…

ஏனென்றால் படத்தின் டப்பிங், போஸ்ட் புரொடக்ஷன், பின்னணி இசை சேர்ப்பு, எஃப்எக்ஸ் இப்படி பல வேலைகள் இருப்பதால் இரண்டு படங்களுமே பொங்கலுக்கு வருவதற்கு வாய்ப்பில்லை. விடாமுயற்சி திரைப்படம் பிப்ரவரி மாதம் ரிலீஸ் ஆகலாம். குட் பேட் அக்லி திரைப்படம் மே மாதம் வெளியாகும்’ என்று அந்த பேட்டியில் அவர் தெரிவித்து இருக்கின்றார்.