மே 1ஆம் தேதிக்கு இவ்வளவு டிமாண்ட்டா?!… லிஸ்டில் இணைந்த சூப்பர் ஸ்டார்!… ஆட்டம் சூடு பிடிக்குது!…

அடுத்த வருடம் மே 1ஆம் தேதி கூலி திரைப்படம் வெளியாவதற்கு வாய்ப்பிருப்பதாக தகவல் வெளியாகியிருக்கின்றது.

தமிழ் சினிமா: தமிழ் சினிமாவை பொறுத்தவரையில் ஒரு பெரிய நடிகர்களின் திரைப்படம் வந்தால், மற்றொரு பெரிய நடிகர்களின் திரைப்படம் வெளியாவதற்கான சாத்தியம் சற்று குறைவாக இருக்கும். அதற்கு காரணம் பெரிய நடிகர்கள் திரைப்படங்கள் என்றாலே பட்ஜெட் அதிகமாக தான் இருக்கும்.

இதையும் படிங்க: Kanguva: தொடங்கியது கங்குவா ப்ரீ புக்கிங்!… இனி வசூல் வேட்டைதான்… இதுவரை எவ்வளவு தெரியுமா?…

அப்படி இருக்கும் சமயத்தில் இரண்டு படங்களில் ஏதாவது ஒரு திரைப்படம் மக்களிடையே விமர்சன ரீதியாக நெகடிவ் கமெண்ட்களை பெரும் பட்சத்தில் அப்படத்தின் வசூலும் பெருமளவு பாதிக்கப்படும். இதனால் பெரிய நடிகர்களின் திரைப்படங்கள் ஒரே நேரத்தில் வெளியாவது என்பது சற்று குறைவு தான். கடைசியாக தமிழ் சினிமாவில் டாப் நடிகர்களாக இருக்கும் நடிகர் விஜயின் வாரிசு திரைப்படமும், அஜித்தின் துணிவு திரைப்படமும் பொங்கல் பண்டிகையை முன்னிட்டு வெளியாகி இருந்தது.

பொங்கல் பண்டிகை: அடுத்த வருடம் பொங்கல் பண்டிகையை குறி வைத்து பல நடிகர்களின் திரைப்படங்கள் வெளியாக இருப்பதாக கூறப்பட்டு வருகின்றது. வரும் பொங்கல் பண்டிகைக்கு நடிகர் அஜித்தின் விடாமுயற்சி திரைப்படம் வெளியாகும் என்று கூறப்படுகின்றது. அதைத் தொடர்ந்து சங்கர் இயக்கத்தில் உருவாக்கி இருக்கும் கேம் சேஞ்சர் திரைப்படமும் பெரிய படங்களாக வெளியாக இருக்கின்றது.

மே 1: அதற்கு அடுத்ததாக நீண்ட விடுமுறை என்றால் அது மே ஒன்றாம் தேதி தான். அந்த தேதியை குறிவைத்து தமிழ் சினிமாவில் பெரிய நடிகர்களின் படங்கள் வெளியாக இருப்பதாக கூறப்படுகின்றது. அதாவது அஜித் நடிப்பில் ஆதிக் ரவிச்சந்திரன் இயக்கத்தில் உருவாகி வரும் குட் பேட் அக்லி திரைப்படத்தை அஜித்தின் பிறந்த நாளான மே 1ம் தேதி வெளியிடுவதற்கு திட்டமிட்டு இருக்கிறார்கள்.

அந்த தேதியில் தான் ஏஆர் முருகதாஸ் இயக்கத்தில் சிவகார்த்திகேயன் நடிப்பில் உருவாகி இருக்கும் எஸ்கே 23 திரைப்படமும் வெளியாக இருப்பதாக கூறப்பட்டு வந்தது. இதுவே மிகப்பெரிய அதிர்ச்சியை ஏற்படுத்தி இருந்தது. சிவகார்த்திகேயன் எப்படி அஜித்துடன் மோதுவதற்கு ஒப்புக்கொண்டார் என்று பலரும் கூறி வந்த நிலையில் அடுத்த அதிர்ச்சியாக மற்றொரு படமும் மே ஒன்றாம் தேதி ரிலீஸ் செய்வதற்கு திட்டமிடப்பட்டுள்ளது.

கூலி  திரைப்படம்: தமிழ் சினிமாவில் சூப்பர் ஸ்டார் என்ற படத்துடன் வலம் வரும் நடிகர் ரஜினிகாந்த் தற்போது லோகேஷ் கனகராஜ் இயக்கத்தில் கூலி என்கின்ற திரைப்படத்தில் நடித்து வருகின்றார். இந்த திரைப்படத்தின் படப்பிடிப்பு தற்போது நடைபெற்று வரும் நிலையில் டிசம்பர் மாதம் இறுதிக்குள் படப்பிடிப்பு முழுவதும் முடிந்துவிடும் என்று எதிர்பார்க்கப்படுகின்றது.

இதையும் படிங்க: Thalapathy 69: விஜயுடன் இணைந்த ‘சூப்பர்ஸ்டார்’ நடிகர்… வேற லெவல் போங்க!

அதையடுத்து இப்படத்தை மே ஒன்றாம் தேதி வெளியிடுவதற்கு படக்குழுவினர் திட்டமிட்டு இருப்பதாக கூறப்படுகின்றது. ஏற்கனவே நடிகர் அஜித், சிவகார்த்திகேயன் திரைப்படங்கள் வெளியாகும் என்று கூறப்பட்டு வரும் நிலையில் தற்போது ரஜினியின் கூலி திரைப்படமும் இந்த போட்டியில் இணைந்திருப்பது மிகப்பெரிய விஷயமாக பார்க்கப்படுகின்றது. ஆனால் இது தொடர்பான எந்த ஒரு அதிகாரப்பூர்வ அறிவிப்பும் வெளியாகவில்லை என்பது குறிப்பிடத்தக்கது.