நெகட்டிவிட்டிய சொன்னாதான் ரீச் ஆகுது?!.. கங்குவா படம் குறித்து நடிகர் சூரி சொன்ன விமர்சனம்!…

நடிகர் சூரி கங்குவா படத்தை பார்த்துவிட்டு தனது விமர்சனத்தை கூறி இருக்கின்றார்.

சூர்யா நடிப்பில் கடந்த நவம்பர் 14ஆம் தேதி திரையரங்குகளில் வெளியாகி நெகட்டிவ் விமர்சனங்களை சந்தித்து வருகின்றது கங்குவா திரைப்படம். படக்குழுவின் இரண்டு வருட கடின உழைப்பிற்கு பிறகு இந்த திரைப்படம் திரையரங்குகளில் வெளியாகி இருந்தது. ஆனால் படம் தொடர்ந்து நெகடிவ் விமர்சனங்களை பெற்று வருவது வேதனையாக பார்க்கப்படுகின்றது.

அதிலும் நடிகர் சூர்யா கடந்த இரண்டு வருடங்களாக எந்த திரைப்படத்திலும் நடிக்காமல் இந்த திரைப்படத்தில் மட்டுமே கவனம் செலுத்தி நடித்து வந்தார். தனது கெரியரில் இந்த திரைப்படம் மிகப்பெரிய பிளாக்பஸ்டராக இருக்கும் என்று எதிர்பார்த்து இருந்த நிலையில் அவருக்கும் இந்த திரைப்படம் ஏமாற்றத்தை மட்டும் தான் கொடுத்தது.

இதையும் படிங்க: தளபதி69 படத்திற்கு இத்தனை இயக்குனர்களிடம் கதை கேட்டாரா தளபதி… லிஸ்ட்டில் இருந்தவரே சொல்லிட்டாரே…

தமிழ் சினிமாவிற்கு இப்படம் பெருமை சேர்க்கும் என்று எதிர்பார்க்கப்பட்டது. ஆனால்  கடுமையான விமர்சனங்களால் மீம்ஸ் மற்றும் ட்ரோல் என கங்குவா திரைப்படத்தை விளாசி வருகிறார்கள் நெட்டிசன்கள். இதை பார்த்த நடிகை ஜோதிகா காட்டமாக அறிக்கை ஒன்றை வெளியிட்டு இருந்தார். அதில் படத்தில் சில குறைகள் இருந்தாலும் ட்ரோல் செய்யும் வகையில் கங்குவா படம் இல்லை.

திட்டமிட்டே கங்குவா படத்தை விமர்சனம் செய்து வருகிறார்கள். படத்தின் நெகட்டிவ்வான விஷயங்களை பேசுபவர்கள் ஏன் பாசிடிவ்வான விஷயங்கள் பேசுவதில்லை என்று தனது ஆதங்கத்தை தெரிவித்திருந்தார். அதனைத் தொடர்ந்து இயக்குனர் சீனு ராமசாமியும் தனது சமூக வலைதள பக்கத்தில் சூர்யாவுக்கு ஆதரவாக பதிவு ஒன்றை வெளியிட்டு இருந்தார்.

kanguva

இந்நிலையில் பிரபல நடிகர் சூரி இன்று திருச்செந்தூர் முருகன் கோயிலுக்கு சென்று சாமி தரிசனம் செய்துவிட்டு பின்னர் செய்தியாளர்களை சந்தித்தார்.  அப்போது விடுதலை 2 திரைப்படம் குறித்தும் அதன் ரிலீஸ் குறித்தும் பேசி இருந்தார். பின்னர் செய்தியாளர்கள் கங்குவா படம் குறித்து கேள்வி எழுப்பியிருந்தார்கள். அதற்கு பதில் அளித்த நடிகர் சூரி கூறியிருந்ததாவது ‘படம் பார்த்தேன், படம் எனக்கு ரொம்ப பிடித்திருந்தது. என் பிள்ளைகளுக்கு படம் ரொம்பவே பிடித்தது.

தமிழ் சினிமாவை அடுத்த பட்டத்திற்கு கொண்டு செல்ல முயற்சி செய்யப்பட்டுள்ளது. இரண்டு வருடங்களாக மிகச் சிறந்த கடின உழைப்பை போட்டிருக்கிறார்கள். தயாரிப்பாளர் கடன் வாங்கி ஒரு படத்தை எடுக்கின்றார். வேண்டுமென்றே தோல்வி படத்தை எடுக்க வேண்டும் என்ற எண்ணத்தில் யாரும் படம் எடுப்பதில்லை.

இதையும் படிங்க : வெட்கம், மானம் இல்லையா?… தனுஷ் ராதிகாவை திட்டியதன் பின்னணி?!… வெளிவந்த உண்மை..!

தற்போதெல்லாம் படத்தை பார்த்துவிட்டு வேண்டுமென்றே சிலர் நெகட்டிவ் விமர்சனங்களை கூறுகிறார்கள். பலரும் பாசிடிவ் விமர்சனங்களை கூறுகிறார்கள். அதை ஏன் யாரும் கவனிப்பது இல்லை. நெகட்டிவ் விமர்சனங்கள் தான் விரைவில் ரீச் ஆகிவிடுகிறது. கேமரா முன் நின்று வேண்டுமென்றே நெகட்டிவ்வான விஷயங்களை பரப்பி வருகிறார்கள்’ என்று கூறியிருந்தார் இந்த பேட்டியானது தற்போது இணையதள பக்கங்களில் வைரலாகி வருகின்றது.