இளையராஜா மட்டும்தான் இருக்காரா!.. அப்ப வண்டியை ஓரமா விடுங்க?!.. நடிகர் சூரி பகிர்ந்த சுவாரஸ்யம்!..

விடுதலை 2 ஆடியோ லான்ச் விழாவில் நடிகர் சூரி இளையராஜா குறித்து பேசிய வீடியோவானது இணையதளத்தில் வைரலாகி வருகின்றது.

தமிழ் சினிமாவில் சின்னத்திரையில் சிறிய சிறிய கதாபாத்திரங்களில் நடித்து வந்த நடிகர் சூரி பின்னர் சினிமாவில் ஒரு சில கதாபாத்திரங்களில் நடிக்க தொடங்கினார். தொடர்ந்து சினிமாவில் பல முயற்சிகளை மேற்கொண்டு வந்த இவருக்கு அடுத்தடுத்த படங்களில் காமெடி கதாபாத்திரங்களில் நடிப்பதற்கு வாய்ப்பு கிடைத்தது.

இதையும் படிங்க: Viduthalai part2: விடுதலை2 டிரைலரில் விஜயை சீண்டிய வெற்றிமாறன்… இதெல்லாம் நியாயமா கொதிக்கும் ஃபேன்ஸ்…

அதிலும் சிவகார்த்திகேயன் நடிப்பில் வெளிவந்த வருத்தப்படாத வாலிபர் சங்கம் திரைப்படத்தில் சிவகார்த்திகேயனுக்கு இணையாக நடித்து மிகப்பெரிய பேரும் புகழையும் பெற்றார். தொடர்ந்து சினிமாவில் ஒரு முக்கிய காமெடி நடிகனாக மாறி வந்த இவர் தற்போது கதாநாயகனாக மாறினார். வெற்றிமாறன் இயக்கத்தில் விடுதலை என்ற திரைப்படத்தின் முதல் பாகத்தில் கதாநாயகனாக நடித்து அசத்தியிருந்தார்.

அந்த படத்தில் சூரியின் நடிப்பு ரசிகர்களை வெகுவாக கவர்ந்தது. இந்த படத்திற்கு பிறகு கருடன், கொட்டுகாளி உள்ளிட்ட மூன்று படங்களில் ஹீரோவாக நடித்து விட்டார். இந்த இரண்டு திரைப்படங்களுமே நடிகர் சூரியை உச்சத்துக்கு கொண்டு சென்றது விட்டது. முக்கியமாக கருடன் திரைப்படம் வசூல் ரீதியாக மிகப்பெரிய வெற்றியை படைத்தது. இதைத்தொடர்ந்து விடுதலை படத்தின் இரண்டாவது பாகத்தில் ஒரு முக்கிய கதாபாத்திரத்தில் நடிகர் சூரி நடித்திருக்கின்றார்.

viduthalai 2

முதல் பாகத்தைப் போலவே இரண்டாவது பாகமும் நடிகர் சூரிக்கு மிகப்பெரிய பெயரை பெற்று கொடுக்கும் என்று எதிர்பார்க்கப்படுகின்றது. இந்நிலையில் நேற்று இப்படத்தின் ஆடியோ மற்றும் டிரைலர் வெளியீட்டு விழா சென்னையில் நடைபெற்றது. இதில் வெற்றிமாறன், விஜய் சேதுபதி, சூரி, இளையராஜா உள்ளிட்ட பலரும் கலந்துகொண்டு மேடையில் பேசியிருந்தார்கள். இந்த நிகழ்ச்சியில் கலந்து கொண்ட சூரி மேடையில் பேசியிருந்தது அனைவரும் கவனத்தையும் ஈர்த்தது.

‘பாடல் விழா மட்டுமல்ல காதுகுத்து விழா, திருமண விழா, திருவிழா என எந்த விழாவாக இருந்தாலும் கடந்த 49 ஆண்டுகளாக இளையராஜா தான் ஒரே நாயகன். அவரின் பாடல்களை கேட்டு வளர்ந்த நான் அவரது இசையில் நடித்து இருக்கின்றேன் என்பது எனக்கு மிகப் பெருமையாக இருக்கின்றது. விடுதலை 2 பாடலை கேட்ட பிறகு ஒரு ஐபிஎஸ் அதிகாரி எனக்கு போன் செய்து எப்படி இப்படி ஒரு பாட்டை போட்டு வைத்திருக்கிறார் என்று பிரம்மிப்புடன் பேசினார்.

இதையும் படிங்க: விடுதலை 2 விழாவில் மேடையிலேயே கோபப்பட்ட வெற்றிமாறன்!. இப்படி டென்ஷன் பண்ணிட்டீங்களே!..

தினம் தினமும் என்ற பாடல் வெளியீட்டுக்காக அவரது ஸ்டுடியோவுக்கு நான் சென்று இருந்தேன். அவர்களிடம் எல்லோரும் வந்து விட்டார்களா? என்று கேட்டேன். அவரோ யாரும் வரவில்லை இளையராஜா மட்டும் தான் இருக்கின்றார் என்று கூறினார். அதை கேட்டு பதட்டமான நான் உடனே எனது டிரைவரிடம் கூறி வண்டியை ஓரமாக விட்டு விடு என்று சொல்லிவிட்டேன். இளையராஜாவுடன் தனியாக அமர்ந்து பேசும் அளவிற்கு பெரிய ஆள் நான் இல்லை.

கொஞ்ச நேரம் கழித்து விஜய் சேதுபதி உள்ளே இருக்கின்றார் என்று கூறிய பிறகு தான் உள்ளே சென்றேன். அவர் தன்னுடைய ஆரம்ப கால அனுபவங்களை எல்லாம் எங்களிடம் பகிர்ந்து கொண்டார். இது எனக்கு மிகப்பெரிய பொக்கிஷம்’ என்று அந்த நிகழ்ச்சியில் பெருமையாக பேசி இருந்தார் நடிகர் சூரி.