விஜய்யால் மது குடிக்காமல் இருக்க முடியாது – ரஞ்சனா நாச்சியாரின் பேச்சும்.. பதிலடி கொடுக்கும் அனுமோகனின் வீடியோவும்!

தமிழக அரசியல் களம் தேர்தல் அறிவிப்புக்கு பின் பரபரப்பான கட்டத்தை எட்டியுள்ளது. அனைத்து கட்சிகளும் கூட்டணி, தொகுதி பங்கீடுகளில் பிஸியாக உள்ளன. நடிஅகர் விஜயின் தவெக கட்சியும் இதில் அடங்கும். விஜயின் ஒவ்வொரு நகர்வையும் அனைத்துக் கட்சிகளும் கவனித்து வருகின்றன. அதே வேலை அவர் மீதான விமர்சனங்களுக்கும் பஞ்சமில்லை. விஜய்காந்தையே மிஞ்சி விடுவர் போல விஜய்.

தவெகவிலிருந்து விலகி திமுகவில் இணிஅந்த ரஞ்சனா நாச்சியார் சமீபத்தில் அளித்த பேட்டி ஒன்றில், விஜய்யால் மது குடிக்காமல் இருக்கவே முடியாது. அவர் பொதுக்கூட்டங்களில் பேசும் போது கூட, மது அருந்திவிட்டுதான் வந்து பேசுகிறார்” என்று பகிரங்கமான குற்றச்சாட்டை வைத்தார். எந்தவொரு ஆதாரமும் இன்றி அவர் பேசிய இந்தக் கருத்து, விஜய் ரசிகர்கள் மற்றும் அரசியல் வட்டாரத்தில் பெரும் சர்ச்சையையும் ஏற்படுத்தியது. கிட்டதட்ட விஜய்காந்தை வடிவேலு விமர்சித்தது போலவே இருந்தது.

ரஞ்சனா நாச்சியாரின் இந்த குற்றச்சாட்டுக்கு பதிலடி கொடுக்கும் விதமாக, விஜய் ரசிகர்கள் தற்போது மூத்த நடிகர் அனுமோகன் அளித்த பழைய பேட்டி ஒன்றினை சமூக வலைதளங்களில் ட்ரெண்ட் செய்து வருகின்றனர்.

அந்த வீடியோவில் பேசியுள்ள அனுமோகன், நான் அதிகமாக சிகரெட் பிடிக்கும் பழக்கம் உள்ளவன். ஒருமுறை விஜய்யுடன் இணைந்து நடித்துக்கொண்டிருந்த போது, என்னிடம் வந்த விஜய், எனக்கு சிகரெட் வாசனை சுத்தமாக ஒத்துக்காது. தவிர இது உடம்புக்கும் நல்லது கிடையாது. அதனால் முடிந்தவரை சிகரெட் பிடிப்பதை விட்டுவிடுங்கள் என்று மிகவும் அக்கறையாக அட்வைஸ் செய்தார். ஒரு சக நடிகரின் உடல்நலன் மீது அவர் காட்டிய அந்த அக்கறை என்னை மிகவும் நெகிழச் செய்தது” என்று அனுமோகன் அந்தப் பேட்டியில் குறிப்பிட்டுள்ளார்.

சிகரெட் வாசனையே பிடிக்காத விஜய்யைப் பார்த்து, மது குடிக்காமல் இருக்க முடியாது என்று ரஞ்சனா நாச்சியார் கூறுவது முற்றிலும் அடிப்படை ஆதாரமற்ற அவதூறு என்று ரசிகர்கள் கொந்தளித்து வருகின்றனர்.