கோலிவுட்டில் என்ட்ரி கொடுக்கும் டோலிவுட்டின் டான்சிங் குயின்?!.. அதுவும் இந்த நடிகருக்கு ஜோடியாவா?..

நடிகை ஸ்ரீலீலா விரைவில் தமிழ் சினிமாவில் அறிமுகமாக இருப்பதை அவரே ஒப்புக்கொண்டிருக்கிறார்.

அல்லு அர்ஜுன், ராஷ்மிகா மந்தனா, பகத் பாஸில் ஆகியோர் நடிப்பில் சுகுமார் இயக்கத்தில் உருவாகி இருக்கும் திரைப்படம் புஷ்பா. இப்படத்தின் முதல் பாகம் கடந்த 2021 ஆம் ஆண்டு வெளியாகி பிளாக்பஸ்டர் ஹிட்டு கொடுத்தது. இந்த திரைப்படத்தின் வெற்றியை தொடர்ந்து இதன் 2-வது பாகத்தை எடுப்பதற்கு படக்குழுவினர் முடிவு செய்திருந்தார்கள்.

இதையும் படிங்க: Tamil Biggboss: மீண்டும் பிக்பாஸை கமல் தொகுத்து வழங்க வாய்ப்பு.. இவர் சொன்ன பிறகு நம்பலனா எப்படி?

அதன்படி கடந்த 2 வருடங்களாக புஷ்பா2 தி ரூல் என்ற படம் எடுக்கப்பட்டு வந்தது. ஆகஸ்ட் மாதமே படம் வெளியாக உள்ளதாக கூறப்பட்டிருந்த நிலையில் வரும் டிசம்பர் 5ஆம் தேதி இப்படம் திரையரங்குகளில் வெளியாக இருக்கின்றது. படத்தின் டிரைலர், பாடல் வெளியாகி மிகப்பெரிய வரவேற்பை பெற்றிருந்தது. இந்நிலையில் படக்குழுவினர் படத்தின் ப்ரோமோஷன் நிகழ்ச்சிகளை மிகப் பிரமாண்டமாக செய்து வருகிறார்கள்.

அந்த வகையில் கடந்த சில தினங்களுக்கு முன்பு பாட்னாவில் ட்ரைலர் வெளியீட்டு விழா நடைபெற்றது. இதில் யாரும் எதிர்பார்க்காத அளவுக்கு மிகப்பெரிய வரவேற்பை கொடுத்திருந்தார்கள் பாட்னா மக்கள். இதனைத் தொடர்ந்து நேற்று சென்னையில் புஷ்பா 2 திரைப்படத்தின் ஆடியோ லான்ச் நடைபெற்றது. இந்த நிகழ்ச்சியில் கலந்து கொண்ட அனைவரும் படம் குறித்து தங்களது அனுபவங்களை பேசியிருந்தார்கள்.

இதில் கலந்து கொண்ட நடிகை ஸ்ரீலீலா இப்படத்தில் கிஸ்கி பாடலுக்கு நடனமாடியது குறித்து பேசி இருந்தார். அதனை அடுத்து தமிழில் அறிமுகமாவது குறித்து கேள்வி எழுப்பப்பட்டது. அதற்கு ஆமாம் என்று ஒப்புக்கொண்ட ஸ்ரீலீலா எந்த திரைப்படம் என்பதை கூற மறுத்துவிட்டார். கடந்து சில நாட்களாக நடிகர் சிவகார்த்திகேயனின் புறநானூறு திரைப்படத்தில் நடிகை ஸ்ரீலீலா நடிக்க உள்ளதாக தகவல் வெளியாகி வந்த நிலையில் இப்படத்தின் மூலமாக தான் இவர் தமிழில் அறிமுகமாக இருக்கின்றார் என்பது தற்போது ஏறத்தாழ உறுதியாக இருக்கின்றது.

நடிகர் சிவகார்த்திகேயன் அமரன் திரைப்படத்தின் வெற்றிக்கு பிறகு ஏ ஆர் முருகதாஸ் இயக்கத்தில் தனது 23வது திரைப்படத்தில் நடித்து வருகின்றார். அதனை தொடர்ந்து சிபி சக்கரவர்த்தி இயக்கத்தில் பாஸ் என்கிற திரைப்படத்தில் நடிக்க இருக்கின்றார். இப்படத்திற்கு பிறகு நடிகர் சிவகார்த்திகேயன் சுதா கோங்குரா இயக்கத்தில் புறநானூறு என்ற திரைப்படத்தில் நடிப்பதற்கு ஒப்பந்தமாகி இருக்கின்றார்.

இதையும் படிங்க: Biggboss Tamil 8: வர்ஷினி ‘பலியாடு’ ஆகிட்டாங்க… எவிக்சன் குறித்து ‘பிரபலம்’ ஓபன் டாக்!

இப்படம் தொடர்பான அப்டேட் தொடர்ந்து வந்து கொண்டிருக்கின்றன. ஏற்கனவே இப்படத்தில் நடிகர் ஜெயம் ரவி, நிவின்பாலி, அதர்வா உள்ளிட்ட நடிகர்கள் நடிக்க இருப்பதாக கூறப்பட்டு வந்த நிலையில் நடிகை ஸ்ரீ லீலா இப்படத்தில் சிவகார்த்திகேயனுக்கு ஜோடியாக நடிக்க இருப்பதாக தகவல் வெளியாகி வந்தது. தற்போது புஷ்பா 2 திரைப்படத்தின் ஆடியோ லான்ச் விழாவில் நடிகை ஸ்ரீலிலா கூறியிருப்பதை ஒப்பிட்டு ரசிகர்கள் சிவகார்த்திகேயன் படத்தில் தான் நடிகை ஸ்ரீலிலா அறிமுகமாக இருக்கின்றார் என்று கூறி வருகிறார்கள்.