தலைவன் தலைவி வீக் எண்ட் வசூல் இவ்வளவு கோடியா? அதிகாரப்பூர்வ அறிவிப்பு

பாண்டிராஜ் இயக்கத்தில் விஜய்சேதுபதி, நித்யாமேனன் ஆகியோர் முக்கிய வேடத்தில் நடித்துள்ள திரைப்படம் தலைவன் தலைவி.மேலும் இந்த படத்தில் யோகிபாபு, சரவணன், ரோஷினி ஹரிப்பிரியன் உள்ளிட்ட பலரும் நடித்துள்ளனர். இந்த படம் கடந்த வெள்ளிக்கிழமை வெளியானது.

குடும்பத்தில் கணவன், மனைவிக்கு இடையே நடக்கும் சண்டைகளையே கதையாக எழுதி ஒரு திரைப்படமாக இயக்கிருக்கிறார் பாண்டிராஜ். படம் வெளியாவதற்கு முன்பே இப்படத்தில் இடம் பெற்ற பொட்டல மிட்டாயே பாடல் யூடியுப்பில் வெளியாகி டிரெண்டிங் ஆனது. இந்த பாடலை படம் வெளியான முதல் நாள் ரசிகர்களை தியேட்டருக்கு வரவழைத்தது.

முதல் நாளே படத்திற்கு பாசிடிவ்வான விமர்சனங்கள் வந்தது. விஜய்சேதுபதியும், நித்யாமேனனும் போட்டி போட்டு நடித்துருப்பதாக ரசிகர்கள் சமூக வலைதளங்களில் பதிவிட்டனர், படம் போரடிக்காமல் ஜாலியாக போவதாக பலரும் சொன்னார்கள், தியேட்டர் முழுக்க குடும்பத்தோடு ரசிகர்கள் படம் பார்க்க வந்திருப்பதாகவும், பல வருடங்களுக்கு பின் இப்படி தியேட்டரில் பார்ப்பதாகவும் பலரும் பதிவிட்டனர்.

இதைத்தொடர்ந்து படத்திற்கு நல்ல வசூல் கிடைத்து வருகிறது. இந்நிலையில் இந்த படம் வார இறுதி நாட்களில் 25 கோடி வசூல் செய்திருப்பதாக படத்தை தயாரித்த சத்யஜோதி பிலிம்ஸ் நிறுவனம் அதிகாரப்பூர்வமாக தற்போது அறிவித்திருக்கிறது. விரைவில் இப்படம் 50 கோடி வசூலாகும் என எதிர்பார்க்கப்படுகிறது.