மிக்சர் தின்றவங்கள கேட்க துப்பு இல்ல… விளையாடுற போட்டியாளரை தடுக்கும் விஜய் சேதுபதி… நியாயமா கோபால்

Vijay Sethupathi: பிக் பாஸ் தமிழ் சீசன் 8 விஜய் சேதுபதி தொகுத்து வழங்கி வரும் நிலையில், எல்லாவற்றிற்குமே அவர் குறை சொல்வது தற்போது ரசிகர்களுக்கு அதிருப்தியை ஏற்படுத்தி வருவதாக கூறப்படுகிறது.

பிக் பாஸ் தமிழ் எட்டாவது சீசன் தொடங்கி நடந்து வருகிறது. சின்னத்திரை நடிகர்கள் அதிகமாக உள்ளே வந்திருப்பதால் பெரிய அளவில் ரசிகர்களுக்கு நிகழ்ச்சியில் ஆர்வம் இல்லாமல் இருக்கிறது. பொதுவாக உள்ளே வரும் போட்டியாளர்கள் ஒன்று அல்லது இரண்டு நாட்கள் முடிந்த பின்னர் தங்களுடைய ஒரிஜினல் குணத்தை காட்டிவிடுவார்கள்.

ஆனால் உள்ளே வந்திருப்பது சின்னத்திரை நடிகர்கள் என்பதால் அவர்களுடைய தினசரி வேலையை கேமரா முன்னால் ஒரு முழு மாதம் கூட நடிப்பவர்கள் எப்படி தங்களுடைய ஒரிஜினல் முகத்தை காட்டுவார்கள். இதனால் பெரிய அளவில் பிக் பாஸ் நிகழ்ச்சி சூடு பிடிக்கவில்லை.

ஆண்கள் மற்றும் பெண்கள் அணி என வீட்டை இரண்டாக பிரித்து வைத்துள்ளனர். இதில் ஒரு சில போட்டியாளர்கள் மட்டுமே நிகழ்ச்சிக்கு கன்டென்ட் கொடுத்து வருகின்றனர். ஆனால் மற்றவர்கள் எதையும் செய்யாமல் வெட்டியாக காலத்தை நகர்த்தி வருகின்றனர்.

இது குறித்து வார இறுதியில் இதுவரை விஜய் சேதுபதி எந்த கேள்வியையுமே கேட்கவில்லை. பொதுவாக கமல்ஹாசன் சும்மா இருக்கும் போட்டியாளர்கள் குறித்து அவ்வப்போது கேள்வி கேட்டு அவர்களுடைய ஆட்டம் தவறாக செல்வதை புரிய வைத்துவிடுவார்.

ஆனால் விஜய் சேதுபதி அதை செய்யாமல், தக் லைஃப் காட்டுகிறேன் என காட்டமாக பேசுகிறார். சரியாகவோ அல்லது தவறாகவோ விளையாடும் முத்துக்குமரனை கேள்வி கேட்பது எந்த வகையில் சரியாக இருக்கும் எனப் பேச்சுக்கள் அடிப்பட தொடங்கி இருக்கிறது.