கடுப்பாக்கிய தனுஷ்!.. இட்லி கடையை டீலில் விட்ட நித்யா மேனன்!. இட்ஸ் ராங் புரோ!..
Nithya Menon: நடிகரான பின் சில வருடங்களில் தயாரிப்பாளர் அவதாரம் எடுத்தார் தனுஷ். சில படங்களை தயாரித்தார். ஒருகட்டத்தில் அதில் நஷ்டம் ஏற்படவே தயாரிப்பதை நிறுத்திவிட்டு நடிப்பதில் மட்டுமே ஆர்வம் காட்டி வந்தார். கடந்த சில வருடங்களாக படம் இயக்குவதில் ஆர்வம் காட்டி வருகிறார். ஏற்கனவே ராஜ்கிரணை வைத்து பவர் பாண்டி என்கிற படத்தை இயக்கினார்.
ராயன்: அதன்பின் சில வருடங்கள் கழித்து ராயன் என்கிற படத்தை இயக்கினார். சன் பிக்சர்ஸ் தயாரிப்பில் உருவான இப்படத்தில் தனுஷுடன் துஷரா விஜயன், சந்தீப் கிஷன், காளிதாஸ் ஜெயராம், அபர்ணா பாலமுரளி உள்ளிட்ட பலரும் நடித்திருந்தனர். மேலும், எஸ்.ஜே.சூர்யா வில்லனாக நடித்திருந்தார்.
இந்த படத்திற்கு முன்பே தனது சகோதரி மகனை வைத்து ‘நிலவுக்கு என் மேல் என்னடி கோபம்’ என்கிற படத்தை 80 சதவீதம் இயக்கி முடிந்திருந்தார். ராயன் படம் முடிந்ததும் தெலுங்கில் ஒரு படம் மற்றும் இட்லி கடை என்கிற படத்திலும் தனுஷ் நடிக்க துவங்கினார். இதில், இட்லி கடை படத்தை அவரே இயக்கியும் வருகிறார். ஒருபக்கம், ‘நிலவுக்கு என் மேல் என்னடி கோபம்’ படத்தை தனுஷ் முடித்துவிட்டார்.
இட்லி கடை: இட்லி கடை படத்தில் தனுஷ் இட்லி கடை வைத்து நடத்துவது போல கதை எழுதப்பட்டிருக்கிறது. மேலும், அவருடன் ராஜ்கிரண், அருண் விஜய் உள்ளிட்ட பலரும் நடித்து வருகிறார்கள். இந்த படத்தை டான் பிக்சர்ஸ் நிறுவனம் தயாரித்து வருகிறது. திருச்சிற்றம்பலம் படத்திற்கு பின் இந்த படத்திலும் நித்யா மேனன் ஒரு முக்கிய வேடத்தில் நடித்து வருகிறார்.
திருச்சிற்றம்பலம் படத்தில் நடித்ததற்காக நித்யா மேனன் தேசிய விருதை வாங்கிய நிலையில் இட்லி கடை படமும் எதிர்பார்ப்பை ஏற்படுத்தி இருக்கிறது. தற்போது இட்லி கடை படம் இறுதிக்கட்டத்தை எட்டிவிட்டது. இன்னும் 10 நாட்கள் மட்டுமே படப்பிடிப்பு நடக்கவுள்ளார். இதில், அருண்விஜய் தொடர்பான காட்சிகள் எடுக்கப்பட்டு வருகிறது. மேலும், தாய்லாந்தில் ஒரு பாடல் காட்சி எடுக்கப்பட வேண்டியிருக்கிறது.
நித்யா மேனன்: இதற்கு நித்யா மேனன் வேண்டும். ஆனால், ஏற்கனவே அவர் கொடுத்த கால்ஷீட்டை வீணடித்துவிட்டாராம் தனுஷ். ஷூட்டிங்கில் அவரை சும்மாவே அமர வைத்துவிட்டு வேறு நடிகர்களை வைத்து காட்சிகளை எடுத்து வந்ததால் நித்யா மேனன் தனுஷ் மீது கோபத்தில் இருப்பதாகவும் சொல்லப்படுகிறது. எனவே, உடல்நிலை சரியில்லை போன்ற சில காரணங்களை சொல்லி படப்பிடிப்புக்கு வராமல் இருக்கிறாராம். எப்படியும் அவரிடம் கால்ஷீட்டை வாங்கி விரைவில் இட்லி கடை படத்தை முழுவதுமாக முடித்துவிடுவார்கள் என்றே எதிர்பார்க்கப்படுகிறது.