விஜயகாந்த் பட டைட்டிலுடன் அந்த இயக்குனருடன் தனுஷ்.. லிஸ்ட்ல இதுவும் சேர்ந்துருச்சு போலயே..!

Actor Dhanush : தமிழ் சினிமாவில் மிகவும் பிஸியான நடிகர்களில் ஒருவராக இருந்து வருகின்றார் நடிகர் தனுஷ். தனது கைவசம் கிட்டத்தட்ட ஒரு டஜன் திரைப்படங்களை வைத்திருக்கின்றார். அதிலும் ராயன் திரைப்படத்திற்கு பிறகு நடிகர் தனுஷின் லைன் அப் நீண்டு கொண்டே செல்கின்றது. ராயன் திரைப்படத்தை தானே இயக்கி நடித்து இருந்தார் நடிகர் தனுஷ். இந்த திரைப்படம் மிகப்பெரிய வெற்றியை கொடுத்தது.

100 கோடிக்கு மேல் வசூல் செய்து சாதனை படைத்தது. இதனால் தொடர்ந்து இயக்கத்திலும் கவனம் செலுத்தி வருகின்றார். அந்த வகையில் தனது அக்கா மகனை வைத்து நிலவுக்கு என்னடி என்மேல் கோபம் என்கின்ற திரைப்படத்தை இயக்கிய தயாரித்திருக்கிறார். இந்த திரைப்படம் முதலில் பிப்ரவரி மாதம் 7ம் தேதி வெளியாக இருந்த நிலையில் தற்போது பிப்ரவரி 21ஆம் தேதிக்கு தள்ளி வைக்கப்பட்டுள்ளது.

அடுத்ததாக இட்லி கடை என்கின்ற திரைப்படத்தை இயக்கி நடித்து வருகின்றார். இந்த திரைப்படம் ஏப்ரல் 10ம் தேதி தமிழ் புத்தாண்டு முன்னிட்டு வெளியாக இருக்கின்றது. இப்படி அடுத்தடுத்து இரண்டு திரைப்படங்களை இயக்கியிருக்கும் தனுஷ் மற்ற இயக்குனர்களின் படங்களிலும் தொடர்ந்து கவனம் செலுத்தி வருகின்றார்.

அந்த வகையில் தற்போது தெலுங்கு இயக்குனர் சேகர் கமுலா இயக்கத்தில் குபேரா என்ற திரைப்படத்தில் நடித்து முடித்து இருக்கின்றார். இந்த திரைப்படம் ஜூன் மாதம் வெளியாக இருப்பதாக தகவல் வெளியாகி வருகின்றது. இந்த படத்தை தொடர்ந்து அமரன் திரைப்படத்தின் இயக்குனர் ராஜ்குமார் பெரியசாமி இயக்கத்தில் தனுஷ் 55 திரைப்படத்தில் நடிக்க இருப்பதாக கூறப்படுகின்றது.

இப்படத்தின் பூஜை சமீபத்தில் நடைபெற்றது. இதற்கிடையில் நடிகர் தனுஷ் இட்லி கடை படத்தை முடித்துவிட்டு ஹிந்தியில் ஒரு திரைப்படத்தில் நடிக்க இருப்பதாக கூறப்பட்டுள்ளது. பின்னர் தெலுங்கு இயக்குனர் திரைப்படத்திலும் நடிக்கப் போகிறார் என்று தகவல் வெளியாகி வந்தது. ஆக மொத்தம் நடிகர் தனுஷ் அடுத்ததாக அதாவது இட்லி கடை திரைப்படத்தை முடித்த கையோடு எந்த திரைப்படத்தில் தான் நடிக்கப் போகின்றார் என்கின்ற குழப்பம் ரசிகர்களிடையே நீடித்து வருகின்றது.

இதற்கிடையில் நடிகர் தனுஷ் வெங்கி அட்லூரி இயக்கத்தில் ஒரு புதிய திரைப்படத்தில் நடிக்க இருப்பதாக பேச்சு அடிபட்டு வந்த நிலையில் தற்போது இப்படத்திற்கு விஜயகாந்த் படத்தின் டைட்டில் வைக்கப்பட்டிருப்பதாக கூறப்படுகின்றது. அதாவது விஜயகாந்த் கௌதமி ஆகியோ நடிப்பில் வெளிவந்த ஹானஸ்ட் ராஜ் திரைப்படத்தின் பெயரை இந்த திரைப்படத்திற்கு வைப்பதற்கு முடிவு செய்திருப்பதாக கூறப்படுகின்றது.

ஏற்கனவே இவர்கள் கூட்டணியில் வெளியான வாத்தி திரைப்படம் நல்ல வரவேற்பை பெற்றிருந்தது. விரைவில் இப்படம் தொடர்பான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகின்றது, ஏற்கனவே தனுஷ் லைன் அப்பில் ஏகப்பட்ட திரைப்படங்கள் இருக்கும் நிலையில் தற்போது இந்த திரைப்படமும் இணைந்து இருக்கின்றது குறிப்பிடத்தக்கது.