போனியே ஆகாத படத்துக்கு இவ்ளோ பில்டப்பா? கூலியை ஓரங்கட்டிய ஜனநாயகன்

கடந்த இரண்டு தினங்களாக கூலி திரைப்படத்தை பற்றி பல்வேறு செய்திகள் உலா வந்து கொண்டிருக்கின்றன. ஆனால் அதெல்லாம் உண்மை அல்ல என்று வலைப்பேச்சில் இன்று கூறி இருக்கிறார்கள். லோகேஷ் கனகராஜ் இயக்கத்தில் ரஜினி, அமீர்கான், நாகர்ஜுனா, சத்யராஜ் என பல நட்சத்திர பட்டாளங்கள் நடித்திருக்கும் திரைப்படம் தான் கூலி. வரும் ஆகஸ்ட் 14ஆம் தேதி இந்த படம் வெளியாக இருக்கின்றது. அதற்கான புரமோஷன் வேலைகள் போஸ்ட் ப்ரோடுக்ஷன் பணிகள் எல்லாம் தீவிரமாக நடைபெற்றுக் கொண்டு வருகின்றன.

இன்னொரு பக்கம் நாகர்ஜூனா குபேரா படத்தின் ப்ரோமோஷனில் கூலி படத்தை பற்றி பேசிக் கொண்டிருக்கிறார். அசால்டாக கூலி படத்தில் நான் என்ன கேரக்டரில் நடிக்கிறேன். எத்தனை காட்சிகளில் வருகிறேன் என்றெல்லாம் பல தகவல்களை பகிர்ந்திருக்கிறார். இந்த படத்தில் நாகர்ஜுனா வில்லன் கதாபாத்திரத்தில் நடித்திருக்கிறார் .அது மட்டுமல்ல கூலி திரைப்படத்தின் தெலுங்கு உரிமையை நாகர்ஜூனா மற்றும் சித்தாரா என்டர்டைன்மென்ட் நிறுவனம் இரண்டு பேரும் சேர்ந்து தான் வாங்கி இருக்கிறார்களாம் .சுமார் 43 கோடி விலைக்கு கூலி திரைப்படத்தின் தெலுங்கு உரிமையை நாகர்ஜுனா கைப்பற்றி இருப்பதாக தெரிகிறது.

இந்த நிலையில் கூலி திரைப்படத்தின் ஓவர்சீஸ் உரிமை பற்றிய செய்தி இரண்டு தினங்களாக வைரலாகி வருகின்றன. ஒரு சில பேர் 73 கோடிக்கும் இன்னும் சில பேர் 80 அல்லது 81 கோடிக்கும் விற்றிருப்பதாக செய்திகளில் பதிவிட்டு வந்தனர். ஆனால் உண்மையிலேயே கூலி திரைப்படத்தின் ஓவர்சீஸ் உரிமையை கைப்பற்றும் முயற்சியில் இரண்டு நிறுவனங்கள் போட்டி போட்டுக் கொண்டிருப்பதாக தெரிகிறது. ஃபார்ஸ் நிறுவனமும் ஐங்கரன் நிறுவனமும் அதற்காக போட்டி போட்டுக் கொண்டிருப்பதாக தெரிகிறது. இதில் ஃபார்ஸ் நிறுவனம் 71 கோடிக்கும் ஐங்கரன் நிறுவனம் 73 கோடிக்கும் விலை பேசி இருப்பதாக தெரிகிறது.

கூலி திரைப்படத்தை பொருத்தவரைக்கும் ஆகஸ்ட் 14ஆம் தேதி வெளியாக இருப்பதால் அதே தேதியில் வார் 2 திரைப்படமும் ரிலீஸ் ஆக இருக்கின்றது. கிருத்திக் ரோஷன் மற்றும் ஜூனியர் என்டிஆர் நடிப்பில் வெளியாக உள்ள திரைப்படம் தான் வார் 2. ஓவர்சீஸை பொறுத்தவரைக்கும் எப்பொழுதுமே ஹிந்தி தான் நம்பர் ஒன் இடத்தில் இருக்கும். அந்தப் படம் வருவதனால் கூலிக்கு பெரிய அளவு விலை கிடைக்கவில்லை என தற்போதைய தகவல் தெரிவிக்கின்றன. ஆனால் இது எல்லாமே தெரியாமல் ரசிகர்கள் ஒரு ஆர்வக்கோளாறில் அவரவர் மனதிற்கு தோன்றிய தொகையை போட்டு பத்திரிகைகளில் வைரல் ஆக்கி வருகின்றனர்.

இன்னொரு பக்கம் ஜனநாயகனை விட கூலி திரைப்படம் பெரிய பிசினஸ் ஆகிவிட்டன என்பதை காட்டுவதற்காகவே இப்படி ஒரு செய்திகளை பரப்பி வருகின்றனர். ஆனால் உண்மையில் ஜனநாயகன் படம் ஓவர்சீஸ் பிசினஸில் மிகப்பெரிய பெஞ்ச் மார்க்கை கிரியேட் செய்திருப்பதாக தெரிகிறது. 80 கோடி ரூபாய்க்கு இந்த படத்தை பார்ஸ் ஃபிலிம்ஸ் நிறுவனம்தான் ஓவர்சீஸ் கைப்பற்றி இருப்பதாக தெரிகிறது .

இதில் இன்னொரு விஷயம் என்னவெனில் பார்ஸ் பிலிம்ஸ் நிறுவனத்திடம் இருந்து மலேசியா நிறுவனம் அதனுடைய மலேசியா தியேட்டரிக்கல் உரிமையை 12 கோடிக்கு வாங்கி இருப்பதாகவும் சொல்லப்படுகிறது. இதுவரை மலேசியாவில் இவ்வளவு விலை கொடுத்து எந்த ஒரு தமிழ் படத்தையும் வாங்கவில்லை என்பது குறிப்பிடத்தக்கது. முதன்முறையாக ஜனநாயகன் திரைப்படம் தான் மலேசியாவில் இவ்வளவு தொகை கொடுத்து வாங்கியதாக சொல்லப்படுகிறது.