வேற லெவல்!.. எஸ்கே-வை கவுரவித்த ஆர்மி ஆபிஸர்ஸ்!.. அமரனாக கிடைத்த அங்கீகாரம்!..

அமரன் திரைப்படத்தில் சிறப்பாக நடித்த சிவகார்த்திகேயனை ஆர்மி பயிற்சி அகாடமி கவுரவித்திருக்கின்றது.

சிவகார்த்திகேயன் மற்றும் சாய் பல்லவி நடிப்பில் உருவாகி இருந்த திரைப்படம் அமரன். கடந்த அக்டோபர் 31ஆம் தேதி தீபாவளி பண்டிகைக்கு வெளியான இந்த திரைப்படம் மிகப்பெரிய வரவேற்பை பெற்றது. நம் நாட்டிற்காக வீர மரணம் அடைந்த ராணுவ வீரர் மேஜர் முகுந்த் வரதராஜன் அவர்களின் வாழ்க்கையை மையமாக வைத்து இந்த திரைப்படத்தை இயக்கியிருந்தார் ராஜ்குமார் பெரியசாமி.

இதையும் படிங்க: மீண்டும் சிக்குவாரா ரோகிணி… கோபிக்கு நேர்ந்த ஆபத்து… குழலி பிரச்னைக்கு இறங்கும் பாண்டியன்

மேலும் கமலஹாசன் அவர்களின் ராஜ்கமல் பிலிம்ஸ் இன்டர்நேஷனல் நிறுவனம் இந்த திரைப்படத்தை தயாரித்திருந்தது. மிகுந்த எதிர்பார்ப்புக்கு மத்தியில் வெளியான இந்த திரைப்படம் பிளாக்பஸ்டர் ஹிட் கொடுத்துள்ளது. படம் வெளியான 3 நாட்களிலேயே உலகம் முழுவதும் 100 கோடிக்கு மேல் வசூல் செய்து சாதனை படைத்த நிலையில் தற்போது வசூல் 350 கோடியை நெருங்கி வருகின்றது.

படம் வெளியாகிய 30 நாட்களாக உள்ள நிலையில் இன்னும் ஓடிடி-யில் ரிலீஸ் ஆகாமல் திரையரங்குகளில் ஓடிக்கொண்டிருக்கின்றது. கடந்த 2014 ஆம் ஆண்டு காஷ்மீரில் உள்ள சோபியான் மாவட்டத்தில் பொதுமக்களை தீவிரவாதிகளிடம் இருந்து காப்பாற்றுவதற்கான போராட்டத்தில் தனது இன்னுயிரை தியாகம் செய்தார் மேஜர் முகுந்த் வரதராஜன்.

sk

பின்னர் அவரது உடல் சென்னைக்கு கொண்டுவரப்பட்டு ராணுவ மரியாதையுடன் நல்லடக்கம் செய்யப்பட்டது. இவரது வாழ்க்கையை மையமாக வைத்து எடுக்கப்பட்ட இந்த திரைப்படத்திற்கு தமிழகத்தில் மிகப்பெரிய வரவேற்பு கிடைத்தது. அதிலும் சிவகார்த்திகேயன் தனக்கு கொடுத்த கதாபாத்திரத்தை மிகவும் சிறப்பாக செய்திருந்தார். படம் வெளியானது தொடங்கி சிவகார்த்திகேயனுக்கு தொடர்ந்து பாராட்டுக்கள் குவிந்து வருகின்றன.

தமிழ் சினிமாவிலும் புகழின் உச்சிக்கு சென்ற விட்டார் என்று தான் கூற வேண்டும். அதுமட்டுமில்லாமல் இந்த திரைப்படத்தில் நடிப்பதற்காக ஆர்மி பயிற்சி அகாடமியில் சிவகார்த்திகேயன் பயிற்சி பெற்றதாகவும், துப்பாக்கி சுடுவதற்கும், துப்பாக்கியை எப்படி பிடிக்க வேண்டும் என்பதற்கும் சரியான பயிற்சி பெற்ற பிறகு தான் படத்தில் நடித்திருந்ததாக அவரே பேட்டியில் கூறியிருந்தார்.

இதையும் படிங்க: எதிர்நீச்சல் நடிகர் பேத்தியின் திருமணம்!. அடேங்கப்பா இம்புட்டா!. உடம்பு முழுக்க தங்கம்தான்!

மேலும் இந்த படத்தின் கதையை மத்திய உள்துறை அமைச்சகத்திடம் சமர்ப்பித்து அனுமதி வாங்கி தான் திரையரங்குகளில் வெளியிட்டு இருந்தார்கள். இந்நிலையில் ஆர்மி பயிற்சி அகாடமியை சேர்ந்த ஆபிஸர்கள் அமரன் திரைப்படத்தில் மேஜர் முகுந்து வரதராஜன் கதாபாத்திரத்தில் மிகச் சிறப்பாக நடித்த சிவகார்த்திகேயனை கௌரவித்திருக்கிறார்கள். இந்த புகைப்படத்தை ராஜ்கமல் பிலிம்ஸ் இன்டர்நேஷனல் நிறுவனம் தனது சமூக வலைதள பக்கத்தில் பகிர்ந்து சிவகார்த்திகேயனை பாராட்டி இருக்கிறார்கள். இந்த புகைப்படங்கள் இணையத்தில் வைரலாகி வருகின்றது.