விடுதலை 2 விழாவில் மேடையிலேயே கோபப்பட்ட வெற்றிமாறன்!. இப்படி டென்ஷன் பண்ணிட்டீங்களே!..

Viduthalai2: ஒளிப்பதிவாளர் மற்றும் இயக்குனர் பாலுமகேந்திராவின் சீடர்களில் ஒருவர் வெற்றிமாறன். பொல்லாதவன் திரைப்படம் மூலம் தமிழ் சினிமாவில் இயக்குனராக மாறினார். தனுஷ் நடித்திருந்த இந்த திரைப்படம் ரசிகர்களிடம் வரவேற்பை பெற்றதோடு இயக்குனர்களின் பாராட்டையும் பெற்றது.

அதன்பின் மீண்டும் தனுஷை வைத்து ஆடுகளம் என்கிற படத்தை இயக்கினார். அந்த படம் தனுஷுக்கும், வெற்றிமாறனுக்கும் தேசிய விருதை பெற்று தந்தது. அதேபோல், அடுத்து இயக்கிய விசாரணை படமும் தேசிய விருதுகளை வாங்கியது. அதன்பின் தனுஷை வைத்து வட சென்னை எடுத்தார்.

இதையும் படிங்க: எலான் மஸ்க் என் கணக்கை முடக்கினால் அதுவே என் முதல் வெற்றி… SK. அப்படி என்ன சொல்லிட்டாரு?

இப்போது வரை இப்படம் பேசப்பட்டு வருகிறது. அதோடு, இந்த படத்தின் இரண்டாம் பாகம் எப்போது வரும் என ரசிகர்கள் தொடர்ந்து கேட்டு வருகிறார்கள். அதன்பின் மீண்டும் தனுஷுடன் இணைந்து அசுரன் படத்தை இயக்கினார். இந்த படமும் தேசிய விருதை பெற்றது.

அதன்பின் காமெடி நடிகர் சூரியை கதையின் நாயகனாக மாற்றி விடுதலை படத்தை இயக்கினார். இந்த படத்தில் விஜய் சேதுபதியும் முக்கிய வேடத்தில் நடித்திருந்தார். தற்போது இப்படத்தின் இரண்டாம் பாகம் உருவாகியுள்ளது. கடந்த 2 வருடங்களாகவே இப்படத்தின் படப்பிடிப்பை நடத்தி வந்தார் வெற்றிமாறன்.

ஒருவழியாக தற்போது படம் முடிவடைந்திருக்கிறது. டிசம்பர் 20ம் தேதி இப்படம் வெளியாகவுள்ளது. இப்படத்திற்கு இசைஞானி இளையராஜா இசையமைத்துள்ளார். இப்படத்தில் இடம் பெற்ற ஒரு பாடலும் சமீபத்தில் வெளியாகி வரவேற்பை பெற்றது. இந்நிலையில், இந்த படத்தின் இசை மற்றும் டிரெய்லர் வெளியீட்டு விழா நேற்று நடைபெற்றது.

இந்த விழாவில் வெற்றிமாறன் பேசிக்கொண்டிருந்த போது ‘இந்த படத்தில் பணிபுரிந்த என் உதவி இயக்குனர்கள், புரடெக்‌ஷன் டீம் என எல்லோருக்கும் நன்றி’ என சொன்னார். அப்போது, உதவி இயக்குனர்களின் பேரை சொல்லுங்கள் என அவரின் உதவியாளர்கள் சொல்ல ‘ஏன்டா டீம்னு சொன்னா எல்லாரும்தானடா.. என கேட்டார் வெற்றிமாறன். ஆனாலும், அவர்கள் ஏதோ சொல்ல சட்டென கோபமடைந்த அவர் ‘நன்றி’ என சொல்லிவிட்டு போய் தனது இருக்கையில் அமர்ந்துவிட்டு விஜய் சேதுபதியிடம் தனது ஆதங்கத்தை சொல்லி கொண்டிருந்தார்’.

இதையும் படிங்க: ராம் சரண் படத்தை ஆட்டைய போடும் அட்லி!.. திருந்தவே மாட்டார் போல!..