Biggboss Tamil: சீரியல் பிரபலங்களால் ரவுண்ட் கட்டப்படும் முத்துக்குமரன்… பைனலுக்கு அனுப்பிடுவீங்க போலயே!

Biggboss Tamil: பிக் பாஸ் தமிழ் எட்டாவது சீசன் முதல் ஓபன் நாமினேஷன் இன்று நடந்திருக்கும் நிலையில், அதன் முதல் ப்ரோமோ வெளியாகி ரசிகர்களிடம் அதிர்ச்சியை ஏற்படுத்தியிருக்கிறது.

விஜய் சேதுபதி தொகுத்து வழங்கி வரும் எட்டாவது சீசன் பிக் பாஸ் தமிழ் பெரிய அளவில் பரபரப்பை ஏற்படுத்தவில்லை. அதற்கு மாறாக சீரியல் பிரபலங்கள் உள்ளே வந்து பிக் பாஸ் நிகழ்ச்சிக்கு பெரிய அளவில் அதிருப்தியை ஏற்படுத்தியிருக்கின்றனர்.

இதுவரை பிக் பாஸ் தமிழில் பெரிய அளவில் கன்டென்ட் கிடைக்கவில்லை. இதைத்தொடர்ந்து நேற்று ஆறு புதிய போட்டியாளர்கள் வைல்ட் கார்ட் எண்ட்ரியாக உள்ளே வந்துள்ளனர். இவர்கள் வரவால் நிகழ்ச்சியில் பெரிய அளவில் மாற்றங்கள் இருக்கும் என எதிர்பார்க்கப்படுகிறது.

இந்த நிலையில் முதல்முறையாக இன்று ஓபன் நாமினேஷன் நடந்திருக்கிறது. இதில் ஜாக்குலின், விஷால், ரஞ்சித், தீபக், அருண், முத்து, சாச்சனா, பவித்ரா, ஆனந்தி, அன்ஷிதா, சுனிதா உள்ளிட்டோர் நாமினேஷனுக்குள் வந்துள்ளனர். இது குறித்த முதல் புரோமோ இன்று காலை வெளியானது.

இந்த வீடியோவில் சிவக்குமார் நடிகை பவித்ராவிற்கு அவர் விளையாட்டில் செய்யும் தவறுகள் குறித்து அறிவுரை சொல்லிக் கொண்டிருக்கிறார். அது மட்டும் அல்லாமல் நடிகை தர்ஷிகா முத்துக்குமரன் முகத்திரையை கிழிப்பதாக சக போட்டியாளரிடம் பேசிக் கொண்டிருக்கிறார்.

அது மட்டுமில்லாமல் 24 மணி நேர லைவில் நேற்று வார இறுதி எபிசோட்டில் விஜய் சேதுபதியிடம் திட்டு வாங்கிய முத்துகுமரன் தலையில் தட்டி வைத்தாச்சு. அவர் இனி அவ்வளவு தான் என விஷாலிடம் அருண் பிரசாத் பேசி இருக்கிறார். தொகுப்பாளராக பெரிய அளவில் பிரபலம் இல்லாமல் உள்ளே வந்தவர் முத்துக்குமரன்.

கடந்த சில வாரங்களாக அவருக்கு தொடர்ச்சியாக வரவேற்பு குவிந்து வரும் நிலையில் இதை பொறுத்துக் கொள்ள முடியாத சீரியல் நடிகர்கள் அவரை கட்டம் கட்டுவதாக தற்போது பேச்சுக்கள் அடிபட தொடங்கி இருக்கிறது. இப்படி சக போட்டியாளர்கள் ஒருவரை டார்கெட் செய்தால் அவர்கள் கண்டிப்பாக பைனல் வரை செல்ல வாய்ப்பு உண்டு.

அந்தவகையில், முத்துக்குமரனுக்கு இதனால் வரவேற்பு பிக் பாஸ் நிகழ்ச்சியில் கூடும் என தான் எதிர்பார்க்கப்படுகிறது. கண்டிப்பாக அவர் பைனல் வரை முன்னேறவும் வாய்ப்பு இருப்பதாக பேசி வருகின்றனர். வைல்ட் கார்ட் எண்ட்ரி மேலும் சர்ச்சையில் கிளப்புமா என்பதை பொறுத்திருந்துதான் பார்க்க வேண்டும்.