வேட்டையனுக்கு பயந்து அமரன் கிட்ட மாட்டிகிட்டீங்களே பங்கு?!… கேப்பே விடாமல் அடிக்கும் பிரபலம்!…

வேட்டையன் திரைப்படத்துடன் மோதுவதற்கு பயந்து கொண்டு அமரன் திரைப்படத்திடம் மாட்டிக் கொண்டது கங்குவா என ப்ளூ சட்டை மாறன் கலாய்த்து இருக்கின்றனர்.

சூர்யா நடிப்பில் சிறுத்தை சிவா இயக்கத்தில் கடந்த நவம்பர் 14 திரையரங்குகளில் வெளியான திரைப்படம் கங்குவா. மிகப்பெரிய பொருட்செலவில் எடுக்கப்பட்டிருந்த இந்த திரைப்படத்திற்கு தொடர்ந்து நெகட்டிவ் விமர்சனங்கள் வந்து கொண்டே இருக்கின்றது. கடந்த இரண்டரை வருடங்களாக சிறுத்தை சிவா நடிகர் சூர்யாவை வைத்து இந்த திரைப்படத்தை பார்த்து பார்த்து எடுத்ததாக தெரிவித்தார்கள்.

இதையும் படிங்க: சூர்யாவுக்கு சப்போர்ட் செய்றேனு இப்டி மாட்டிக்கிட்டீங்களே ஜோதிகா… தேவையா இந்த வாய் பேச்சு?

மேலும் ஸ்டுடியோ கிரீன் நிறுவனம் சார்பாக ஞானவேல் ராஜா இந்த திரைப்படத்தை தயாரித்திருந்தார். சூர்யா நடிப்பில் மிகப்பெரிய எதிர்பார்ப்பை ஏற்படுத்தியிருந்த திரைப்படம் கங்குவா. நிச்சயம் இப்படம் பிளாக்பஸ்டர் ஹிட்டாக இருக்கும் என்று ரசிகர்கள் மிகுந்த நம்பிக்கையில் இருந்தார்கள்.

அதற்கு காரணம் கடந்த ஒரு மாதமாக படக்குழுவினர் கொடுத்த பில்டப் தான். மேடைக்கு மேடை ஆஹா ஓஹோ என்று படக்குழுவினர் பேசிய பேச்சைக் கேட்டு ரசிகர்கள் மிகுந்த நம்பிக்கையில் இருந்தார்கள். ஆனால் படம் பார்த்துவிட்டு பலரும் நொந்து விட்டார்கள். சோசியல் மீடியாக்களில் தொடர்ந்து கங்குவா குறித்த ட்ரோல் வீடியோக்கள் வைரலாகி வருகின்றது.

சூர்யாவின் எந்த ஒரு திரைப்படத்திற்கும் இப்படி ஒரு விமர்சனம் வந்ததே இல்லை என்ற அளவிற்கு தொடர்ந்து நெகடிவ் கருத்துக்கள் கங்குவா படத்திற்கு அதிகரித்து வருகின்றது. இதனால் படத்தின் வசூலிலும் மிகப்பெரிய சறுக்கல் ஏற்பட்டுள்ளது. அதிலும் ப்ளூ சட்டை மாறன் படம் ரிலீஸ் ஆனதிலிருந்து படம் குறித்து தாறுமாறாக விமர்சனத்தை எழுதி வருகின்றார்.

ரசிகர்கள் சினிமா விமர்சகர்கள் கூறும் கருத்துக்களையும் தனது twitter பக்கத்தில் பகிர்ந்து கங்குவா படத்தை பங்கம் செய்து வருகின்றார். அந்த வகையில் தற்போது அவர் வெளியிட்டுள்ள பதிவில் தெரிவித்திருந்ததாவது நடிகர் ரஜினிகாந்தின் வேட்டையன் படத்திற்கு பயந்து கொண்டு இப்படி அமரனிடம் வந்து மாட்டிக் கொண்டீர்களே கங்குவா என்று பகிர்ந்து இருக்கின்றார். முதலில் கங்குவா திரைப்படம் அக்டோபர் 10ஆம் தேதி ரிலீஸ் ஆவதாக கூறப்பட்டிருந்தது.

இதையும் படிங்க: கங்குவா படம் பார்த்தவர்களுக்கு நிவாரண தொகை… இத யாருமே கவனிக்காம விட்டீங்களே!…

ஆனால் அந்த சமயம் ரஜினிகாந்தின் வேட்டையன் திரைப்படம் வெளியாக இருப்பதாக தகவல் கிடைத்ததும் படத்தின் ரிலீஸ் செய்தியை கங்குவா படக்குழுவினர் மாற்றி விட்டார்கள். அதன்படி கடந்த நவம்பர் 14ஆம் தேதி திரையரங்குகளில் கங்குவா ரிலீஸ் ஆனது. அக்டோபர் 31ஆம் தேதி தீபாவளி பண்டிகைக்கு அமரன் படம் ரிலீஸாகி இருந்தது.

கடந்த 3 வாரங்களாக திரையரங்குகளில் வெற்றிகரமாக அமரன் திரைப்படம் ஓடிக் கொண்டிருக்கின்றது. அமரன் திரைப்படத்திற்கு தான் தற்போது வரை வரவேற்பு இருக்கின்றது. இதை காரணமாக வைத்து ப்ளூ சட்டை மாறன் இப்படி ஒரு பதிவை வெளியிட்டு இருக்கின்றார்.