4 நாளில் மொத்த ஆட்டம் குளோஸ்!.. ஊத்தி மூடிய குபேரன் வசூல்!..

Kubera Collection: கமர்ஷியல் மசாலா படங்களில் நடித்தாலும் நல்ல கதையம்சம் கொண்ட, நடிப்புக்கு தீனி போடும் கதாபாத்திரங்களில் அவ்வப்போது நடிப்பது தனுஷின் வழக்கம். ஆனால், அந்த படங்களெல்லாம் வசூலை வாரிக் குவிக்காது. இதில் ஆடுகளம், அசுரன் ஆகிய படங்கள் மட்டுமே விதிவிலக்கு. இந்த 2 படங்களுக்காக தேசிய விருதும் வாங்கினார் தனுஷ்.

மேலும், தமிழ் மொழி மட்டுமில்லாமல் தெலுங்கு, ஹிந்தி மொழிகளிலும் நடித்து வருகிறார். சில ஆங்கில படங்களிலும் நடித்திருக்கிறார். அந்தவகையில் தெலுங்கு பட இயக்குனர் சேகர் கம்முலா இயக்கத்தில் தனுஷ் நடித்து வெளிவந்திருக்கும் திரைப்படம்தான் குபேரன்.

இந்த படத்தில் நாகார்ஜுனா, ராஷ்மிகா மந்தனா போன்றவர்களும் முக்கிய வேடங்களில் நடித்திருக்கிறார்கள். இதில் ஆச்சர்யம் என்னவெனில் இந்த படத்தில் தனுஷுக்கு ஜோடி யாரும் இல்லை. ஏனெனில், இப்படத்தில் தனுஷ் பிச்சைக்காரராக நடித்திருக்கிறார். மும்பையில் ஒரு கார்ப்பரேட் முதலாளி தனது கருப்பு பணத்தை வெள்ளைப்பணமாக மாற்ற ஒரு திட்டம் போடுகிறார். அதில், தனுஷ் சிக்க, என்னவானது என்பதுதான் படத்தின் கதை.

இந்த படம் தெலுங்கு, தமிழ், ஹிந்தி என 3 மொழிகளில் வெளியானது. தனுஷின் நடிப்பு நன்றாக இருந்தாலும் தமிழ் சினிமா ரசிகர்களுக்கு படத்தின் கதை, திரைக்கதை முழு திருப்தியை கொடுக்கவில்லை. படம் 3 மணி நேரத்திற்கு மேலே ஓடுகிறது. அதோடு, இரண்டாம் பாதி திரைக்கதையில் எந்த சுவாரஸ்யமும் இல்லை. எனவே, ஒருகட்டத்தில் படம் போரடித்துவிடுவதாக ரசிகர்கள் சொல்லி வருகிறார்கள். ஆனால், தெலுங்கு மொழி ரசிகர்களுக்கு இப்படம் பிடித்திருக்கிறார். எனவே, ஆந்திராவில் இப்படம் ஓரளவுக்கு வசூலை பெற்றது.

ஆனால், அது கூட 4 நாட்களுக்கு மட்டுமே. கடந்த 20ம் தேதி படம் வெளியான நிலையில் இப்படம் இதுவரை 55.10 கோடியை மட்டுமே வசூல் செய்திருக்கிறது. முதல் நாள் 14.75 கோடி, 2ம் நாள் 16.5 கோடி, 3ம் நாள் 17.35 கோடி என வசூல் இருந்தநிலையில், 4ம் நாளான நேற்று 6.50 கோடியாக குறைந்துவிட்டது. இந்த வார இறுதிக்குள் இப்படத்தின் வசூல் மொத்தமாக முடிந்துவிடும் என்றே கணிக்கப்படுகிறது.