நடிகர் ராஜேஷ் காலமானார்!.. திரையுலகினர் இரங்கல்!…

Actor Rajesh: 1979ம் வருடம் வெளியான கன்னிப்பருவத்திலே படம் மூலம் சினிமாவில் நடிக்க துவங்கியவர் ராஜேஷ். அதன்பின் பல படங்களிலும் நடித்தாலும் அச்சமில்லை அச்சமில்லை, அந்த ஏழு நாட்கள் போன்ற படம் அவரை ரசிகர்களிடம் பிரபலப்படுத்தியது. 1949ம் வருடம் மன்னார் குடியில் பிறந்தவர் ராஜேஷ். பாலச்சந்தர் இயக்கிய அவள் ஒரு தொடர்கதை படத்தில் ஒரு சின்ன வேடத்தில் நடித்து சினிமாவில் அறிமுகமானவர்.

பல படங்களில் ஹீரோவாக நடித்திருக்கிறார். ஒரு கட்டத்தில் வில்லன் நடிகராக மாறினார். அதன்பின் குணச்சித்திர நடிகராக மாறினார். 15க்கும் மேற்பட்ட தொலைக்காட்சி தொடர்களில் நடித்திருக்கிறார். ஜோதிடம், மருத்துவவம் பற்றி நிறைய விஷயங்களை தெரிந்து வைத்திருந்தவர் இவர். கடந்த ௪௫ வருடங்களில் சுமார் 150க்கும் மேற்பட்ட படங்களில் நடித்திருக்கிறார்.

இலக்கியத்தில் அதிக ஆர்வம் கொண்டவர். நிறைய புத்தகங்களை படித்த அறிவாளி என இவரை திரையுலகினர் சொல்வார்கள். நடிகர் சிவாஜியின் வெறிப்பிடித்த ரசிகர் இவர். 9 புத்தகங்களையும் எழுதியிருக்கிறார்.

பல ஊடகங்களிலும் ஆரோக்கியம் தொடர்பான விஷயங்களை மருத்துவர்களிடம் பேசி வந்தவர். கடந்த வருடம் வெளியான மேரி கிறிஸ்துமஸ் என்கிற படத்தில் கடைசியாக நடித்திருந்தார். சினிமாவில் 4 தலைமுறைகளை பார்த்தவர் இவர். சினிமாவில் நடிப்பதற்கு முன்பு சென்னையில் ஒரு பள்ளியில் ஆசியராகவும் பணியாற்றியிருக்கிறார்.

இவரின் வயது 75. திடீரென ஏற்பட்ட மூச்சுத்திணறல் காரணமாக அவர் மருத்துவமனைக்கு கொண்டு செல்லப்பட்டார். ஆனால், செல்லும் வழியிலேயே அவர் உயிர் இறந்துவிட்டதாக சொல்லப்படுகிறது. இவரின் மரணத்திற்கு ரசிகர்களும், சினிமா உலகினரும் இரங்கல் தெரிவித்து வருகின்றனர்.