ஹாலிவுட் ரேஞ்சுல அதிருதே!.. AA26 பட ஹீரோயின் இவர்தான்!.. தெறி வீடியோ!…

AA26 : ராஜா ராணி படம் மூலம் தமிழ் சினிமாவில் இயக்குனராக அறிமுகமானவர் அட்லி. இயக்குனர் ஷங்கரிடம் சினிமா கற்றவர் என்பதால் அவரைப்போலவே அதிக பட்ஜெட்டுகளில் படமெடுப்பவர். விஜயை வைத்து தெறி, மெர்சல், பீஸ்ட் படங்களை எடுத்தவர். விஜயை வைத்து 3 படங்களை இயக்கியதால் பெரிய இயக்குனராக பார்க்கப்பட்டார்.

எனவே, பாலிவுட் நடிகர் ஷாருக்கான அவரை அழைத்து அவரின் இயக்கத்தில் ஒரு படத்தில் நடித்தார். அப்படி உருவான ஜவான் படம் சூப்பர் ஹிட் அடித்தது. உலகம் முழுவதும் இப்படம் 1300 கோடி வசூலை பெற்றது. எனவே, அட்லியின் இயக்கத்தில் நடிக்க சல்மான்கான் போன்ற பாலிவுட் நடிகர்களே ஆசைப்பட்டார்கள்.

ஜவானுக்கு பின் அட்லி யாரை வைத்து படமெடுக்கப்போகிறார் என்கிற எதிர்பார்ப்பு எழுந்தது. அப்போதுதான் சன் பிக்சர்ஸ் தயாரிப்பில் அட்லி இயக்க புஷ்பா பட ஹீரோ அல்லு அர்ஜூன் நடிக்க ஒரு புதிய படம் உருவாவதாக அதிகாரப்பூர்வமாக அறிவிக்கப்பட்டது. அறிவிப்பை ஒரு அசத்தலான வீடியோவாக வெளியிட்டார்கள்.

இந்த படத்திற்காக அமெரிக்கா சென்று ஹாலிவுட் கலைஞர்களிடம் அட்லியும், அல்லு அர்ஜூனும் உரையாடுவது போன்ற காட்சிகள் அதில் இடம் பெற்றிருந்தது. இந்த படத்தின் கதையையே ஹாலிவுட் கதாசிரியர்களுடன் இணைந்து உருவாக்கியிருக்கிறார் அட்லி. எனவே, ஹாலிவுட் ரேஞ்சுக்கு படம் அசத்தலாக வரும் என்றே கணிக்கப்படுகிறது.

இந்நிலையில், இந்த படத்தில் பாலிவுட் நடிகை தீபிகா படுகோனே நடிப்பது உறுதியாகியுள்ளது. அவரிடம் அட்லி காட்சிகளை விளக்கும் வீடியோவை சன் பிக்சர்ஸ் நிறுவனம் வெளியிட்டிருக்கிறது. இதைப்பார்க்கும் போது அட்லி ஏதோ பெரிய சம்பவம் செய்யப்போகிறார் என்பது புரிகிறது. இந்த படத்தில் தீபிகா மட்டுமில்லாமல் மேலும் சில நடிகைகளும் நடிக்கவுள்ளனர். அவர்கள் யார் என்பது பற்றியும் ஒவ்வொரு அறிவிப்பாக வெளியாகும் என எதிர்பார்க்கப்படுகிறது.