ஓல்ட் கிரின்ச்.. செம காமெடி!.. ஆக்ரோஷமாக பேசிய தனுஷை கலாய்த்த புளூசட்ட மாறன்!..

Dhanush Kubera: சினிமா உலகில் எப்போதும் சர்ச்சைகளுக்கு பெயர் போனவர் தனுஷ். இவரை சுற்றி எப்போதும் பரபரப்பான செய்திகள் இருக்கும். இளம் நடிகர், நடிகைகள் தங்களின் திருமண வாழ்வை முறித்துக்கொண்டால் தனுஷின் பெயர் அடிபடும். சிவகார்த்திகேயன் ஒரு மேடையில் ‘நான்தான் இவனை தூக்கிவிட்டேன் என என்னை சிலர் சொல்லிக்கொண்டே இருக்கிறார்கள்’ என பேசியது தனுஷை மனதில் வைத்துதான் என சொல்லப்பட்டது.

ஒருபக்கம் நடிகை நயன்தாரா தனுஷை மிகவும் கடுமையாக விமர்சித்து அறிக்கை வெளியிட்டார். உங்கள் அப்பா, அண்ணன் இல்லையென்றால் உங்களுக்கு அடையாளமே இல்லை’ என திட்டினார். ஆனால், அப்போது தனுஷ் எந்த ரியாக்‌ஷனும் காட்டவில்லை. ஜிவி பிரகாஷ் விவகாரத்துக்கு போன போதும் தனுஷின் பெயர் அடிபட்டது. பாடகி சுசித்ரா தனுஷ் பற்றி பல பகீர் தகவல்களை சொல்லி இருக்கிறார்.

இதையெல்லாம் சேர்த்துதான் குபேரா பட புரமோஷன் மேடைகளில் தனுஷ் தனது கோபத்தை காட்டி வருகிறார். இது கலி காலம். வெறுப்பு ஓங்கி நிற்கும் காலம். தம்பிங்களா!.. கொஞ்சம் தள்ளி போய் விளையாடுங்க. என்னை காலி பண்ணனும்னு நெனச்சா ஒரு செங்கல்லை கூட ஆட்ட முடியாது. தீப்பந்தம் போல் என் ரசிகர்கள் இருக்கும்வரை நான் மேல போய்க்கிட்டே இருப்பேன்’ என அதிரடியாக பன்ச் பேசியிருக்கிறார். இந்நிலையில், பிரபல சினிமா விமர்சகர் புளூசட்ட மாறன் தனது எக்ஸ் தளத்தில் தனுஷின் பேச்சை நக்கலடித்து பதிவிட்டிருக்கிறார்.

யாரை சொல்றாரு? எதுக்கு சொல்றாருன்னு‌ யாருக்கும் புரியவில்லை. நயன்தாராவை சொல்றதா ஒரு குரூப் சொல்லுது. திடீர் தளபதியை (சிவகார்த்திகேயன்) திட்றாருன்னு இன்னொரு குரூப் சொல்லுது. இந்த நடிகர்களுக்கு வெளிப்படையாக பேசும் தைரியமே இல்லை. பேசாம இருக்கவும் முடியவில்லை. ஒரே தமாசுதான். ஆடியோ, டிரைய்லர் ரிலீஸ் விழாக்களை இப்படி ரசிகர் மன்ற கூட்டமா மாத்துறதே பலருக்கும் வேலையா போச்சி. இது மாதிரி Pre Release பஞ்ச் எல்லாம் படம் வந்ததும் ட்ரோல் பண்ணத்தான் யூஸ் ஆகும்.

படத்தை ஒழுங்கா எடுத்தா ‌அதை மக்களே பாராட்டுவாங்க.. இப்படி பேசுறதெல்லாம் பயங்கர‌ கிரின்ச் ஆகி ரொம்ப நாள் ஆகிவிட்டது என்பது கூட இன்னும் இவங்களுக்கு தெரியலையா?.. இல்லன்னா தெரிஞ்சும் இப்படி பேசி இருக்கும் ரசிகர்களை ரசிக மனோபாவ மாய வலையை விட்டு வெளிய வராம பாத்துக்குறாங்களா?..

படத்தில் பொழுதுபோக்கு இல்லன்னாலும் இந்த மாதிரி ஃப்ரி ரிலீஸ் நிகழ்ச்சிகளில் நடிகர்கள் பேசும் பேச்சுகள் செம காமெடியா இருக்குடாப்பா. தனுஷோட மேடை மேனரிசம், பேசும் ஸ்டைல் எல்லாம் தலீவர் (ரஜினி) பாணியில் இருப்பது மக்களுக்கு ஸ்பெஷல் என்டர்டைன்மென்ட்’ என கலாய்த்திருக்கிறார் மாறன்.