கேப்டன் மில்லரிடம் முதல் நாளில் அடிவாங்கிய அயலான்!.. பொங்கல் விடுமுறைக்குள் திருப்பிக் கொடுப்பாரா?

ஆர் ரவிக்குமார் இயக்கத்தில் சிவகார்த்திகேயன், ரகுல் பிரித் சிங், யோகி பாபு, கருணாகரன், பால சரவணன், ஷரத் கேல்கர், பானுப்பிரியா மற்றும் இஷா கோபிகர் நடிப்பில் ஜனவரி 12-ஆம் தேதி வெளியான ஏலியன் திரைப்படம் அயலான் முதல் நாளில் நல்ல வசூலை ஈட்டி இருந்தாலும் தனுஷின் கேப்டன் மில்லர் முதல் நாள் வசூலை முறியடிக்கவில்லை என்கிற தகவல்கள் தற்போது வெளியாகியுள்ளன.

தமிழ்நாட்டைப் பொறுத்தவரை கேப்டன் மில்லர் மற்றும் அயலான் என இரு படங்களுக்கும் சமமான தியேட்டர்களே ஒதுக்கப்பட்டு இருந்தன. மேலும் பொங்கல் ரிலீசாக விஜய் சேதுபதியின் மெரி கிறிஸ்துமஸ், அருண் விஜயின் மிஷன் சப்டர் 1 உள்ளிட்ட தமிழ் படங்களும் மகேஷ்பாபுவின் குண்டூர் காரம் மற்றும் ஹனுமான் உள்ளிட்ட படங்கள் வெளியாகின.

இதையும் படிங்க: பாக்ஸ் ஆபிஸ் வசூலில் மாஸ் காட்டிய தனுஷ்!.. கேப்டன் மில்லர் முதல் நாள் வசூல் இத்தனை கோடியா?..

ஏலியன் கான்செப்ட்டை வைத்து கிரீன் மேட் மேஜிக்கில் ரவிக்குமார் உருவாக்கிய இந்த படம் குழந்தைகளுக்கான படமாக உருவாகியுள்ளது. முதல் பாதி குழந்தைகளை டார்கெட் செய்தும், இரண்டாம் பாதி ஆக்சன் ரசிகர்களை டார்கெட் செய்தும் உருவாக்கப்பட்டுள்ளது.

தமிழ்நாட்டில் முதல் நாளில் அயலான் திரைப்படம் 4 கோடி ரூபாய் வசூலை ஈட்டி இருப்பதாகவும் உலகம் முழுவதும் இந்த படம் 10 முதல் 12 கோடி ரூபாய் வரை வசூல் செய்திருப்பதாக தகவல்கள் வெளியாகியுள்ளன.

இதையும் படிங்க: ரஜினி விஷயத்துல அவர் பண்ணது வேறலெவல்!.. அப்பவே ஸ்கெட்ச் போட்டு வேலை பார்த்த சிவகார்த்திகேயன்..

தனுஷின் கேப்டன் மில்லர் திரைப்படம் தமிழ்நாட்டில் 8 கோடி ரூபாய் வசூலையும் உலகம் முழுவதும் 17 கோடி ரூபாய் வசூலையும் ஈட்டியுள்ளது.

பொங்கல் விடுமுறை தொடர்ந்து ஐந்து நாட்களுக்கு உள்ள நிலையில், அடுத்த வாரம் புதன்கிழமை வரை புதிதாக வெளியான அனைத்து படங்களும் நல்ல வசூல் ஈட்டும் என எதிர்பார்க்கப்படுகிறது. கேப்டன் மில்லர் படத்தின் வசூலை அயலான் இந்த பொங்கல் வீசில் முறியடிக்குமா என்பது இன்னும் ஒரு வாரத்தில் தெரிந்துவிடும்.

இதையும் படிங்க: ரஜினி சொல்லியும் கேட்கல!.. மொத்த சீனையும் மாத்திய மகேந்திரன்!.. ஜானி படத்தில் நடந்த சம்பவம்.!..