சிவாஜி குடும்பத்தின் வாரிசுடன் உள்ளே வரும் ஐந்து வைல்ட் கார்ட்… டைட்டிலுக்கு ஆள் ரெடி..

BiggbossTamil: பிக் பாஸ் தமிழ் சீசன் 8ல் இன்று ஐந்து வைல்ட் கார்ட் போட்டியாளர்கள் உள்ளே வர இருக்கின்றனர். இவர்கள் யார் என்று முக்கிய தகவல்கள் இணையத்தில் வெளியாகி ரசிகர்களை ஆச்சரியப்பட வைத்திருக்கிறது.

பிக் பாஸ் தமிழ் சீசன் 8 விஜய் சேதுபதி தொகுத்து வழங்கி வருகிறார். மற்ற சீசன்களைப் போல அல்லாமல் ரசிகர்கள் போட்டியாளர்களிடம் கேட்கப்பட வேண்டும் என நினைக்கும் கேள்விகளை அந்த இடத்திலேயே விஜய் சேதுபதி நெத்தியடியாக கேட்டு விடுவது பலரை ரசிக்க வைத்திருக்கிறது.

ஆனால் அதற்கு நேர் மாறாக போட்டியாளர்கள் தேர்வு இந்தமுறை மிகப்பெரிய பலவீனமாக அமைந்திருக்கிறது. எப்போதும் ஒன்று அல்லது இரண்டு விஜய் டிவி பிரபலங்கள் உள்ளே வருவார்கள். ஆனால் இந்த முறை வந்திருக்கும் 16 போட்டியாளர்களில் ஒன்று இரண்டு பேரைத் தவிர மற்ற அனைவருமே விஜய் டிவியின் பிரபலங்கள்தான்.

இதுவே ரசிகர்களுக்கு மிகப்பெரிய அதிருப்தியை கொடுத்தது. இதனால் பல சீசன்களாக பார்த்து வந்த பார்வையாளர்கள் பிக் பாஸ் தவிர்த்து வருவதையும் பார்க்க முடிகிறது. இந்த பிரச்சினையை தவிர்க்க தற்போது ஐந்து போட்டியாளர்கள் உள்ளே வர இருக்கின்றனர்.

இவர்களில் ஒருவரை தவிர மற்றவர்கள் விஜய் டிவி இல்லாத பிரபலங்கள் தான். இதனால் மீண்டும் பிக் பாஸ் நிகழ்ச்சியின் டிஆர்பி ரேட்டிங் அதிகரிக்கும் என எதிர்பார்க்கப்படுகிறது. அந்த வகையில் இன்றைய நிகழ்ச்சிக்குள் ஐவரும் உள்ளே செல்ல இருக்கின்றனர்.

சிவாஜி குடும்பத்தின் மூத்த மகனான ராம்குமாரின் மகன் சிவகுமார் உள்ளே செல்ல இருக்கிறார். இவருடைய மனைவி சுஜாவருணி முதல் சீசனில் உள்ளே சென்று பாடலாசிரியர் சினேகனுக்கு வலுவான போட்டியாக அமைந்து விளையாடிய டாஸ்க் இன்றளவும் ரசிகர்களிடம் பிரபலம்.

இதனால் தற்போது சிவகுமார் மீது ரசிகர்களுக்கு மிகப்பெரிய எதிர்பார்த்து உருவாகி இருக்கிறது. நடிகை மஞ்சரி மற்றும் வர்ஷினி வெங்கட் உள்ளே வருகின்றனர். அதுபோல நடிகர் ரானவ் உள்ளே செல்ல இருப்பதாகவும் கூறப்படுகிறது.

ஐந்தாவதாக விஜய் டிவியில் வெளியான கலக்கப்போவது யாரு நிகழ்ச்சியில் பிரபலமடைந்த நடிகர் டி எஸ் கே உள்ளே சென்று இருக்கிறார். இவர் சமீபத்தில் நடித்த லப்பர் பந்து திரைப்படத்தில் மிகச் சிறப்பான நடிப்பை வெளிப்படுத்தி இருந்தார் என்பதும் குறிப்பிடத்தது.