ஆதிக் கூட்டணியில் உருவாகும் ஏகே 64… அஜித்தின் சம்பளம் ‘சர்’ருன்னு ஏறிடுச்சே!

ஆதிக் ரவிச்சந்திரன் இயக்கத்தில் அஜித் நடித்த குட் பேட் அக்லி ஃபேன் பாய் படமாக உருவானது. ரசிகர்கள் மத்தியில் பெரும் வரவேற்பைப் பெற்றது. இதைத் தொடர்ந்து அவரது அடுத்த படமும் அதே காம்போ தான். படத்தில் அஜித்தின் சம்பளம் எவ்வளவு தெரியுமா? வாங்க பார்க்கலாம்.

105 முதல் 165 கோடி வரை சராசரியாக சம்பளம் வாங்கி வரும் அஜித்தின் அடுத்த படத்திற்கான சம்பளம் எகிறி உள்ளது. கடைசியாக வெளியான குட் பேட் அக்லி படத்துக்கு 150 கோடி வரை அஜித்தின் சம்பளம் என்கிறார்கள்.

குட் பேக் அக்லியின் வெற்றியைத் தொடர்ந்து அதே காம்போவில் அடுத்த படமும் தயாராகிறது. அஜித் 64 படத்துல ஆதிக் ரவிச்சந்திரன் இயக்குவதாக தகவல் வந்துள்ளதாம். அந்தப் படத்துக்கு அஜித்தின் சம்பளம் 200 கோடியே 80 லட்சமாம். ஏன்னா கூட்டுத்தொகை 10 வரணும்கறதுக்காக இந்த சம்பளம் கேட்டாராம்.

அதற்கு மைத்ரி மூவி மேக்கர்ஸ் தயாரிப்பு நிறுவனமும் சம்மதித்து விட்டதாம். படம் நல்லா வரணும். அதைத் தாண்டி இதுல கமிஷன் அடிக்கணும். அதுல கமிஷன் அடிக்கணும்னு எல்லாம் போகவே மாட்டாரு. அதனால மைத்ரி மூவி மேக்கர்ஸ்சும் அவரையே டிக் பண்ணி விட்டார்களாம்.

அஜித்தும் எப்பவும் தனக்கு சாதகமாக இயக்குனர் இருக்கணும்னு நினைப்பாரு. அதனால் அந்த மாதிரி ஆள்கள் கூட தான் டிராவல் பண்ணுவாரு. தனக்குப் பிடிக்காத காட்சிகளைக் கூட கட்டாயப்படுத்தி பண்ணச் சொல்லி தியேட்டரில் கிளாப்ஸ் வாங்கிக் கொடுத்தவர் ஆதிக் ரவிச்சந்திரன்.

அதனால் அவருடனே திரும்பவும் படங்களில் பணியாற்ற அஜித் விரும்புகிறார் என்றே சொல்லலாம். ஆதிக்கின் படத்தைத் தொடர்ந்து தனுஷ் படம் வெளியாக வாய்ப்பு உள்ளது. அஜித் – ஆதிக் கூட்டணியில் உருவாகும் அடுத்த படம் செப்டம்பர் முதல் சூட்டிங் தொடங்க வாய்ப்பு உள்ளதாக சொல்லப்படுகிறது.

ஆகஸ்டு கடைசி அல்லது செப்டம்பர் முதல் வாரத்தில் படத்திற்கான அறிவிப்பு வெளியாகும் என்று தெரிகிறது. மேற்கண்ட தகவலை பிரபல வலைப்பேச்சாளர் அந்தனன் தெரிவித்துள்ளார்.