என் பையனுக்கு ஹிந்தியே பிடிக்காது!.. நானும் சூர்யாவும்.. கொளுத்திப்போட்ட ஜோதிகா!….

Actress Jyotika: கடந்த சில நாட்களாகவே பேஸ்புக், டிவிட்டர் பக்கம் போனாலே இந்தி எதிர்ப்பு பற்றிய பதிவுகளை நிறைய பார்க்க முடிகிறது. தமிழகத்திற்கும் இந்திக்கும் எப்போதும் ஏழாம் பொருத்தம்தான். தேசிய மொழியான ஹிந்தியை தமிழ்நாட்டில் உள்ள அரசு பள்ளிகளிலும் கொண்டு வர வேண்டும் என பாஜக அரசு நினைக்கிறது.

மும்மொழிக் கொள்கை: ஏற்கனவே தமிழ், ஆங்கிலம் என இரண்டு பயிற்று மொழிகள் அரசு பள்ளிகளில் இருக்க மும்மொழிக் கொள்கையை கொண்டு வந்து அரசு பள்ளி மாணவர்களும் ஹிந்தி படிக்க வேண்டும் என்கிற நிலையை உருவாக்க நினைக்கிறார்கள். ஆனால், எந்த மொழியென்றாலும் அதை கற்றுக்கொள்வது என்பவது அவர்களின் உரிமை. எதையும் திணிக்கக் கூடாது என்பது ஆளும் அரசு மற்றும் பலரின் பொதுவான கருத்தாக இருக்கிறது.

குறிப்பாக மும்மொழிக் கொள்கையை தமிழ்நாடு ஏற்கவில்லை என்றால் கல்வி தொடர்பான நிதியை கொடுக்கமாட்டோம் என மத்திய அமைச்சரே சொல்ல தமிழகத்தில் பலரும் கொந்தளித்துவிட்டார்கள். டிவிட்டர், ஃபேஸ்புக் என எங்கு போனாலும் இந்திக்கு எதிராக பலரும் கருத்து தெரிவித்து வருகிறார்கள்.

நடிகை ஜோதிகா: ஆனால், ஹிந்தியை கற்றுக்கொள்வது நல்லதுதான். அப்போதுதான் வட இந்தியா பக்கம் போனால் தமிழர்களால் சமாளிக்க முடியும். ஏனெனில் வட இந்தியர்களுக்கு ஹிந்தி தெரியாது எனவும் சிலர் பேசி வருகிறார்கள். இந்நிலையில்தான், நடிகை ஜோதிகா கூறியுள்ள கருத்து முக்கியத்துவம் வாயந்ததாக பார்க்கப்படுகிறது.

ஜோதிகா மும்பையை சேர்ந்தவர். அவரின் தாய் மொழியே ஹிந்திதான். ஆனால், ஊடகம் ஒன்றில் பேசிய அவர் ‘என் மகள் நன்றாக ஹிந்தி பேசுவாள். ஆனால, என் மகனுக்கு ஹிந்தி பிடிக்காது. ‘ஹிந்தி நஹி அம்மா’ன்னு சொல்லிடுவான். நானும், சூர்யாவும் அதிகமாக தமிழில்தான் பேசிக்கொள்கிறோம்’ என சொல்லியிருக்கிறார்.

கல்வி திட்டத்தில் மாற்றங்களை கொண்டுவருவதை சூர்யா எதிர்த்து பேசினார். மேலும், கோவிலை போல பள்ளிகளையும் சுத்தமாக வைத்திருக்க வேண்டும் என ஒரு மேடையில் ஜோதிகா பேசியதையும் குறிப்பிட்ட கட்சியை சேர்ந்த பலரும் கடுமையாக விமர்சித்தார்கள். இந்நிலையில்தான் ‘என் மகனுக்கே ஹிந்தி பிடிக்காது’ என சொல்லியிருக்கிறார் ஜோதிகா. சூர்யாவும், ஜோதிகாவும் இப்போது மும்பையில் செட்டில் ஆகிவிட்டது குறிப்பிடத்தக்கது.