ஹாட்ரிக் வெற்றியை கொடுத்தாரா மணிகண்டன்?.. குடும்பஸ்தன் முதல் நாள் வசூல் எவ்வளவு தெரியுமா?..

தமிழ் சினிமாவில் வளர்ந்து வரும் நடிகராக இருந்து வருகின்றார் நடிகர் மணிகண்டன். டிவி நிகழ்ச்சி மூலமாக தனது சினிமா பயணத்தை தொடங்கிய மணிகண்டன் பல இயக்குனர்களிடம் உதவி இயக்குனராக பணியாற்றி இருக்கின்றன. இவருக்கு சினிமாவில் இயக்குனராக வேண்டும் என்பதுதான் ஆசை. இருப்பினும் ஆரம்பகால கட்டத்தில் கிடைக்கும் கதாபாத்திரங்களில் நடித்து வந்தார்.

தொடக்கத்தில் காலா, விக்ரம் வேதா, காதலும் கடந்து போகும் உள்ளிட ஒரு சில திரைப்படங்களில் முக்கிய கதாபாத்திரங்களில் நடித்து வந்த மணிகண்டனுக்கு ஜெய் பீம் திரைப்படம் மிகப்பெரிய திருப்புமுனையாக அமைந்தது. இந்த திரைப்படத்தில் ராஜாக்கண்ணு என்கின்ற கதாபாத்திரத்தில் மிகச் சிறப்பாக நடித்திருந்தார். இந்த கதாபாத்திரத்திற்கு பிறகு சினிமாவில் ஹீரோவாக நடிப்பதற்கு வாய்ப்பு கிடைத்தது.

அதன் படி குட்நைட் என்கின்ற திரைப்படத்தின் மூலமாக ஹீரோ பயணத்தை தொடங்கிய மணிகண்டன் முதல் திரைப்படத்திலேயே வெற்றி பெற்றார். பின்னர் கடந்த வருடம் வெளியான லவ்வர் திரைப்படம் மிகப்பெரிய வரவேற்பு பெற்றது. அதனை தொடர்ந்து இந்த ஆண்டு தொடக்கத்தில் குடும்பஸ்தன் என்கின்ற திரைப்படத்தில் நடித்திருக்கின்றார்.

இந்த திரைப்படமும் திரையரங்குகளில் ரசிகர்களிடையே நல்ல வரவேற்பை பெற்று வருகின்றது. தொடர்ந்து ரசிகர்கள் இப்படத்திற்கு பாசிட்டிவான விமர்சனங்களை கொடுத்து வருகிறார்கள். இந்த படத்தை அறிமுக இயக்குனர் ராஜேஸ்வர் காளிசாமி இயக்கி இருக்கின்றார். இதில் மணிகண்டன் உடன் இணைந்து குரு சோமசுந்தரம், சான்வி மேகனா, சுந்தர்ராஜன் உள்ளிட்ட பலரும் நடித்திருக்கிறார்கள்.

தொடர்ந்து நல்ல கதைகளை தேர்வு செய்து நடித்து வரும் மணிகண்டன். இந்த முறையும் குடும்ப அம்சம் கொண்ட படத்தை தேர்வு செய்து நடித்து இருக்கின்றார். முந்தைய படங்களில் இல்லாத வேறு ஒரு வித்தியாசமான பரிமாணத்தை இப்படத்தில் மணிகண்டன் காட்டி இருக்கின்றார். ஒரு நடுத்தர குடும்பத்தில் இருக்கும் இளைஞன் இன்றைய காலகட்டத்தில் எதுபோன்ற பிரச்சனைகளை எல்லாம் சந்திக்கின்றான் என்பதை மையமாக வைத்து இப்படம் நகர்கின்றது.

குடும்பத்தில் பணத்திற்காக என்னென்ன பிரச்சனைகள் நடக்கின்றது என்பதை மிகச் சிறப்பாக காட்டி இருக்கின்றார் இயக்குனர். காமெடி, செண்டிமெண்ட், காதல் என அனைத்தும் இருப்பதால் இப்படம் பார்ப்பவர்களுக்கு ஒரு நல்ல என்டர்டெயின்மென்ட் படமாக இருக்கின்றது. இந்த திரைப்படத்திற்கு மக்களிடையே நல்ல வரவேற்பு கிடைத்துவரும் நிலையில் படத்தின் முதல் நாள் வசூல் தொடர்பான தகவல் வெளியாகி இருக்கின்றது.

அதன்படி இந்த திரைப்படம் முதல் நாளில் ஒரு கோடி ரூபாய் வசூல் செய்துள்ளதாக கூறப்படுகின்றது. வரும் நாட்கள் வார விடுமுறை நாட்கள் என்பதால் நிச்சயம் படத்தின் வசூல் அதிகரிக்கும் என்று எதிர்பார்க்கப்படுகின்றது. ஆக மொத்தம் இந்த திரைப்படம் மணிகண்டனுக்கு ஒரு ஹாட்ரிக் வெற்றியை கொடுத்து இருக்கின்றது.