எனக்கு அந்த நடிகைதான் வேண்டும்!,, புது படத்துக்கு அடம் பிடிக்கும் சிவகார்த்திகேயன்..

Sivakarthikeyan: விஜய் டிவியில் ஆங்கராக வேலை பார்த்து கெரியரை துவங்கியவர் சிவகார்த்திகேயன். அதன்பின் திரைப்படங்களில் நடிக்க ஆசைப்பட்டார். நடிகர் தனுஷ் நடித்த 3 படத்தில் ஒரு சின்ன வேடத்தில் நடித்தார். அதன்பின் மெரினா படத்தில் அவருக்கு ஹீரோ வாய்ப்பு கிடைத்தது. மனம் கொத்திப் பறவை என சில படங்களில் நடித்தாலும் எதிர்நீச்சல் படம் இவரை கவனிக்க வைத்தது.

வருத்தப்படாத வாலிபர் சங்கம், ரஜினி முருகன் போன்ற திரைப்படங்கள் சிவகார்த்திகேயனை பட்டி தொட்டி எங்கும் கொண்டு சேர்த்தது. அந்த படங்களின் வெற்றிக்கு பின் சிவகார்த்திகேயன் கோலிவுட்டின் ஒரு முக்கியமான நடிகராக மாறினார். அதோடு அவரின் சம்பளமும் அதிகரித்தது. மிகவும் குறுகிய காலத்திலேயே அவருக்கு முன்னால் சினிமாவுக்கு வந்த பல சீனியர் நடிகர்களையும் ஓரம் கட்டி முன்னேறினார்.

சிவகார்த்திகேயனின் வளர்ச்சி பல நடிகர்களுக்கும் பொறாமையை ஏற்படுத்தியது. அமரன் பட வெற்றி சிவகார்த்திகேயனின் மார்க்கெட்டை உச்சத்திற்கு கொண்டு சென்று விட்டது. அந்த படம் 300 கோடி வரை வசூல் செய்து விட்டது. அந்த படத்திற்கு பின் 70 கோடி சம்பளம் வாங்கும் நடிகராக சிவகார்த்திகேயன் மாறிவிட்டார்.

அமரன் படத்திற்குப் பின் ஏ ஆர் முருகதாஸ் இயக்கத்தில் மதராஸி மற்றும் சுதா கொங்கரா இயக்கத்தில் பராசக்தி ஆகிய படங்களில் நடித்தார் சிவகார்த்திகேயன். தற்போது மதராஸி படம் முடிந்துவிட்டது. இந்த படம் செப்டம்பரில் வெளியாக உள்ளது. பராசக்தி படத்தின் படப்பிடிப்பு இன்னும் சில நாட்கள் மட்டுமே பாக்கி இருக்கிறது. ஒருபக்கம் சிவகார்த்திகேயனின் அடுத்த படத்தை யார் இயக்கப் போகிறார் என்பதில் பெரிய குழப்பமே நீடித்தது.

வெங்கட் பிரபு, குட் நைட் பட இயக்குனர் வினாயக் சந்திரசேகர் மற்றும் டான் பட இயக்குனர் சிபி சக்கரவர்த்தி என பலரையும் சொன்னார்கள். ஒரு கட்டத்தில் சிபி சக்கரவர்த்தி, விநாயக் சந்திரசேகர் என இருவரின் பெயரும் மாறி மாறி அடிபட்டது. இப்போது சிவகார்த்திகேயனின் புதிய படத்தை இயக்கப்போவது சிபி சக்கரவர்த்தி என்பது உறுதியாகி உள்ளது. இந்த படத்தில் தனது ஜோடியாக மிருனள் தாக்கூர் நடிக்க வேண்டும் என சிவகார்த்திகேயன் ஆசைப்படுகிறாராம்.

எனவே அவரிடம் பேச்சு வார்த்தை நடைபெற்று வருகிறது. கடந்த சில வருடங்களில் ரசிகர்களிடம் பிரபலமானவர் மிருனள் தாக்கூர். தெலுங்கில் துல்கர் சல்மானுக்கு ஜோடியாக இவர் நடித்த சீதாராமம் திரைப்படம் இவரை ரசிகர்களிடம் பிரபலம் ஆக்கிவிட்டது, எனவே இவரோடு ஜோடி போட்டு நடிக்க வேண்டும் என கோலிவுட்டில் சிம்பு, தனுஷ், சிவகார்த்திகேயன் போன்ற பல நடிகர்களும் ஆசைப்படுகிறார்கள்.