தீபாவளி பண்டிகையை முன்னிட்டு தமிழ் சினிமாவில் மூன்று திரைப்படங்கள் வெளியானது. இதில் சிவகார்த்திகேயன் நடிப்பில் வெளியான அமரன் திரைப்படம் திரையரங்குகளில் சக்க போடு போட்டு வருகின்றது. 4 நாட்களில் மட்டும் 135 கோடி வசூல் செய்து சாதனை படைத்துள்ளது. வரும் நாட்களில் கட்டாயம் இந்த திரைப்படம் 200 கோடி வசூல் செய்யும் என்று கூறி வருகிறார்கள்.
இந்த திரைப்படம் சிவகார்த்திகேயனுக்கு ஒரு மிகப்பெரிய வெற்றி படமாக அமைந்திருக்கின்றது. அதற்கு அடுத்ததாக கவின் நடிப்பில் வெளியான பிளடி பெக்கர் திரைப்படமும் சுமாரான வெற்றியை கொடுத்திருந்தது. இந்த திரைப்படத்திற்கு தமிழகத்தில் அதிக திரையரங்குகள் ஒதுக்கப்படாத காரணத்தினால் குறைந்த திரையரங்குகளிலும் படம் நன்றாக ஓடியதாக தகவல் வெளியாகி இருந்தது.
4 நாட்களில் இந்த திரைப்படம் 12 கோடி ரூபாய் வசூல் செய்துள்ளதாக கூறப்பட்டிருந்தது. படமே 10 கோடி ரூபாய் பட்ஜெட்டில் எடுக்கப்பட்டிருந்த காரணத்தால் இது ஒரு லாபகரமான படம் தான் என்று கூறி வந்தார்கள். மேலும் நெல்சன் திலிப்குமாரின் உதவி இயக்குனரான சிவபாலன் அறிமுகமான திரைப்படம் பிளடி பெக்கர்.
இந்த திரைப்படத்தில் கவின் உடன் இணைந்து ராதாரவி, ரெடின் கிங்ஸ்லி உள்ள பலரும் நடித்திருந்தார்கள். நடிகர் கவின் பிச்சைக்காரன் வேடத்தில் மிகச் சிறப்பாக இந்த திரைப்படத்தில் நடித்திருந்தார். இந்த திரைப்படத்தின் மூலமாக இயக்குனரான நெல்சன் திலிப்குமார் தயாரிப்பாளராக அறிமுகமாகி இருக்கின்றார்.
இந்த திரைப்படத்தின் தமிழ்நாட்டின் வெளியிட்டு உரிமையை 5 ஸ்டார் செந்தில் என்கின்ற நபர் வாங்கி வெளியிட்டு இருந்தார். இப்படத்தை அவர் 11.5 கோடி ரூபாய்க்கு வாங்கி இருந்தார். பைவ் ஸ்டார் செந்தில் என்ற விநியோகிஸ்தர் சமீப காலமாக சிறந்த திரைப்படங்களை வெளியிட்டு அதிக லாபம் பார்த்த ஒரு விநியோகிஸ்தர்.
பார்க்கிங், கருடன், மகாராஜா ஆகிய மூன்று திரைப்படங்களின் தமிழ்நாட்டு திரையரங்கு உரிமையை வாங்கியவர் இவர்தான். இதன் மூலம் மிகப்பெரிய லாபத்தை சம்பாதித்து இருந்தார். ஆனால் அந்த லாபம் அனைத்தையும் ஒரே படத்தில் விட்டுவிட்டார் என்று தான் கூற வேண்டும். இந்த திரைப்படத்தை கிட்டத்தட்ட 12 கோடி ரூபாய்க்கு வாங்கிய நிலையில் 3 கோடி ரூபாய் ஷேர் வந்தாலே அது மிகப்பெரிய ஆச்சரியம் என்று கூறி வருகிறார்கள்.
இதனால் அவருக்கு மிகப்பெரிய நஷ்டம் ஏற்பட்டுள்ளதாம். இதில் நெல்சன் திலிப்குமார் உஷாராக முன்கூட்டியே அக்ரீமெண்டில் கண்டிஷன் போட்டு கையெழுத்து வாங்கி விட்டாராம். இதனால் அவரிடமும் செல்ல முடியாத சூழல் ஏற்பட்டுள்ளதாக வலைப்பேச்சு பிஸ்மி கூறி இருக்கின்றார்
தமிழ் சினிமாவில் ஹாரர் திரைப்படங்களுக்கு எப்போதுமே தனி ரசிகர் பட்டாளம் உண்டு. அந்த வகையில், பேய்ப் பட ரசிகர்களை சீட்…
தனுஷின் 'கர' படத்தைத் தொடர்ந்து, '8 தோட்டாக்கள்' புகழ் நடிகர் வெற்றி நடிக்கும் பரீட் படத்திற்காக, அதிரடியான ஒரு போலீஸ்…
லவ் டுடே, டிராகன், ட்யூட் வெற்றி படங்களை தொடர்ந்து அடுத்து பிரதீப் ரங்கநாதன் நடிப்பில் எல்ஐகே வருகிற 10ம் தேதி…
சிம்பு என்றாலே பஞ்சாயத்துதான். ஏனெனில், சிம்பு ஒரு படத்தில் நடிக்கிறார் என்றால் ஒன்று அவர் மூலம் அந்த படத்துக்கு பிரச்சனை…
Serial TRP: தமிழ் சின்னத்திரையில் வெளியாகும் சீரியல்களுக்கான இந்த வார டிஆர்பி அப்டேட் வெளியாகி இருக்கிறது. அந்த வகையில் சன்…
Pandian Stores2: விஜய் தொலைக்காட்சியில் ஒளிபரப்பாகி வரும் பாண்டியன் ஸ்டோர்ஸ்2 தொடரில் நடிகர் சிலம்பரசனும் நடிக்க இருப்பதாக தகவல்கள் வெளியாகி…